सर्व मिपाकरांना विनंती, वारंवार सूचना देऊनही 'चालू घडामोडी' आणि इतरही काही धाग्यांत व्यक्तिगत पातळीवर केली जाणारी टीका दिसून येते. पक्षांचे प्रमुख, पक्ष यांच्यावर केल्या जाणा-या टिकाही संयमित असाव्यात अशी अपेक्षा आहे, नव्या कायद्यांमुळे संकेतस्थळावरील सर्वांचा वावर कायद्यातील नियमाबरोबर, सार्वजनिक संस्थळावरील सभ्यतेचे किमान निकष पाळणारा असावे असे मिपा व्यवस्थापनाचे मत आहे, यापुढे असे आढळून येत राहिल्यास कोणतेही स्पष्टीकरण न देता असे प्रतिसाद, धागे सरसकट अप्रकाशित केल्या जातील किंवा खाते निष्कासित करण्यासारखी कठोर कारवाई केली जाईल याची सर्वांनी नोंद घ्यावी व सहकार्य करावे.

- मिपा व्यवस्थापन


नको सत्ता

Primary tabs

केदार पाटणकर's picture
केदार पाटणकर in जे न देखे रवी...
7 Nov 2020 - 1:15 pm

(गैरमुरद्दफ गझल)

नको सत्ता, नको दौलत
हवी केवळ तुझी सोबत

पुरे ती रोजची कामे
चहा घेऊ, बसू बोलत

कुणालाही नको सांगू
तुझ्यामाझ्यातली गंमत

कधी होणार तू माझी
कळू दे ना तुझेही मत

सभोती रंग मुबलक पण
निराळी ही तुझी रंगत

(समाप्त)

gazalगझल

प्रतिक्रिया

केदार पाटणकर's picture

23 Nov 2020 - 12:22 pm | केदार पाटणकर

आवडली नसेल तर तसा प्रतिसाद द्या. त्याचेही स्वागत आहे.

ज्ञानोबाचे पैजार's picture

23 Nov 2020 - 12:57 pm | ज्ञानोबाचे पैजार

नाही आवडली,

गजल आहे म्हणून प्रत्येक शेर वेगवेगळा वाचून पाहिला पण तरी आवडली नाही.

खरे तर एखादा लेख कथा किंवा कविता आवडली नाही तर प्रतिसाद देणे उचित वाटत नाही. कारण ती कलाकृती लेखकाला भावलेली असते.

पण इथे तुम्ही आवहान केले आहे की आवडली नसली तरी प्रतिसाद द्या, म्हणून हा प्रतिसाद प्रपंच.

पैजारबुवा,

केदार पाटणकर's picture

24 Nov 2020 - 11:08 am | केदार पाटणकर

पैजारबुवा, प्रतिसादाखातर आभारी.
तुमची - आवडली नसेल तर प्रतिसाद देणे योग्य वाटत नाही - ही भूमिकाही चिंतनीय आहे.