स्वच्छ किनारी हिरव्या दारी
नभी खगांची सोनभरारी
आकाशी विरघळे चांदवा
दिवस; उषेच्या दरबारी
पुनव जशी; शीतल अंबारी
स्वप्न पापण्यांच्या मखरी
ओतप्रोत गाण्यांच्या लहरी
जळ; प्रतिमेच्या गाभारी
गोड पिसे स्वच्छंद अंबरी
दिसे दूरचे जवळ उरी
उत्सव हा जुळल्या धाग्यांचा
रोज असावा संसारी
.............................अज्ञात
प्रतिक्रिया
4 Jun 2012 - 8:17 pm | शुचि
गेय आणि स्वप्नील.
4 Jun 2012 - 10:31 pm | पैसा
सहमत!
5 Jun 2012 - 9:52 am | अज्ञातकुल
शुची आणि पैसा; दोघांचे मनःपूर्वक आभार :)
5 Jun 2012 - 7:12 pm | मिसळलेला काव्यप्रेमी
क्या बात!!
6 Jun 2012 - 2:32 pm | गणेशा
स्वच्छ किनारी हिरव्या दारी
नभी खगांची सोनभरारी
आकाशी विरघळे चांदवा
दिवस; उषेच्या दरबारी
एकदम मस्त