आज पुन्हा उडावेसे वाटले

छान जमलि आहे...

मुळ कविता चांगली असल्या मुळे आम्हालाही प्रेरणा मिळाली :)

आज मला कपडे बदलावेसे वाटले
मोजेही जरा धुवावेसे वाटले
अंगावरची जीन्स रोजचीच
बर्‍याच दिवसानी तीला काढावेसे वाटले

घोटभर चहासाठी
कप विसळावेसे वाटले
चहाचे भांडेही धुवावेसे वाटले
झुरळांचा खडु फिरवावेसे वाटले

बेडवरच्या मळलेल्या चादरीला
अलगद ओढावेसे वाटले
उशांचे अभ्रेही बदलावेसे वाटले
भिंतीवरची जळमटेही काढावेसे वाटले

दारा मागचे तसले फोटो
फाडुन टाकावेसे वाटले ( पण खरच फाडले नाही हं.... फक्त वाटले :) )
त्या जागी देवादिकांचे फोटो
लावावेसे वाटले

टेरेस वरुन रोजच तुला पहातो
आज तुझ्या समोर येउन
एकदाच काय तो फैसला
करावेसे वाटले

फार झाले आता एकाकी जगणं
तुझ्या सारखे गोडपाखरु
आयुष्यात यावे असे वाटले......

त्याचमुळे.....

आज मला कपडे बदलावेसे वाटले

पल्लवीजी तुमची कविता खूप आवडली :)
आणि ज्ञानोबांनी केलेलं विडंबनही छान आहे पण वेगळा धागा काढून ते डकवलं असतं तर बरं वाटलं असतं.

आवडली.

इतकच काय,
धने, मिरे, मिरच्या ,
तिळगुळ, शेंगदाणे, अन साखरफुटाणेही वाटले,
असे वाटले... म्हणूनही वाटले असे वाटले!