.
नाचते नार तोऱ्यात फार नखऱ्यात माळुनी गजरा
चाळ ते पायी तालात छान डौलात खिळवती नजरा
ओठिचे हास्य मधुजाल गाल ते लाल भान हुरहुरते
होउनी दंग चोळीत तंग वेडात ध्यान भिरभिरते
हातची काकणे नाद घालुनी साद दावती मेंदी
ती अदा करतसे फिदा विसरुनी क्षुधा वाढती धुंदी
चमकती नयन सोडुनी तीर हृदयात थेट ते त्यांच्या
मेखला खास झुलवून हात अदबीन हाती ये त्यांच्या
भिंगरी गरगरा फिरत राही भरभरा सावजा पाठी
रंगता महल रंगात येतसे शीळ कुठुनशी ओठी
पापी ते पोट बोटात नोट थाटात ओढ गाठीची
थिरकतो ताल दावी कमाल ती नार नजर भेटीची
.
प्रतिक्रिया
3 May 2013 - 2:40 am | अभ्या..
हांगाश्शी, ह्ये जबराट एकदम. :)
3 May 2013 - 7:02 am | साऊ
छान!
3 May 2013 - 8:37 am | अत्रुप्त आत्मा
तान तान तान ता..नानानानाना... जबरी जमलय
आज शाहिर पा.भे.यांची लैच आठवण येऊन र्हायली राव...
9 May 2013 - 8:07 am | किसन शिंदे
हाहाहा..अगदी ठेक्यात म्हणून पाह्यली हि लावणी..
पाभेंच्या आठवणीसाठी +१
(कुठे गेलेत राव हे पाभे)
3 May 2013 - 10:37 am | विसोबा खेचर
छान जमली आहे लावणी... :-)
3 May 2013 - 3:49 pm | महेश नामजोशि
चपखल शब्दरचना.
3 May 2013 - 4:55 pm | Bhagwanta Wayal
वा..! जबरदस्त...! लावणी आवडली.
9 May 2013 - 7:55 am | विदेश
अभ्या,
साऊ,
अतृप्त आत्मा,
विसोबा खेचर,
महेश नामजोशि,
Bhagwanta Wayal ......
प्रतिसादाबद्दल सर्वान्चे आभार !
10 May 2013 - 4:09 pm | चाणक्य
फक्कड जमलंय कि काम