प्रेरणा: बेसनलाडवाची ही मस्त गझल
दात मग निखळून पडावा..लाथा खाता
जोड नवा मापात मिळावा..लाथा खाता
घोळत फिरतो तुझ्याभोवती दिवसाढवळ्या
चपलेचा तरि सहवास घडावा..लाथा खाता
एकवारही मागे तुज बघता ना यावे?
इतका का चेहरा सुजवला..लाथा खाता?
नेहमी होते स्वप्नांमध्ये भेट आपली
तिथेही सँडल, क्षण दुजा नसावा..लाथा खाता
लाथ वाढली नशिबाने, भरपेट जेवलो
तुझी खळी मुखशुद्धीसाठी..लाथा खाता
बोलघेवडा स्वभाव माझा तुझा न पटला
मुक्यानेच हा शेवट व्हावा..लाथा खाता