छायाचित्रणकला: स्पर्धा क्र. ७: शांतता

चला, माझी प्रवेशिका देत आहे.
फोटोचं ठिकाण - तुलसी तलाव, मुंबई
फोटोबद्दल - मुंबईत शांतता शोधणं म्हणजे मिरचीत गोडपणा शोधण्यासारखं आहे. अशक्य. पण भर मुंबईत मधोमध हा संजय गांधी राष्ट्रीय उद्यानाचा भाग तुम्हाला विलक्षण शांतता देतो. मुंबईला जलपुरवठा करणारा हा शांत जलाशय तुलसी. पक्षांच्या किलबिलाटाव्यतिरिक्त, मधूनच दूर कुठेतरी माकडाच्या हुप हुप करण्याव्यतिरिक्त इथे कुठलाही आवाज नव्हता.

एक्झिफ़ डेटा
कॅमेरा - कॅनन पॉवरशॉट एस एक्स २२० एचएस
अ‍ॅपर्चर - एफ़ ४
शटर स्पीड - १/१२५०
आय एस ओ १६०
फ़ोकल लेन्ग्थ - ६ एम एम
एक्स्पोजर +-०

मुंबईत एखाद्या रेल्वे स्टेशन वर एवढी शांतता असण अशक्य... वाशी स्टेशन वर क्लीक केलेला हा फोटो ....

साधारण पाचेक वर्षांपूर्वी सोनी POS ने एका रिसॉर्ट च्या पॅसेजचा फोटो काढलाय. अँगल आवडला म्हणून काढला. तिथे कोणीच नसल्याने आणि पंखेही चालू नसल्याने शांतता होती. ;)

जशा प्रत्येकाच्या सुखाच्या आणि समाधानाच्या संकल्पना वेगळ्या, तशाच प्रत्येकाच्या शांततेच्या संकल्पना वेगळ्या.

आम्हाला कधी एखाद्या सुंदर,रमणीय आणि कोलाहल नसलेल्या मंदिरात पण शांतता मिळते तर कधी एखाद्या समुद्र-किनारी, रात्रीच्या साग्रसंगीत जेवल्या नंतरच्या , वाळूच्या किनार्‍यावर अनवाणी घातलेल्या शतवापलीने पण शांतता मिळते.

पण मनापासून मानिसिक शांतता मिळते ते कट्ट्याच्या वेळी किंवा बायको बरोबर किंवा आमची लेडी-डायनॅसॉर झोपली असेल तर.जागेपणी पण तिचा काही त्रास नसतो.आम्हीच तिला त्रास देत बसतो.

हा आमचा असाच एका कट्ट्याचा फोटो.

ह्या कट्ट्याचे वैशिष्ट्य म्हणजे २ फार उत्तम माणसां बरोबरचे मतभेद (जे एकतर्फी होते, आमच्याकडूनच चूक झाली होती.) मिटले आणि आधी ज्यांच्या बरोबर संबंध घट्ट होते ते अजून द्रुढ झाले.

२ व्यक्ती, २ समाज एकत्र झाले, तर ती खरी सामाजीक शांतता असे आम्हाला वाटते.ती होईल तेंव्हा तेंव्हा होईल.पण निदान आपल्यापुरती तरी मतभेदांची दरी भरून निघणे हीच माझी मानसीक शांतता.

हे असे मानसीक शांततेचे क्षण आमच्या आयुष्यात परत-परत येतात.

वरील फोटो अस्मादिकांनी काढलेला नाही आणि तसेही मित्रांना भेटून मन इतके प्रसन्न झालेले असते की, आम्ही कॅमेर्‍याच्या वाट्याला पण जात नाही.

आमच्याच "शांतता----ज्याची-त्याची" ह्या आगामी (आणि कधीच प्रकाशन न होणार्‍या) ग्रंथ-मालिकेतील (खंड ८-प्रकरण-१०)

प्रवेशीका बाद असल्यास तसे कळवणे.

सकाळची वेळ, धुके अजूनही पूर्ण निवलेले नाही, वार्‍याची झुळूकही नाही ना समोरच्या तळ्याच्या पाण्यावर एकही तरंग आणि या सगळ्यांच्या मागे हजारो वर्षे मानवी हस्तक्षेपापासून मुक्त असलेले वर्षारण्य... नेहमी कल्ला करणारी जनताही हे दृश्य बघताना आपोआप मूक झाली होती... वातावरण, डोळे आणि मन; सर्व शांत शांत !

छायाचित्रणाच्या स्पर्धेतला हा माझा पहिलाच प्रयत्न.
गावच्या सड्यावरुन काढलेलं हे छायाचित्र. गावात कधीतरीच ए.स्टी.येणार म्हणुन एरव्ही शांत पहुडलेला लाल मातीचा रस्ता आणि त्याला साथ देत बाजुने वाहणारी शांत खाडी.

इथे आता फक्त शांततेताच आवाज उरलाय

निकॉन ड३१००
३५ मिमी लेन्स

नगर जवळील सिमेट्री …. एक भयाण शांतता !!!
काही वर्षांपूर्वी नगर जवळच्या सिमेट्री मध्ये गेलो होतो. भर दुपारी अशी भयाण शांतता होती कि विचारू नका. पण थडगी मात्र नमुनेदार आणि वैशिष्ट्यपूर्ण होती. तण भरपूर वाढले असल्यामुळे एक वेगळेच गूढरम्य वातावरण तयार झाले होते. बरोबर "सवंगडी" होता त्यामुळे ते वातावरण एकदम अंगावर आले नाही.
१८५७ साली जे इंग्रज मारल्या गेले त्यांची ही थडगी असे ऐकले आहे. चुकत असल्यास बरोबर माहिती द्यावी.

पैजारबुवा

पर्थ, ऑस्ट्रेलियाच्या व्हिक्टोरीया गार्डन्सच्या भागात टिपलेला एक शांत, एकाकी रस्ता ...

कॅमेरा : सॅमसंग गॅलेक्सी (एस ४) फोन

१. शांत्/अशांत समुद्र - एकच रिकामी खुर्ची - तुम्ही - सुर्यास्त :D

२. शांत असं तळं - सुर्यास्त - तुम्ही - सोबतीला कोणी असेल तर मजाच :P

गुहागरला बीचवरून दुर्गामाता मंदिरकडे जाताना वाडीच्या मधोमध असणारी ही पायवाट!! समुद्राची गाज, पक्ष्यांचा आवाज, आणि झाडांची सळसळ इथल्या शांततेला भंग करत होती.

मेजवानी चालू आहे...

तारकरलीचा फोटो बघून सुट्टीची आठवण फारच तीव्र व्हायला लागलीये!!

जबरी फ़ोटो आहेत एकेक !

स्थळ- नॉयश्वानस्टाईन कॅसल, जर्मनी.

ही माहिती + जाहिरात-

१.

२.

३.

.

काय काय पाहिले ह्या जागेने
यादवांचे वैभवशाली साम्राज्य,
शिल्पसमृद्ध मंदिरे
औरंगजेबाची ४ लाखांची फौज
संभाजीराजांच्या दुर्दैवाचे दशावतार

आणि आज फक्त
वैराण, उजाड....शांतता........
पेडगावच्या भग्न बहादूरगडातून.

भार्गवराम मंदिर-देवाचं गोठणं.. , या ठिकाणी गेलेलो असताना.. माझा पुतण्या-चि.नील.. याला देवळाच्या प्रवेशद्वारातच... काका...ध्यानु ध्यानु'चा फोटो - म्हणून हुक्की आली. आणि मग तसाच(चपलांसह..) तिथे बैठक लाऊन बसला.. मग क्काय?.. येव्हढी शां...त पोझ दिल्यावर, क्यामेर्‍यानी क्लिकवले दोन..चार..
त्यातलाच हा एक .........
ध्यानस्थ-शांततेचा मूळ ध्वनी-असा निरागसपणे चेहेर्‍यावर उमटलेला!
.................................................शांति'नील..................................................................

किती सुरेख आहेत एक एक फोटोज!!

सर्व प्रवेशिका एकाहून एक आहेत.

माझी अजुन एक प्रवेशिका :- डोंगराच्या कपारीतील नैसर्गिक गुहेजवळ असणारी शांतता.

मी मनात पहिला नंबर पकडला आहे. :)

-दिलीप बिरुटे

पण पहिला फार फार सुरेख.

कमाल कमाल फोटो आहेत. नि:शब्द झालोय.

एक प्रवेशिका आमचीही

पहलगामच्या गुलाबी थंडीतल्या सकाळी काढलेला हा फोटो. आजूबाजूला एकही घर नव्हते. हा एकाकी बंगला आणि नीरव शांतता. कमालीचे वातावरण होते ते.

शांत या संध्यान्त काळी

दिवेआगर येथील एका मंदिराच्या चौकटीतुन.
कॅमेरा- कोडॅक झेड डी ७१०
शटर स्पीड- १/६४५
आयएसओ- ६४
फोकल लेंग्थ- ६.३ एम एम
अपर्च्रर- एफ़ ४
पोस्ट प्रोसेसिंग - लेव्हल अॅडजस्टमेंट, ब्राईटनेस/कॉन्ट्रास्ट

गर्द निळा जलाशय त्यातून हिरव्या वनश्रीची पार्श्वभूमी लाभलेली. नि:शब्द शांतता ! अशा ठीकाणी काळ देखील थांबल्यागत वाटतो. (स्पर्धेसाठी नाही)

'दाल लेकवरची शांतता'