च्यानेलांचे जाहिरातप्रदूषण

सहमत आहे. एकतर जाहिराती दाखवायचं बंद करा नाहीतर चॅनेल 'फ्री-टू-एअर' करा.

इंटरनेट हाच यावर सर्वोत्तम उपाय बनुन जाणार आहे. तसही मी रोडीज नेटवरच बघतो ब्रेक/जाहीरातीचा वांदाच निर्माण होत नाही.

जेव्हा जाहिरातींचा परिणाम उलटा होतो आहे हे जेव्हा उत्पादकांना समजेल त्यावेळि हा प्रकार कमी होईल.तिडिक आणणार्‍या जाहिरातीतील उत्पादेन घेउ नका व इतरांनाही घेण्यापासून परावृत्त करा अशी एक जाहिरात सोडून द्यायची जनहितार्थ.

काय बघणार त्यावर? बातम्या बकवास. त्या बातम्यांवरचे अर्णव गोस्वामी, वागळे इ. चे कार्यक्रम म्हणजे कोण मोठ्यांदा ओरडतो याची स्पर्धा. क्रिकेट अन डब्लूडब्लूएफ सारखेच. कौटुंबिक सीरियल्स विनोदी सुद्धा वाटत नाहीत आता. बंद असलेला टीव्ही सगळ्यात बेश्ट.

यावर बेस्ट उपाय म्हणजे आपले आवडते कार्यक्रम रेकॉर्ड करून आपल्या सोयीच्या वेळेस बघायचे. जाहिराती सोडल्या तर मूळ एपिसोड हा फक्त पंधरा- सोळा मिनिटांचाच असते. त्यामुळे रेकॉर्डिंग झालं की अर्धा पाऊण तासात दोन तीन मालिका बघून होतात.

एक प्रदर्शनिय वस्तू असाच होत असल्याने, तुमच्या तक्रारीबद्दल जास्त काही सांगता येणार नाही.

मला लई आवडतेत झैराती बघायला. मस्त असतेत कार्यक्रमापेक्षा.

जाहिराती बघायला आवडतात पण सगळ्यात डोकं फिरत ते गोरेपणाच्या क्रीम च्या जाहिराती बघून…
७ दिवसात त्वचा गोरी काय दिसते, डाग, मुरमे गायब काय होतात आणि सगळ्यात कहर म्हणजे सावळी मुलगी गोरी झाल्यामुळे तिला तिचे घरचे देखील ओळखू शकत नाहीत...

तुम्ही कधी मराठी वाहिन्यांवरच्या (भाषांतरीत) मराठी जाहिराती पाहिल्या आहेत का? आजकाल सगळ्या हिंदी जाहिरातीमध्ये अर्धे हिंदी आणि अर्धे इंग्रजी शब्द वापरलेले असतात. इतर भाषेत त्या भाषांतरीत जाहिराती दाखवताना मुळ जाहिरातीमधले इंग्रजी शब्द तसेच ठेऊन फक्त हिंदी शब्दांचे भाषांतर केले जाते. मागे कुठलीतरी साबणाची जाहिरात होती. बहुदा लाईफबॉय. आई म्हणते, "रोहन, पेहले नाहाकर आओ." पोरगा म्हणतो, "नो (इंग्रजी) पसीना (हिंदी)." मराठीत ती जाहिरात दाखवताना "नो घाम." असे भाषांतर केले होते. डोक्यात जातात असल्या जाहिराती. एकतर हिंदी जाहिरात दाखवा किंवा पुर्ण जाहिरात मराठीत दाखवा.
अशीच ती डेटॉलची जाहिरात. हॉस्पिटल मध्ये डॉक्टर आणि नर्स काय गाण म्हणतात. लग्नात लहान पोरं काय गाण म्हणतात. अरे काय चालवलंय!

यावर उपाय म्हणजे ती मालिका आंजावर किंवा तुनळीवर बघायची. एक तासाची सीआयडी मालिका ४०-४५ मिनिटांत बघुन होते.

बाकी जाऊ देत, पण दररोज खिचडी?

मुविंसारखेच म्हणते. आमच्याकडे भारतीय किंवा हामेरिकन च्यानेले नसल्याने हा त्रास रोज नसतो. पण ज्येष्ठ नागरिक जेंव्हा सिरिय्ल्स बघतात तेंव्हा हा अनुभव थोडाफार येतो. मालिका वेळेनंतर बघितल्यामुळे जाहिराती नसतात पण मध्येच पुढील कार्यक्रमाची नावे येतात तेंव्हा 'पुढील कार्यक्रम' असे लहान अक्षरात येऊन चालू कार्यक्रमात एक वलय, प्रकाशकिरण असे येतात व त्यातून पुढील कार्य्क्रमाचे नाव दिसते. आता चालू कार्यक्रमात मनुष्य पडद्यावर बोलतोय तर त्याच्या छातीतून एकदम सूर्यकिरण कसा काय? असा गोंधळ दोन तीनदा झालाय. एकंदरीतच मालिका आवडत नाहीत, तेवढा संयम नाही. आमच्या मातोश्रींबद्दल आदर आहे. घरातील कामे वेळेवर उरकून आज अमक्याचे लग्न तमक्याशी आहे किंवा आजच्या एपिसोडात जान्हवीचा ड्रेस/साडी/कानातले/गळ्यातले/केसातले चांगले आहे वगैरे प्रकारात कमालीचा रस असतो.

या जाहिरातीचा वेळ तासाला जास्तीत जास्त १२ मिनिटे असावा, असा कोर्टाचा निर्देश ( का मार्गदर्शक ) आला होता असे स्मरते. आता लिंक नाही आहे, पण शोधतोय. .
HBO ad free घ्याच आता :)

चालू कार्यक्रमात कोणत्याही पद्धतीने (स्ट्रिप, फ्लोटींग, स्पॉट) जाहिरात करणे हे मार्गदर्शक नियमांविरुद्ध आहे. त्याविरूद्ध चॅनेलवाल्यांना कोर्टात खेचल्या जाऊ शकते. आपल्याकडे हे सगळं धाब्यावर बसवण्याची पद्धत आहे म्हणून अत्याचार सूरु आहे.