(दूर असलेला नवरा आज बऱ्याच दिवसांनी घरी येतोय म्हणून बायकोची उडालेली त्रेधा पाहून तिच्या मैत्रिणी तिची अशी फिरकी घेतात )
सांज दाराशी गं आली, सये भांडतेस कशा..
काय लागीर लागली अशा राती येड्यापिश्या ।
सये भांडतेस कशा, भरे घागर पाण्याची
तुझे ध्यान कोठे बाई? येळ जाहली जाण्याची ।
येळ जाहली जाण्याची, बिगीबिगी टाक पाय
आडवाट चकव्याची.. मन लागंल वढाय ।
मन लागंल वढाय, या गं चांदणचाहूली
भीव घाली गोरीमोरी तुझी कातर सावली ।
या गं चांदणचाहूली, रंग ठेव कि राखून
मीठ उतरून टाक.. वारे पहाते वाकून ।
वारे पहाते वाकून, आहे गर्द तुझी खोली
माळ केसात मोगरा, वाट पहा गंधाळली ।
वाट गंधाळली सरे, वीज कडाडे नभात
दार उघडण्याआधी जरा बघ आरशात ।
बघ दिसे आरशात, तुझा साजन बरवा
डोळ्या भिडताच डोळा, होई पदर हिरवा ।
प्रतिक्रिया
6 Apr 2015 - 6:41 pm | प्रचेतस
लई झ्याक.
6 Apr 2015 - 6:54 pm | प्रा.डॉ.दिलीप बिरुटे
लै मस्त !
-दिलीप बिरुटे
6 Apr 2015 - 6:56 pm | टवाळ कार्टा
;)
6 Apr 2015 - 7:06 pm | सूड
वाह!!!
6 Apr 2015 - 8:25 pm | एक एकटा एकटाच
मस्तच
7 Apr 2015 - 4:03 am | किसन शिंदे
वाह!! आवडली कविता
7 Apr 2015 - 5:30 am | अत्रुप्त आत्मा
झकास एकदम!
7 Apr 2015 - 6:33 am | मदनबाण
सुरेख... :)
मदनबाण.....
आजची स्वाक्षरी :- Atu Amalapuram Remix... ;) { Kotha Janta }
7 Apr 2015 - 9:04 am | नाखु
कवीता...
_/\_
7 Apr 2015 - 5:37 pm | अजया
मस्त मस्त.
7 Apr 2015 - 7:55 pm | कविता१९७८
मस्त
8 Apr 2015 - 8:43 am | कहर
धन्यवाद
8 Apr 2015 - 9:40 am | ज्ञानोबाचे पैजार
फारच सुरेख कविता.
अतिशय आवडली
पैजारबुवा,
8 Apr 2015 - 9:43 am | जयंत कुलकर्णी
///तुझे ध्यान कोठे बाई? येळ जाहली जाण्याची ।
येळ जाहली जाण्याची, बिगीबिगी टाक पाय
ही रचना (फॉरमॅट) वेगळी म्हणूनच आवडली. मस्तच.....
9 Apr 2015 - 1:47 am | चैत्रबन
आवडलीच :)