कळायचे बंदचि होत पूर्ण
क्रिस् गेल कालासम कृष्णवर्ण
केले तयें बॉलर हो विवर्ण
ब्याटिंग त्याची पुरते सुवर्ण
आहेत साचे जरि लोक फार
आय्पीलची कीर्त पहा अपार
त्यातेहि हातोडिमाणूस येक
क्रिस गेल आख्यान सांगेन येक
पुण्यासवे खेळले बंगळूर
ब्याटिंग घेई, रन काढि फार
मिसाइले वर्षती जैं अपार
छक्के तसे मारितो फारफार
मारोनिया सिक्सर सर्व ग्रौंडी
केली तये फिल्डरें कानकोंडी
मागेपुढे ऑफ व ऑन बौंड्री
लोकांचिया गेलचि नाम तोंडी
ब्याटिंग जेव्हा करि गेल साचा
पळे कधी जास्त न तो फुकाचा
त्यासाठी हा सिक्सरू खेळ साचा
जो ऐंशि वा शंभर मीटरांचा
आरंभि इब्राहिमखान जैसा
जो गारद्यां मारि पहा अपैसा
तैं गेलने तीस चेंडूंत फक्त
हो ठोकली सेंचुरी पूर्ण सक्त
त्रेसष्ट धावा - द्वि-शतां रनांस
यासाठिची जी षटकेहि वीस
त्यांतेही दोनशे उणे पंचवीस
मारे पहा एकटा गेल खवीस
वन्डे असो वा विस ओव्हरींचे
पैं शॉट याचे बहुता परींचे
फाष्टर् असो वा स्पिनही असो तो
चेंडू सदाचा नभि धाडतो तो
ब्याटिंग जेव्हा करि गेल साचा
तैं प्रेक्षकू होतसे फील्डराचा
कंपौंडमागोनि घेवोनि कॅचां
हो फील्डरू होतसे प्रेक्षकाचा
सचिन जिमि शतक पर |
मॅक्ग्राथ मिडल स्टंप पर |
त्यों तडीपार सिक्सर पर |
क्रिस गेल राज है ||
प्रतिक्रिया
23 Apr 2013 - 7:19 pm | पैसा
जोरदार बॅटिंग रे बॅट मॅना! बाकी २०/२० मधे कधीतरी डबल शेंच्युरी गेल नावाचे वादळच करील!
23 Apr 2013 - 7:22 pm | बॅटमॅन
:)
होय, हे फक्त तो गेलच करू शकेल, अजून कुणाच्या बसची बात ही नाही. केशवसुत म्हणतात त्याप्रमाणे गेलही म्हणतो:
"फटक्यास माझ्या कुंपण पडणे मला न साहे | तेच पतित की, आखडिती प्रदेश फटक्याचा |" :)
23 Apr 2013 - 7:21 pm | विनोद बोरोले
खुपच छन....
23 Apr 2013 - 7:25 pm | मुक्त विहारि
तेथे कुणाचे चालेना..
23 Apr 2013 - 7:41 pm | बाबा पाटील
गेल हा मनुष्यप्राणी नाही.....हा बहुतेक मागच्या जन्मीचा महाबली भिम आणी हिडींबेचा पुत्र घटत्कोच असावा.अक्षरशः बोलर्सची कत्तल करतो हा प्राणी....
23 Apr 2013 - 7:47 pm | अत्रुप्त आत्मा
त्यांतेही दोनशे उणे पंचवीस
मारे पहा एकटा गेल खवीस>>>
तु ही आज ब्याट-म्यान करणार नाहिस बहुतेक ;-)
23 Apr 2013 - 7:50 pm | उपास
समयोचित.. आवडलं!
23 Apr 2013 - 7:53 pm | कवितानागेश
भारी लिहिलय की. मजा आली वाचायला. :)
23 Apr 2013 - 8:00 pm | अग्निकोल्हा
कडक!
23 Apr 2013 - 8:02 pm | गणामास्तर
__/\__ लै भारी रे बॅट्या.. मान गये.
24 Apr 2013 - 11:28 am | मूकवाचक
+१
23 Apr 2013 - 8:56 pm | वेल्लाभट
खल्ल्लास आहे ! ! ! ! !
खत्त्त्तरनाक !
भारी आहात आपण.
23 Apr 2013 - 9:04 pm | प्यारे१
मस्त रे!
23 Apr 2013 - 9:12 pm | आतिवास
:-)
23 Apr 2013 - 9:22 pm | सूड
मस्त !!
23 Apr 2013 - 9:39 pm | सुधीर
काव्यरसाचा पण कडक शॉट! (वाचता वाचता वाटत होतं की एखाद कडव्याच्या शेवटि गा का पा असतं नं तसं येईल, पण नाही आलं) यावरून अर्धवटरावांची (पेटवी लंका हनुमंत) आठवली.
23 Apr 2013 - 9:52 pm | बॅटमॅन
कवितेच्या दुव्याबद्दल बहुत धन्यवाद :) खत्तरनाक कविता आहे एकदम!!!
23 Apr 2013 - 9:43 pm | सुहास झेले
लै भारी... एकदम खतरनाक :) :)
23 Apr 2013 - 9:49 pm | श्रीरंग_जोशी
बॅमॅ - दंडवत स्विकारा...
ख्रिस गेलने हाणले मणामणाने,
प्रसवले शीघ्रकाव्य ब्याटमणाने...
(गुस्ताखी माफ असावी)
23 Apr 2013 - 10:04 pm | साळसकर
हा हा हा.. भारीच लिव्हलय.. कविता आवडत नाही की कळत नाहीत पण क्रिकेटचे वेड या धाग्यात खेचून घेऊन आले..
23 Apr 2013 - 11:59 pm | मिहिर
मस्त!!
24 Apr 2013 - 12:13 am | विश्वनाथ मेहेंदळे
साधु साधु !!!!
हे तूच करू जाणेस रे बाबा.
24 Apr 2013 - 9:45 am | कोमल
:))
१० कडव्यांतून १० षटकार लगावलेत की तुम्ही सुद्धा...
बेष्टच...
24 Apr 2013 - 9:49 am | मी_देव
जबरदस्त म्हणजे एकदमच जबरदस्त.. बॅट्समॅन गेल और बॅटमॅन, तुस्सी ग्रेट हो :)
24 Apr 2013 - 9:52 am | स्पा
आवडलं (हे आपलं तू कंपूत म्हणून )
बाकी कोण गेल?
- धन्यवाद
24 Apr 2013 - 9:54 am | जे.पी.मॉर्गन
कहर.... लईच झ्याक !
सचिन जिमि शतक पर |
मॅक्ग्राथ मिडल स्टंप पर |
हे लई म्हणजे लईच भारी!
जे.पी.
24 Apr 2013 - 9:55 am | अद्द्या
:D :D
24 Apr 2013 - 10:04 am | सुज्ञ माणुस
ब्याटिंग जेव्हा करि गेल साचा
तैं प्रेक्षकू होतसे फील्डराचा
कंपौंडमागोनि घेवोनि कॅचां
हो फील्डरू होतसे प्रेक्षकाचा
भारी :)
24 Apr 2013 - 11:05 am | इरसाल
जबराट लिवलया!
24 Apr 2013 - 11:39 am | नि३सोलपुरकर
बॅट्समॅन गेल आणी बॅटमॅन.....कहर आहेत दोघेही.
बॅटमॅना ___/\____ स्विकारावा.
24 Apr 2013 - 12:01 pm | तुमचा अभिषेक
कालच्या सामन्यात जे घडले त्यामुळे पुण्याचे नाव आता क्रिकेट खेळल्या अन बघितल्या जाणार्या सर्व लोकांना कायमचे लक्षात राहिल एवढे मात्र नक्की.. ;)
बाकी कवितेतील,
त्रेसष्ट धावा - द्वि-शतां रनांस
यासाठिची जी षटकेहि वीस
त्यांतेही दोनशे उणे पंचवीस
मारे पहा एकटा गेल खवीस
हे कडवे खासच.. :)
24 Apr 2013 - 12:17 pm | बॅटमॅन
सर्व प्रतिसादकांचे मनापासून आभार :)
24 Apr 2013 - 1:19 pm | मदनबाण
सुंदर रचना ! :)
मी देखील एक तोडका-मोडका प्रयत्न करुन पाहतो...
कैसे करावे ते वर्णन
राज्यात असता आवर्षण
क्रिकेट पाहुने सर्व जन
म्हणे फलंदाजीत गुंतले मन
हा हा काय म्हणावे
कोणी कोणास सांगावे
दुष्काळी राज्यास लागले
कैसे हे व्यसन भलते
लोक तिन्ही दिशेस भटकती
तरी जला अभावी प्राण ठेवती
त्याच राज्यी ही चालली
मौज भलतीच पाहिली
नसता चाड मनास
कैसे भान जनास
खेळ चालला हा मुजोर
हा तर पैशाचा माज फार...
बाण म्हणे सकल जनास
विचारावे अंतरीच्या मनास
काय उत्तर मिळते
शोधुन ते जरी पहावे.
24 Apr 2013 - 1:36 pm | पैसा
बाणाख्यान आवडले!
24 Apr 2013 - 1:54 pm | बॅटमॅन
धन्यवाद :)
बाणाख्यान आवडले हेवेसांनल :)
24 Apr 2013 - 1:25 pm | प्रचेतस
एक नंबर रे ब्याम्या. :)
24 Apr 2013 - 1:34 pm | गणपा
या शिघ्रकाव्याबद्दल दंडवत घ्यावा.
_/\_
24 Apr 2013 - 2:01 pm | मालोजीराव
कविता वाचोण भूषण कवी आनंदिले असतील वर
24 Apr 2013 - 5:20 pm | Bhagwanta Wayal
बॅटींग ही आवडली आणि कविताही, खरच खुपच छान !
त्यांतेही दोनशे उणे पंचवीस
मारे पहा एकटा गेल खवीस
बॅटींग बघुन डोळ्यांचे पारणे फिटले व कविता वाचुन मनाचे.... !!
24 Apr 2013 - 6:55 pm | श्रीगुरुजी
जबरी गेलाख्यान !
24 Apr 2013 - 7:27 pm | शुचि
क्रिकेट पाहीला नाही पण काव्य जबरदस्त झाले आहे.
26 Apr 2013 - 11:31 am | मोदक
यूट्यूबवर आहे का ही इनींग..?
बाकी ब्याम्या.. तोडलंस लेका!!!