काळाच्या घावाने
फरफटत जावे,
धडपडून उठावे
मन म्हणते आहे !!
ती सोनेरी क्षणे
जीवास ओलावे,
डोळ्यात गुंतावे
मन म्हणते आहे !!
जे राहिले चित्र कोरे
काही रंग भरावे,
कुंचल्यास उचलावे
मन म्हणते आहे !!
तुला शौक सुगंधाचा
विश्व गांधाळूनी यावे,
चंदनासावे झिजावे
मन म्हणते आहे !!
भ्रमराचे ओठ अन
कळीने खुलावे,
गीत होऊन जगावे
मन म्हणते आहे !!
रात्रीस धास्तावले ते
तुझ्या नजरेचे काजवे,
पहाट बनून जावे
मन म्हणते आहे !!
श्री. साजीद यासीन पठाण
दह्यारी जिल्हा - सांगली (महाराष्ट्र)
प्रतिक्रिया
13 Aug 2013 - 5:42 pm | अभ्या..
सुरेख
आवडली आहे एकदम.
मिपावर स्वागत
13 Aug 2013 - 5:42 pm | अभ्या..
सुरेख
आवडली आहे एकदम.
मिपावर स्वागत
13 Aug 2013 - 9:35 pm | आनन्दिता
तु एकटाच दोनदा स्वागत करणार मग आम्ही काय करणार?. =))
कविता आवड्ली,! लिहीत रहा!
14 Aug 2013 - 9:02 am | लीलाधर
ओ तुम्ही फकस्त "लढ" म्हणा की ओ हाकानाका :)) जीवन गाणे गातच जावे :)
13 Aug 2013 - 8:41 pm | जेपी
****
13 Aug 2013 - 9:43 pm | पैसा
छान!
13 Aug 2013 - 10:44 pm | अत्रुप्त आत्मा
सुंदर..!
14 Aug 2013 - 4:42 am | स्पंदना
आशय गर्भ कविता.
बर्‍याच खोलातुन उमटलेल्या दिसताहेत.
14 Aug 2013 - 9:05 am | लीलाधर
मी एवढेच म्हणेन तुम्ही तुमच्या घड्या हळुहळु उलगडत चला बाकी मिपाकर आहेतच जे काय म्हणायचे ते म्हणायला :))
3 Dec 2013 - 12:07 pm | psajid
तुमच्या अभिप्रायबद्दल धन्यवाद !