मी वळूनी हासले - चुकले जरासे
प्रश्न त्याचे टाळले, चुकले जरासे
उत्तराशी थांबले, चुकले जरासे
शीळ त्याची ओळखीची रानभूली
मी वळूनी हासले - चुकले जरासे
पाळले ना भान तू मज छेडतांना
लाजले मी लाजले, चुकले जरासे
भावनांना बांधले त्या, धुंद राती
आज का सैलावले चुकले जरासे
बंद होते द्वार माझे तव सुरांना
का कशी नादावले - चुकले जरासे
रोखले मी आसवांच्या आठवांना
शेवटी रागावले - चुकले जरासे
सोडतांना गांव जे मन घट्ट केले
त्या तिथे रेंगाळले चुकले जरासे
सांजछाया दाटल्या या अंगणाशी
मी पुन्हा भांबावले, चुकले जरासे
संध्या
२६.११.२०१०
रद्दीफ : एक शेर कुणीतरी एसेमेस केला होता. त्यातला चुकलो का ... असा काहीसा रद्दीफ थोडा बदलून घेतलाय.
प्रतिक्रिया
27 Mar 2012 - 12:58 pm | चौकटराजा
माझेच गाणे ऐकविले तव स्वरानी
मी तुवा उगाच छळले - चुकले जरासे
किंचित कवि -
चौकट राजा
27 Mar 2012 - 1:12 pm | प्रचेतस
फक्त इतकंच???
रसग्रहण नाही का या वेळी?
27 Mar 2012 - 1:43 pm | चौकटराजा
वल्ली हा आय डी हॅक केल्यावर परत चालू करू ! तुझ्या गावात त्याचा क्लास आहे कारे ?
27 Mar 2012 - 1:49 pm | प्रचेतस
आपलं गाव एकच आहे हो. ;)
तसाही मला आयडी बदलायचा आहेच.
27 Mar 2012 - 1:50 pm | चौकटराजा
मस्त ! वा! होते हवे म्हणणेच माझे
रस्ग्रन करू गेलो , चुकलेच माझे
27 Mar 2012 - 1:53 pm | चौकटराजा
मस्त ! वा! होते हवे म्हणणेच माझे
रस्ग्रन करू गेलो , चुकले जरासे
आता कशाला टाकायचे ते उसासे
वल्ली पर्याच्या जालातआता फसलो जरासे
27 Mar 2012 - 3:10 pm | पैसा
पर्या याचा अर्थ जरासा वेगळा होतो साहेब!
27 Mar 2012 - 6:20 pm | चौकटराजा
वल्ली पर्या यकू इइइइइइइइइइइइ .
27 Mar 2012 - 6:20 pm | चौकटराजा
वल्ली पर्या यकू इइइइइइइइइइइइ .
27 Mar 2012 - 1:00 pm | यकु
गझल मस्तच.
पण ही जरा गाऊन दाखवली तर प्रचंड सुंदर होईल.
तुम्हाला गाता येतं का?
स्पावड्या गातो का रे?
27 Mar 2012 - 1:14 pm | शैलेन्द्र
स्पावडा? ते बेनं गात का? बोलल नाही कधी.. बाकी गायला थोडी हवा ठेवावी लागते, ती कुठे ठेवत असेल कोण जाणे..
27 Mar 2012 - 1:20 pm | यकु
गातो म्हणजे काय.. चांगला ढसाढसा गातो.. ;-)
27 Mar 2012 - 1:36 pm | स्पा
गातो म्हणजे काय.. चांगला ढसाढसा गातो.
___/\___
27 Mar 2012 - 3:56 pm | मी-सौरभ
तो ढसाढसा गातो तेव्हा तुम्ही ते बदाबदा ऐकता असे म्हणतात.
खरेखोटे तो 'आकाशातला बाप'च जाणे ;)
28 Mar 2012 - 1:14 pm | सांजसंध्या
बापरे.. गाणं
27 Mar 2012 - 1:01 pm | यकु
प्रकाटाआ
27 Mar 2012 - 1:11 pm | प्रचेतस
सुंदर कविता.
27 Mar 2012 - 1:14 pm | परिकथेतील राजकुमार
गझल / कविता जे काही आहे ते आवडले.
ह्या पद्यरचनेची ह्यावेळी कोणी चिरफाड केली नाही हे अजून आवडले.
27 Mar 2012 - 1:23 pm | अत्रुप्त आत्मा
रचना झ्याक जमली आहे... :-)
27 Mar 2012 - 1:31 pm | मोहनराव
तुम्हाला विडम्बनाला पण झ्याक माल मिळाला असंल!! ;)
27 Mar 2012 - 1:52 pm | अत्रुप्त आत्मा
@तुम्हाला विडम्बनाला पण झ्याक माल मिळाला असंल!! >>>तुमच्या म्हणण्याप्रमाणे ही कविता म्हणजे झ्याक माल असता,तर मग प्रतिक्रीया आलीच नसती,डायरेक्ट विडंबन आलं असतं...
-------------------------------------------------
भागो मोह- न -मारे ;-)
27 Mar 2012 - 1:53 pm | प्रचेतस
आणि हे दुसरे विधान
किती विसंगत विधाने करता हो भटजी तुम्ही.
27 Mar 2012 - 2:05 pm | अत्रुप्त आत्मा
@किती विसंगत विधाने करता हो भटजी तुम्ही...? >>> :shock:
यात विसंगती काय आहे...? प्रथम मी कविता व तीची रचना झ्याक-म्हणजे चांगली जमल्याचे म्हटले आहे...आणी एकदा जर का चांगली झाली आहे,तर तीचे विडंबन घडावे असे कहिही त्यात कच्चे राहिलेले नाही... हे पुन्हा स्पष्ट करणे विसंगत नसुन,कमालीचे सुसंगत आहे...
असो... हे सहज कळणारे असल्यानी,इतके स्पष्टीकरण देऊन मी थांबतो... :-)
27 Mar 2012 - 2:10 pm | प्रचेतस
पळा पळा...
आत्मा संतापलेला दिसतोय. :P
27 Mar 2012 - 3:59 pm | मी-सौरभ
आमी नायी तुच पळ आणि जरा हळु; रस्ता नविन आहे तसा तो राहिला पाहीजे.
27 Mar 2012 - 2:59 pm | मोहनराव
मी आत्म्याला विडंबन करावयास सांगितले, चुकले जरासे!! ;)
27 Mar 2012 - 1:33 pm | गणेशा
मस्त .. अप्रतिम ..
विशेष आवडले..
27 Mar 2012 - 5:44 pm | जयवी
सुरेख !!
28 Mar 2012 - 5:27 am | सांजसंध्या
सर्वांचे मनःपूर्वक आभार :)
31 Mar 2012 - 11:19 am | सांजसंध्या
गाणं मला येत नाही. चाल कळावी म्हणून फक्त..
31 Mar 2012 - 12:42 pm | निनाद
हे फार आवडले...
मन कुठे तरी रेंगाळतेच. या शब्दात ही रेंगाळावेसे वाटते.
आयुष्याच्या निरनिराळ्या प्रदेशांना घेऊन जाणारी ही कविता आवडली.
चाल लाऊन ऐकायला आवडेल कृपया तूनळीवर टाकावी हे विनंती.
(वर दिलेल्या दुव्यावर जायला माझा म्याकफी नाही म्हण्तो.)
9 Mar 2015 - 11:06 pm | एक एकटा एकटाच
सांजसंध्या
नेहमीप्रमाणेच Superb
12 Mar 2015 - 9:48 am | विशाल कुलकर्णी
वाह .. मस्तच !