संवाद स्वरांशी माझा
स्पंदन अविरत रागांचे
हृदयी माया कंठी मार्दव
ओठात जलद शब्दांचे
.........सावल्या किती विझलेल्या
.........झिजलेले कोळ कळांचे
..........नाळेत ओवलेली गांवे
..........अवशेष अमिट नात्यांचे
वाहते प्रवाही गाथा
पेरीत स्मरण मिथकांचे
वादळे पूररेषांची
अंतहीन क्षेत्र नभाचे
...........शत जन्म अधूरे नाथा
...........तोकडे वेध वेदांचे
...........स्तंभीत मती नत माथा
...........रण ओघळते ऋणकांचे
.......................अज्ञात
प्रतिक्रिया
4 Mar 2013 - 8:22 pm | मिसळलेला काव्यप्रेमी
अत्यंत रेखिव.
5 Mar 2013 - 5:11 am | स्पंदना
काय लिहीता हो तुम्ही!
सुरेख!
5 Mar 2013 - 8:13 am | नगरीनिरंजन
"रण ओघळते ऋणकांचे" म्हणजे काय?
8 Mar 2013 - 9:04 pm | इन्दुसुता
"काय लिहीता हो तुम्ही!
सुरेख"
अगदी असेच मलादेखील वाटते.