कॅलेंडर गर्ल्स

कॅलेंडर गर्ल्स
माझ्या मते मधुर भांडारकर ने दोनतीन वर्षांपूर्वीच डिक्लेयर केलाय. मी या या विषयावर चित्रपट काढणार आहे म्हणून . त्याच सगळ वेल प्लाण्ड व्यवस्थित अभ्यास करून चित्रपट असतात हे सांगायला नकोच . अर्थात त्याच्या चित्रपटांचा प्लॉट ही ठरून गेलाय. रियल लाईफ वर आणि जास्त करून सेलिब्रिटी वर्ड मध्ये जे काय चाललेलं असत त्या वर्ड मधल्या भानगडी / त्या वर्ड मध्ये शिरण्या करता कराव्या लागणाऱ्या उचापत्या /त्या वर्ड मध्ये "औट ऑफ द वे" जाऊन कराव्या लागणाऱ्या तडजोडी . ग्लॅमर वर्ड मधला नाटकीपणा या सगळ्याच मिश्रण करून त्याचे सिनेमे असतात. तो एखादा टोपिक सिलेक्ट करतो आणि त्या टोपिक वर "वुमन ओरिएन्टेड" सिनेमे असतात त्याचे. त्याच्या सिनेमातली काही पात्र पण ठरलेली असतात. ते त्याच स्वताच अस वैशिष्ठ आहे .

तर आत्ता सिनेमाबद्दल
"हॉट गर्ल्स" चे फोटो असलेली कॅलेंडर कुठल्या वर्षापासून सुरु झाली ते आठवत नाहीये. पण जेव्हा पासून ती बाजारात आली तेव्हा पासून ती फेमस झाली एवढ नक्की आठवतंय. ती घराघरात लागत नसतील कदाचित ती कुठे लावली जात होती/आहेत त्याची कल्पना नाही. पण त्या गर्ल्स मात्र गाजत होत्या नक्कीच . त्या गर्ल्स ना सेलीब्रीटिचा दर्जा प्राप्त होत असे किव्वा प्राप्त होत असतो . मुलींना फिल्म इंडस्ट्री मध्ये शिरण्याचा एक "प्लॅटफॉर्म" म्हणून त्यात झळकणाऱ्या मुलीकडे बघितलं जात. आणि ते खर ही आहे. पण लगेचच त्यांना सेलीब्रीटिचा दर्जा मिळतो का ? त्या नंतर त्या मुलींचं जीवन कस बदलून जात चांगल्या पद्धतीनेही आणि वाईट पद्धतीनेही.. शेवटी ज्याच त्याच आयुष्य ठरलेल असत त्या नुसार त्या त्या मुलींचं आयुष्य बदलत. ते बदल वाईटही असतात आणि चांगलेही . पण कसे ? हेच तर महत्वाच.

या कॅलेंडर साठी वेगवेगळ्या शहरातल्या (देशातल्या आणि परदेशातल्याही ) पाच मुलींचं सिलेक्शन होत आणि चित्रपटाला सुरवात होते, प्रत्येक मुलीच स्वप्न असत मी मुंबईला जाईन ग्लॅमर वर्ड मध्ये जाईन आणि माझ आयुष्यच बदलून जाईल. पण ते तस बदलत का? त्याचं आयुष्य कशा पद्धतीने बदलत यावर सिनेमा बेतलेला आहे .त्या मुलींना फक्त सिनेमात काम करण्याचे ओप्शन्स असतात का? का आणखीन पण ओप्शन्स असतात . ते कोणते ? त्याचं कॅलेंडर बाजारात आल्या आल्या लगेच त्यांना सिनेमाच्या ऑफर्स मिळायला लागतात का ? का आणखीन काही ? कॅलेंडर बाजारात आल्यावर त्यांना विविध ठिकाणी फिती कापण्याच काम मिळत आणि अर्थात त्याचे पैसेही . त्याना काही ठिकाणी "चीफ गेस्ट" म्हणूनही बोलावलं जात. पण हे किती दिवस चालणार?. त्यातल्या काही जणी कशा आणखीन वेगळ्या क्षेत्रात ओढल्या जातात आणि त्यांची काय अवस्था होते. तुरुंगात जाव लागतं. आक्सिडेंट होतात. औदासिन्य येत दारू / ड्रग ची व्यसन लागतात. दुसर्याचे "बेड" सजवावे लागतात. क्रिकेट बेटिंग मध्ये ओढल्या जातात आणि काय काय आणि काय. मुंबई बाहेरच्या मुली काहीतरी स्वप्न घेऊन मुंबईत येतात आणि त्यांची काय आणि कशी वाताहत होते किव्वा एक दोघींचं आयुष्य वेळीच घसरण्यापासून वाचतही आणि मार्गी ही लागत पण जास्त करून वाताहातच.एक वर्ष संपल्यानंतर नवीन "कॅलेंडर गर्ल्स" पुढच्या वर्षीच्या कॅलेंडर वर झळकतात आणि चित्रपट संपतो . चित्रपट मधुरच्या खास शैलीत आहे. अस्वस्थ करणारा . विचार करायला लावणारा .

या चित्रपटात चक्क मधुरने काम ही केलाय. फिल्म डिरेक्टरचच. आत्ता नवीन गर्ल्स बद्दल .ज्या नवीन गर्ल्स घेतल्यात त्यांची काम चांगली झाली आहेत. पण दिसण्याच्या बाबतीत त्या सगळ्याच तशा बेताच्याच आहेत. ( हे माझ मत ) "कॅलेंडर गर्ल्स" ची निवड करताना त्यांचे लुक्स एवढे महत्वाचे नसतात का?. कोणीच ठसठशीत पणे मनात भरत नाहीत. दोन गाणी आहेत चित्रपटात ती फारशी लक्षात रहात नाहीत.

मधुर भांडारकर स्वतां या क्षेत्रात आता कित्येक वर्ष आहे त्यामुळे तोच काय ते खरेखुरे चित्रण करू शकतो . यातले खाचं खळगे काय ते त्यालाच माहिती .त्यामुळे ज्या मुली या क्षेत्रातल्या "ग्लॅमर" ( आणि अर्थातच त्यातून मिळणारा पैसा ) कडे ओढल्या जातात त्यांनी हा चित्रपट बघून वेळीच विचार करून स्वताच्या आयुष्याकडे डोळस पणे बघाव अस हा चित्रपट सुचवतो का? यातून "मधुर" हा संदेश देत असतो का ? आणि असा संदेश तो जर देत असेल तर किती मुली या कडे गांभीर्याने बघतात? ते मात्र माहिती नाही. त्याचा किती मुलींना फायदा होतो तेही माहित नाही पण "मधुर" त्याच्या चित्रपटातून कायमच या ग्लॅमर वर्ड च वास्तव चित्रण करत असतो आणि काहीतरी वेगळ आणि अर्थातच अस्वस्थ करून विचार करायला लावल्याच काम त्याचे चित्रपट कायमच करत असतात. त्यातलाच आणखीन एक :)
चित्रपट सुरेखच. बघावा असाच :)