1

प्रवास कसला? फरफट अवघी!

Primary tabs

चौकस२१२'s picture
चौकस२१२ in जे न देखे रवी...
7 Sep 2021 - 8:38 am

एक आर्त काव्य , सलील कुलकर्णी
( कवी माहित नाही बहुतेक संदीप खरे किंवा सुधीर मोघे )
https://www.youtube.com/watch?v=xyHtnZW0dNA

अजुन उजाडत नाही ग!

दशकामागून सरली दशके
अन् शतकाच्या गाथा ग!
ना वाटाचा मोह सुटे वा
ना मोहांच्या वाटा ग!
पथ चकव्याचा, गोल,
सरळ वा कुणास उमगत नाही ग
प्रवास कसला? फरफट अवघी!
पान जळातून वाही ग...

कधी वाटते 'दिवस'-'रात्र' हे
नसते काही असले ग
त्यांच्यालेखी रात्र सदाची
ज्यांचे डोळे मिटले ग
स्पर्श आंधळे. गंध आंधळे भवताली वनराई ग
तमातली भेसुर शांतता... कानी कूजन नाही ग...

एकच पळभर एखादी कळ
अशी सनाणुन जाते ग
क्षणात विरती अवघे पडदे
लख्ख काही चमचमते ग!
ती कळ सरते... हूरहुर उरते अन् पिकण्याची घाई ग
वरवर सारे शिंपण काही आतून उमलत नाही ग…

करुणकविता

प्रतिक्रिया

कुमार१'s picture

7 Sep 2021 - 8:29 pm | कुमार१

छान आहे

मिसळलेला काव्यप्रेमी's picture

7 Sep 2021 - 9:20 pm | मिसळलेला काव्यप्रेमी

संदिप खरे यांची कविता आहे हि, पण मला कळल नाही इथे का टाकलिये?

केवळ मिपाकरांबरोब्र वाटावी म्हणून ... मग कुठे असे दुवे द्यायला परवानगी आहे ? एक तर मिपावर नवीन धागा काढताना "लेखन करा " यात तो कोणतया शीषर्काखाली ताकाचे ते निवडताना काही तरी तांत्रिक गडबड होते .. असा ड्रॉप डाऊन मेनू नाहीये

संदिप खरे म्हणजे मोरपीस..
कानात अजून आवाज घुमतोय..
नोस्टालजिया....रात्र रात्र जागवल्या ह्या गीतांनी