कसे त्यागू देवा
"मी" पण माझे
वाटे जरी ओझे
टाकवेना
आत्म अभिमान
आणि स्वाभिमान
सांगेल का कोण
भेदाभेद
एकतत्त्वनाम
झाले बदनाम
धर्माधर्म स्तोम
भोवताली
"मी" पणाचा शोध
घेतो आहे "मी"च
आता बाबा तूच
धाव देवा
राहिले रे आता
कितीसे रे दिन
चरणी मी लीन
दीनानाथा
प्रार्थणारा मीच
ऐकणारा मीच
जन्मोन्मी हाच
नाच देवा
एकतत्त्व नाम
धरितो मी दृढ
बालक सुदृढ
अहंकारी
प्रतिक्रिया
12 Jul 2011 - 4:25 am | आंसमा शख्स
चांगले काव्य
एकतत्त्व नाम
धरितो मी दृढ
बालक सुदृढ
अहंकारी हे आवडले.
12 Jul 2011 - 8:00 pm | गणेशा
सुंदर अभंग
मनापासुन आवडला.
जास्त आवडला
अवांतर : तरीही दूसर्या ओळीतील ६ ऐवजी ५ च अक्षरे आली आहेत. तेथे काही योग्य बदल ?