व्यथा

Primary tabs

अन्या बुद्धे's picture
अन्या बुद्धे in जे न देखे रवी...
17 Sep 2020 - 8:10 pm

'अंतरात खोल काही दाटले आहे'
'वाहवा! काय सुंदर मांडले आहे!'

वृक्ष काय वृद्ध रे होती कधीही?
म्हणती, हे झाड छान वाढले आहे

कसे आज अचानक सुटले कोडे?
जाणीवेने क्षणास या गाठले आहे

राहू दे ठिगळ, आणखी धागा-सुई
व्यर्थ धडपड आभाळ फाटले आहे

कितीक वर्षे, अजून ही जखम ओली
पाहीन वाट, अन्य उत्तर कोठले आहे?

आताशा उचकीही येत नाही मला
वाटते कुणी नवे तुला भेटले आहे

-अनुप

गझल

प्रतिक्रिया

रातराणी's picture

18 Sep 2020 - 4:32 am | रातराणी

आवडली!! 👌

अन्या बुद्धे's picture

18 Sep 2020 - 8:14 am | अन्या बुद्धे

धन्यवाद!:)