गेले आडवे मांजर,
चुके ठोका काळजाचा,
मांजर बी हळू बोले,
गेला उंदीर हातचा!
आज हाये अमावस्या,
वाटे धाक-धुक फार,
झाला पोरगा वकील,
आली दारावर तार !
कसंनुसं वाटे मले,
लेक दारात शिंकली,
परं माह्या येड्या मना,
तिले सर्दी भाय झाली !
पडे हातातुन खाली ,
कुंकवाचा ग करंडा,
पर धनी आने घरी,
भरलेला बैलगाडा!
जाता तिघे जन संगे,
म्हने कामे बिघडती,
पर लेकरु आजारी,
संगे माय-बाप जाती !
जीव वरती खालती,
विझे देवाचा ह्यो दिवा,
कर थोडा त ईचार,
आली जोरात ही हवा !
भारी लवे डावा डोळा,
काय वाईट आनखी?
पर आली दारावर,
बगा साईची पालखी !
-मानस६
प्रतिक्रिया
12 Dec 2009 - 3:01 pm | jaypal
12 Dec 2009 - 3:38 pm | प्रशांत उदय मनोहर
छान. आवडली.
आपला,
(बोकोबा) प्रशांत
---------
फळाची अपेक्षा ठेवू नये...ते विकत घ्यावे किंवा घरात उगवावे.
:?
माझा ब्लॉग - लेखणीतली शाई