चित्त आणि वृत्ती
व्हावी एकरूप
अहंकार लोप
होवो माझा
देव आहे नाही
ठावे नसे मज
माझे हितगुज
मज पाशी
मीच मला केले
उभे न्यायालयी
आत्माराम होई
न्यायाधीश
अलिप्तता ऐसी
तैसी नाही सोपी
किती बहुरूपी
अंतरंगी
परी नाही आता
उपाव दुसरा
अखंड पहारा
चित्तावरी.....!!
प्रतिक्रिया
9 Jun 2011 - 1:08 am | अत्रुप्त आत्मा
मनाचा शोध मनानी घ्यावा
ईतरास सांगावा आत्मरूपी
गमे हे त्यास सज्जन मनाचा
मुळचाच जोही नसे पापी
9 Jun 2011 - 1:55 pm | चन्द्रशेखर गोखले
काव्यरूपी प्रतिक्रिया सुंदर आणि समर्पक , धन्यवाद.
9 Jun 2011 - 2:26 pm | नगरीनिरंजन
छान!
भंगलेल्या मनाचा अभंग भंगलेल्या मनाला भिडला!
9 Jun 2011 - 6:55 pm | राघव
अप्रतीम.. खूप आवडले. :)
प्रतिसाद देण्यास भाग पाडणारी रचना!
येऊ देत अजून! :)
राघव