कवितेचा शब्द शब्द

अनन्त्_यात्री's picture
अनन्त्_यात्री in जे न देखे रवी...
24 Jun 2024 - 12:38 pm

प्रपाताने थेंबुट्यास
कमी कधी लेखू नये
पिंडी वसते ब्रह्मांड
कदापि विसरू नये

महापुरात लव्हाळी
वाचतील? खात्री नाही
लवचिकतेचा ताठा
लव्हाळ्याने धरू नये

आरशाने आरशात
प्रतिबिंब पाहू नये
अनंताने कोंदटसे
सान्तपण लेवू नये

कवितेचा शब्द शब्द
ओळ बनण्याच्या आधी
दोन ओळींच्या मधल्या
अनाघ्राता स्पर्शू नये

मुक्तक

प्रतिक्रिया

प्राची अश्विनी's picture

26 Jun 2024 - 9:15 am | प्राची अश्विनी

वाह!

मनिष's picture

4 Jul 2024 - 5:29 pm | मनिष

हे सुरेख आहे.

कवितेचा शब्द शब्द
ओळ बनण्याच्या आधी
दोन ओळींच्या मधल्या
अनाघ्राता स्पर्शू नये