जीवघेणा शूल- अबोला असा का ग धरिला
ग्रीष्मजैसा पोळण्याचा, वसा का ग धरिला
मी दिला होता सखे, चन्द्र तुझिया हाती
फेकुनी पाण्यामधे, कवडसा का ग धरिला
पाहिली होती सखे तू बेवफाई माझी
श्वासातल्या जाणिवांचा, भरवसा का ग धरिला
ओलावा शोधित, फिरलीस वणवण सखे
संग ऐसा कोरडा, गरमसा का ग धरिला
मखमली पाकळ्यानी लपविले मी कफन
पदर त्याचा रेशमी, तलमसा का ग धरिला
जीवघेणा शूल- अबोला असा का ग धरिला
ग्रीष्मजैसा पोळण्याचा, वसा का ग धरिला
प्रतिक्रिया
16 Jul 2012 - 3:05 pm | नाना चेंगट
सा सा जोडण्याच्या नादात काव्य हरवले !