रात्ररात्रभराची ही जागरणं
नि प्रत्येक घटकेला येणारी तुझी सय
अस्वस्थ मनाचं उनाड वागणं ...
स्वतःलाच पुन्हा पुन्हा काहीतरी मागणं...
चालता चालता एकटं नसल्याची जाणीव ...
आणि आजूबाजूला भेडसावणारी तुझी उणीव ...
चांदण्यांनी माझ्या नकळत हिरावून घेतलेली माझी झोप ...
आणि माझ्या अंगणातलं तुझ्या कवितेचंरोप ...
घेऊन जा ...
खूप वाढलंय
आणि दिवसेंदिवस अधिकाधिक
वाढतंच चाललय हे ...
रात्ररात्रभराची ही जागरणं ..
नि प्रत्येक घटकेला येणारी तुझी सय .
- गजानन मुळे
प्रतिक्रिया
24 Feb 2012 - 10:55 pm | पक पक पक
मस्त........ :)
25 Feb 2012 - 4:51 pm | पैसा
मिपावर स्वागत आणि वेळोवेळी अशाच कविता लिहा या शुभेच्छा!
>> आणि माझ्या अंगणातलं तुझ्या कवितेचंरोप ...
घेऊन जा ...
हे विशेषतः आवडलं.
26 Feb 2012 - 4:31 pm | प्रशांत उदय मनोहर
मस्त!
27 Feb 2012 - 9:42 am | फिझा
छान आहे कविता !! आवडली !!!