'विठ्ठल, विठ्ठल' - स्वर कानी आले
दर्शनास मोहित, मन माझे झाले !
पंढरीची वाट धरता मी थेट
वारकरी माझे आप्तजन झाले !
चंद्रभागी स्नान, देता अर्घ्यदान
पापाचे क्षालन देहाचे या झाले !
कामात विठ्ठल - नामात विठ्ठल
ध्यानात विठ्ठल - अती भ्रम झाले !
टाळ चिपळ्यात गुंतले दो कर
मनी नामस्मरण माऊलीचे झाले !
माझा तो विठ्ठल - त्याचा हा विठ्ठल
अवघे जग माझ्या विठ्ठलाचे झाले !
प्रतिक्रिया
3 Feb 2012 - 8:17 am | अत्रुप्त आत्मा
माझा तो विठ्ठल - त्याचा हा विठ्ठल
अवघे जग माझ्या विठ्ठलाचे झाले ! ---^---
7 Feb 2012 - 10:42 am | मूकवाचक
+१
3 Feb 2012 - 10:55 am | मयुरपिंपळे
हरी ओम विठ्ठल.. ---^---
3 Feb 2012 - 11:28 am | प्रा.डॉ.दिलीप बिरुटे
सुंदर........!
अजून येऊ द्या.
-दिलीप बिरुटे
3 Feb 2012 - 1:44 pm | मिसळलेला काव्यप्रेमी
तीर्थ विठ्ठल क्षेत्र विठ्ठल, देव विठ्ठल, देव पूजा....
3 Feb 2012 - 2:22 pm | मोहनराव
वा वा!!
विठ्ठल नामाची शाळा भरली!!
3 Feb 2012 - 4:42 pm | अमोल केळकर
सुंदर
अमोल केळकर