ट्रम्प, ध्रुवीकरण आणि तिसरे महायुद्ध

चांगला धागा
तिसर्‍या महायुद्धाबद्दल अजून कुणी फारसं बोलंत नाही. तिसरं महायुद्ध ही कल्पनाच फार भयंकर वाटत असल्याने बहूधा नकोच तो विषय म्हणून टाळला जात असावा.
आता तज्ञ लोक इथे येवून मत मांडतात का ते बघूयात

तुमच्या मते हे उजवीकडे झुकणे महायुद्ध सुरु करण्याची तयारी आहे का? अरबी भागात जे झाले ते बाहेरून झाले हे एकवेळ मान्य केले तरी भारत आणि अमेरिकन लोकांना मते कोणाला द्यायची हे स्वातंत्र्य होते. त्यात उदारामत्वाचा पराभव झाला असे का वाटावे? त्या बद्दल आपले मत काय? उजवी मंडळी सत्तेवर आली त्यात जनतेच्या मताचे प्रतिबिंब आहे. युरोपियन घुसखोरीतून जे समोर आले ते चित्र सामान्य जनतेसाठी धोकादायक परिणाम दर्शविण्यासाठी पुरेसे आहे. जनमत उजवीकडे झुकण्यास इस्लामी दहशतवाद हे मूळ कारण आहे असे मला वाटते. त्यात तुम्ही उदारामता चा पराभव समजत असाल तर तो तुमचा भाबडे पणा असेल. या अशाच विचारांचा अति माऱ्यामुळे जनता जास्त कडवी राष्ट्रवादी होत जाणार. रोग हेल्याला अन औषध पखालीला हे बंद झालं नाही तर मग महायुद्ध नक्की समजा. फक्त आपल्या डोळ्यासमोर नाही व्हावे एवढीच ईच्छा करू शकतो.

मोबाईल वर टंकल्या मूळे शुद्ध लेखनाच्या चुका माफ करा

वाक्य आवडले आणि पटले.

अशाच विचारांचा अति माऱ्यामुळे जनता जास्त कडवी राष्ट्रवादी होत जाणार.

सर्वधर्मसम्भावच्या नावाखाली अत्याचार्/अतिरेकी हल्ले सहन करण्याचा लोकांनाही राग्/उद्वेग आलाच होता.

शीत युद्धच्या सुरवातीपासून तिसरे महायुद्ध सुरु झालं होतं. फक्त ते थेट न लढता आर्थिक दादागिरी, अवकाश तंत्रज्ञान ई स्वरूपात लढलं जाते आहे. आपण सगळे कळत नकळत या युद्धाचाच एक भाग आहोत. फक्त आता त्याच स्वरूप जास्ती उघडपणे दिसेल आणी वेगळ्या पद्धतीने लढले जाईल. उदा. पाणी, प्रदूषण, इ. इ

आवडले. जनमत एका दिवसात तयार होत नाही. भारतात हा लंबक मागील १० ते १५ वर्षात बदलला असे दिसते. हिन्दु जनतेला हे स्पष्टपणे जाणवायला लागल्यावर नेमके मोदी एक पर्याय म्हणुन समोर आले. तसेच अमेरिकेत. हे मान्य की भांडवलशाही ला शांतता आणि युद्ध गरजेप्रमाणे आवश्यक असतात. पण या मतपरिवर्तनामागे जनतेला इस्लामी दहशत वादाचा धोका अधिक महत्वाचा वाटतो आहे. हे लक्षात घ्या की जनतेने आता हा दहशतवाद मोडुन काढणे आवश्यक आहे असे मत मनात तयार केले आहे आणि हे मानण्यास हा निकाल पुरेसा आहे. मग यासाठी युद्ध झाले तरी जनता त्यास तयार राहणार. माझ्या मते निवड झालेली आहे. फक्त कधी आणि केव्हा हाच प्रश्न आहे.

आधी लेख प्रतिसाद वेगळ्या नावाने मग आता परत वेगळ्या नावाने .

प्रतिसाद देण्यात

पॉसिबल. येत्या तीन एक महिन्यात पाक सीमेवर काहीतरी घडू शकतं असं वाटतंय. ट्रम्प, मोदी डेडली ड्युओ ठरणार बहुदा पाकसाठी.

मग ते भारतीय असोत की

प्रसारमाध्यमांमधील लोकांना - मग ते भारतीय असोत की अमेरिकन - आपणच जनमत जाणतो, घडवतो आणि बदलवतो असा अहंकार असतो किंवा असायचा. २०१४ मध्ये मोदी आणि आता ट्रम्प यांच्या निवडीने तो अहंकाराचा फुगा फुटलेला आहे आणि हे आवश्यकच होतं. लोकशाही देशांत खरी ताकद ही जनतेच्या हातात असायला हवी. पण प्रसारमाध्यमं ती ताकद आपल्या हातात आहे असं समजायला लागली होती. तो प्रकार आता थांबेल किंवा निदान कमी होईल अशी अपेक्षा आहे. प्रसारमाध्यमांची भूमिका सरकारवर अंकुश ठेवण्याची असते आणि असायलाच हवी पण त्यांच्यावरही लोकांचा अंकुश गरजेचा होता. या दोन घटनांनी ते स्पष्ट झालेलं आहे.

खुळ्यात काढलं राव सलग तीन वेळा...

लेख आणि चर्चा आवडली. मात्र ट्रंप जिंकले यात एक ट्रिक आहे. प्रत्यक्षात हिलरीना लोकांची मते जास्त पडली आहेत तरी त्या अध्यक्ष बनू शकत नाहीत असा विचित्र प्रकार. आणि भारतात मोदी जेवढे प्रचंड बहुमताने निवडून आले तेवढा फरक अमेरिकेत पडलेला नाही. भारतात अर्थात फक्त उजवीकडे लोक झुकले एवढाच मुद्दा नव्हता तर अनेक आघाड्यांवर आधीच्या सरकारचे नाकर्तेपण, अनागोंदी, भ्रष्टाचार, महागाई असे अनेक सामान्य जनतेला त्रासदायक मुद्दे होते आणि कदाचित लोकांना मोदींच्या उजवे असण्यापेक्षाही मोदींकडे या सगळ्याला आवर घालण्याची ताकत आहे अशी आशा वाटून ते जास्त आकर्षक वाटले असावेत.

आनन्दा,

लेखातला शेवटचा प्रश्न चर्चेस घेतो.

मग अश्याप्रकारे होणारे ध्रुवीकरण जगाला तिसर्‍या महायुद्धाकडे नेईल की काय?

पहिली आणि सर्वात महत्वाची गोष्ट अशी की केवळ ध्रुवीकरण म्हणजे युद्ध नव्हे. कुठल्याही महायुद्धासाठी ध्रुवीकरण जरी पूर्वावश्यक असलं तरी कुण्या एका पक्षाच्या राज्यकर्त्यांत लढाईची खुमखुमी असेल तरंच युद्धाला तोंड फुटतं.

अमेरिकेत ट्रंप आणि हिलरी यांची तुलना केली तर हिलरी रशियाविरुद्ध उघड युद्धाच्या बाता मारते. याउलट ट्रंप रशियाशी सहकार्य करावं म्हणतोय. भारतात मोदी आणि मनमोहन यांची तुलना करू पाहता मोदींनी जो प्रबळ संदेश पाकिस्तानात पाठवला आहे त्यामुळे पाकिस्तान हल्ले करतांना दहा वेळा विचार करेल. प्रत्यक्ष युद्ध न करता केवळ डोळे वटारून पाकिस्तानला भयभीत करणं फायदेशीर आहे. ट्रंप आणि मोडी दोन्ही ध्रुवीकरणाची प्रतीके असली तरी दोघांनाही युद्धखोर म्हणता येणार नाही.

आ.न.,
-गा.पै.

हा धागा आताच पाहिला. अमेरिकेच्या निवडणुक निकालाच्या धाग्यात मी आताच खालील प्रतिसाद दिला होता.

______________________________________________________________________________

गेल्या काही वर्षांपासून जगातील महत्त्वाच्या देशांमध्ये जनता उजवीकडे वळताना दिसत आहे. २०१४ मध्ये मोदी निवडून आले, २०१६ मध्ये ब्रिटिश जनतेने ब्रेक्झिटच्या बाजूने कौल दिला आणि आता अमेरिकेत ट्रंप निवडून आला आहे. जेव्हा जेव्हा उदारमतवाद, धर्मनिरपेक्षतावाद, मानवता इ. इ. साठी देशहिताचा बळी देणे सुरू होते तेव्हा तेव्हा जनता उजवीकडे वळते.

युपीएच्या काळात भ्रष्टाचाराने कळस गाठला होता. पण त्याबरोबरीने मुस्लिम दहशतवाद्यांविषयी बोटचेपे धोरण, पाकिस्तानची मुजोरी सहन करणे, धर्मनिरपेक्षतेच्या नावाखाली मुस्लिमांचे लांगूलचालन व चुकीच्या गोष्टींचे समर्थन इ. देशहितविरोधी गोष्टीही जोमात सुरू होत्या. या सर्व गोष्टींचा परिणाम म्हणून काँग्रेसचा दारूण पराभव होऊन उजवे समजले जाणारे मोदी निवडून आले.

मागील काही वर्षांपासून ब्रिटनने मध्यपूर्वेतील स्थलांतरीतांना आश्रय देण्याविषयी उदार धोरण अवलंबिले आहे. त्यामुळे स्थानिक जनतेच्या रोजगाराच्या संधीवर परीणाम झाला आहेच, परंतु दहशतवादाचा धोका अधिक वाढला आहे. ब्रिटन युरोपिअन युनियनचा सदस्य असल्याने स्थलांतरीतांना आश्रय देणे त्या देशावर बंधनकारक होते, परंतु त्याचा जाच सामान्य जनतेला व्हायला लागला होता. त्यामुळेच ब्रेक्झिटला बळ मिळाले.

अमेरिकेत ट्रंपने मुस्लिम दहशतवाद्यांविरूद्ध उघडउघड भूमिका घेतली. डेमोक्रॅट्स तशी भूमिका घेण्यास कचरत होते. ट्रंपच्या विजयामागे हा एक मुद्दा होताच.

मला वाटते आता पुढील क्रमांक जर्मनीच्या अँजेला मेर्केल यांचा लागेल. देशातील जनतेचा विरोध झुगारून त्या हिरिरीने मध्यपूर्वेतील निर्वासितांना जर्मनीत आश्रय देत आहेत. जर्मनीतील समाजजीवन यामुळे अस्वस्थ झाले असून दहशतवादाचा धोका वाढलेला आहे. शेजारील फ्रान्स, बेल्जियम व टर्की या देशांमध्ये दहशतवादी हल्ले मोठ्या प्रमाणात वाढलेले आहेत. त्यामुळे पुढील निवडणुकीत अँजेला मेर्केलना जर्मन्स नक्कीच नाकारतील असा माझा अंदाज आहे.

______________________________________________________________________

माझा प्रतिसाद व धाग्यातील विचार मिळतेजुळते आहेत असं दिसतंय.

भारतीय उजवे आणि(अमेरीकेसहीत) पाश्चात्य देशांमधील उजवे यात सर्वार्थाने फरक आहे.

'युद्ध आणि महायुद्ध दोन्हीच्या मध्ये एक छोटं महायुद्ध होणार' हे (बोल्डमध्ये) लिहुन ठेवा.
मी तर सध्या त्या क्षणाची वाट पहातोय जेव्हा ट्राम्प आणि मोदी समोरा समोर असतील, एक शंकराचा त्रिशुल तर दुसरा विष्णुचं सुदर्शन चक्र.