(चाल : तोच चन्द्रमा नभात )
तोच थंडगार भात तीच प्लेट पाहुनी
एकांती मजसमीप तीच भीति का मनीं !
खारट चटणी तशीच रोज तेच भांडणे
पोळ्यांनी सोडियले नीट येथ भाजणे
भाजीचा गंध तोच तीच कुबट फोडणी !
सारे जरि ते तसेच संधि आज ती कुठे ?
मीहि तोच, तीच तीहि, दुसरी मेस ती कुठे ?
ती कपात ना दरात अश्रु दोन लोचनी !
त्या पहिल्या आम्टीच्या आज लोपल्या खुणा
डाळ ह्या जलात व्यर्थ मूढ शोधतो पुन्हा
नीट ये न ते कळून भंगल्या भुकेतुनी !
( पूर्व प्रसिद्धी- शब्दगाssरवा २०११)
प्रतिक्रिया
27 Dec 2011 - 11:59 pm | आत्मशून्य
.
28 Dec 2011 - 1:18 am | प्रभाकर पेठकर
मस्त आहे कविता. आवडली.
28 Dec 2011 - 8:27 am | अत्रुप्त आत्मा
कडवं नी कडवं तुमी गोड केलं बगा विदेसराव....!
लै भारि.
लै भारि.
लै भारि. :-)
28 Dec 2011 - 8:35 am | पक पक पक
त्या बॅचलर लोकांच अंतःकरण उलगडुन दाखवलत आज, वा ! वा!! जुने दिवस आठ्वले...मजा आली.
विदेश राव धन्यवाद..
28 Dec 2011 - 9:42 am | अन्या दातार
Mess is always a mess
असे मी नेहमीच वर्णन करत असतो. तुम्ही आज ते काव्यातून मांडलेत. धन्यवाद. :)
28 Dec 2011 - 9:44 am | गवि
मीटरात बसतंय की मस्त..
आवडले.
28 Dec 2011 - 10:16 am | सर्वसाक्षी
झकास विडंबन.
<पोळ्यांनी सोडियले नीट येथ भाजणे> हे विशेष आवडले. अनेकदा पोळ्या करणार्या बायांनाही हा रोग लागतो खरा.
28 Dec 2011 - 12:03 pm | प्रास
विदेशराव,
खूपच झक्कास विडंबन. शब्द न् शब्द चातुर्याने योजलेला आहे आणि छंद अतीव चपखल बसवला आहे.
हे विशेष आवडलेले आहे. यातल्या प्रत्येक ओळीतून त्या काळच्या मनातलं कारुण्य ओथंबून वाहत आहे.
आपण तुमच्या कवितांचे फ्यान आहोतच हे वे. सां. न.
28 Dec 2011 - 12:04 pm | वाहीदा
तुम्हाला पोळी नेहमीच करपलेली किंवा कच्चीच गिळावी लागते काय ?
आमटीची फ़ोडणी जळालेली असते का ?
भाजी ची फ़ोडणी ही कुबट वाटते का ?
तर मग वेळ का दवडता ? आता आसवे गाळणे थांबवा
गणपाशेफ़ ऑनलाईन क्लासेस येथे त्वरित संपर्क साधा
http://kha-re-kha.blogspot.com/ ;-)
28 Dec 2011 - 12:20 pm | सूड
मस्तच केलंय !!
सैंपाकी अज्ञातवासात काही आठवडे अशा सैंपाकाची टेस्ट घेतल्या गेली आहे. :D
28 Dec 2011 - 6:51 pm | पैसा
अगदी चपखल शब्द योजना आणि मात्रा न मात्रा बरोब्बर!
28 Dec 2011 - 8:37 pm | मदनबाण
:)
28 Dec 2011 - 11:29 pm | पार्टनर
लाजवाब, चवदार विडंबन !
-पार्टनर