किनारा

अज्ञाताचे पन्ख पसरुन
काळपक्षी सांद्र क्षितिजे खुणावतो
अन अस्वस्थ ललाटरेषा
श्रांत चांदण्याचे कवडसे मोजत
शोधत रहातात विसावा
अन्तराळाच्या कुशीत ...

तेव्हा रिकामे रस्तेही ...
शोधत सरपटतात
उद्याच्या प्रवासाची हरवलेली दिशा अन
प्रसववेणा देणारी पहाट शोधू पहाते
दिवसाच्या उजाडण्याचे कारण..

आणि आसमंताच्या नि:शब्द कूपात मी
चाचपडत असतो आणि शोधत रहातो..
.....फक्त एका कुशीचा किनारा