प्रसन्न

अनन्त्_यात्री's picture
अनन्त्_यात्री in जे न देखे रवी...
27 Dec 2019 - 11:21 am

ते विस्मृत गाणे
धूसर होऊन
विरून जाते

पण नेणीवेच्या
अथांग डोही
अवचित दिसते

मग पुन्हा गीत ते
शब्दांच्याही
पल्याड नेते

अन् नकळत अश्रु
झरताना
ओठांवर येते

मग पुन्हा पुन्हा मी
घाव सोसुनी
लढत राहतो

अन् कितीही हरलो
तरी खळाळून
प्रसन्न हसतो

कविता माझीकविता

प्रतिक्रिया

ज्ञानोबाचे पैजार's picture

27 Dec 2019 - 12:11 pm | ज्ञानोबाचे पैजार

छान लिहिली आहे, आवडली
पैजारबुवा,

सदस्य११'s picture

27 Dec 2019 - 2:28 pm | सदस्य११

आवडली कविता