ताळेबंद

तसा चोख असतो
ताळा आमचा ,
दिसा -मासाच्या गणिताचा.

कुणाची तरी वाट बघत,
जागलात,
काही उत्तर रात्रीचे प्रहर.
ते ही वळते केलेत ,
संधीकालाच्या वजावटीत.

ओंजळीत चेहेरा झाकून रडलात ,
ते ही होरे जमा धरलेत,
ग्रहणाच्या हिशेबात.
तसा चोख असतो
ताळा आमचा ,
दिसा -मासाच्या गणिताचा.

उरलं सुरलं केलं वळतं
घसार्‍याच्या आकडेवारीत
तसे काही बाक़ी नाही
देण्या घेण्याच्या हिशेबात . तसा चोख असतो
ताळा आमचा ,
दिसा -मासाच्या गणिताचा.

(मुठभर राखुंडी हातात ठेवून
आयुष्य म्हणाले,
हीच काय ती गंगाजळी
इतक्या वर्षाच्या ताळेबंदात )