मला काय त्याचे, मला काय त्याचे

मला काय त्याचे, मला काय त्याचे

लोकलमध्ये मला मिळाली सिट
खिडकीमधून हवा येते निट
एक अपंग उभा आहे
मला काय त्याचे, मला काय त्याचे ||१||

वरणभात, शिकरण केले
आज जेवन मस्त झाले
दुसरा गरीब उपाशी का असेना!
मला काय त्याचे, मला काय त्याचे ||२||

भाज्याधान्य महाग झाले
मी मात्र खरेदी केले
शेतकरी आत्महत्या करीनात का!
मला काय त्याचे, मला काय त्याचे ||३||

"कार ट्रक च्या अपघातात सहा ठार"
"देवीच्या यात्रेत बोकडबळी फार"
बातम्या नेहमीच्याच झाल्यात
मला काय त्याचे, मला काय त्याचे ||४||

आज सिनेमॅक्सचा चित्रपटाला जायचे आहे
सोबतीला दोन मित्रमैत्रीणी आहेत
पुस्तकप्रदर्शनाला मग कोणी ना का जाईना!
मला काय त्याचे, मला काय त्याचे ||५||

गुंडमवाली रस्त्याने चेन-पोत खेचतात
अतिरेकीही खोटे नाव घेवून भाड्याने राहतात
शेजारच्या फ्लॅटमध्ये काय चालले समजत नाही
मला काय त्याचे, मला काय त्याचे ||६||

खासदार आमदार निवडून येतात जातात
भ्रष्टाचार, गरीबी, मागासलेपणा सारे प्रश्न तेथेच राहतात
आपण आपली इलेक्शनची सुटी एंजॉय करूया
मला काय त्याचे, मला काय त्याचे ||७||

पत्रीका जुळवून लग्न लावू, नाडीग्रंथ बघून भविष्य पाहू
वास्तुशात्राने घरात बदल करू, फेंगशूईचा हॅपीमॅन आणू
विज्ञानाने जग पुढे चालले तरीही
मला काय त्याचे, मला काय त्याचे ||८||

ऐका तुम्ही सारे जन, करा तुमचे एकाग्र मन
डोळे तुमचे उघडे ठेवा, बुद्धीनेच काम करा
पाषाणभेद जीव फोडून बोलला
भले होवो सर्वांचे, भले होवो सर्वांचे ||९||

- पाषाणभेद (दगडफोड्या)
२४/०२/२०११