नमस्कार मंडळी,
ललिता यांच्या 'सुके मटण' या पा.कृ. ला आमच्या फोटूंचा साज चढवत आहे (अर्थात परवानगी घेउन!). मुळ पा.कृ. ला प्रतिक्रिया देतांना अनेक मिपाकरांनी फोटू न टाकल्याची खंत व्यक्त केली होती. ती आता दुर होइल अशी अपेक्षा.
मुळ पा.कृ. - माझे छोटे बदल - फोटू
सुचना: ही पाकृ वेळ देऊन निगुतीने बनवावी लागते. पार्टीला आदल्या दिवसाचं सुकं मटण वाढावं, मसाला मुरल्यामुळे मटण अप्रतिम चविष्ट लागतं.
>> आम्ही मात्र त्याच दिवशी खाल्लं तरि मस्त लागलं!! (सामिष पदार्थ आज बनवुन उद्या खाण्यायेवढा संयम आमच्या कडे नाहि बुवा!)
साहित्य --
७०० ग्रॅम मटण (नळ्यांसकट असेल तर १ किलो)
>> मी एकटाच खाणारा त्यामुळे ३०० ग्रॅम वापरले (मी सिना आणि गर्दन आणतो)
५, ६ कांदे बारीक चिरून
>> ३ कांदे बारीक चिरुन
दोन मोठे टॉमेटो (सालं काढून किसून घ्यावे)
>> मी एक मोठा टोंमॅटो प्युरे करुन घेतला
१ मोठा कप भरून दही
>> अर्धा कपच घेतले
अर्धा कप तेल
>> हे मात्र न मोजता अंदाजाने घातले (अंदाज अपना अपना!!!)
२ टेबलस्पून आलं + लसूण + हिरव्या मिरच्या पेस्ट
>> हि मात्रा एवढिच ठेवली (लसुण-आलं-मिरची हे कस सढळ हस्ते हवं)
२ चमचे धने + १ चमचा जिरे + १ चमचा शहाजिरे (कोरडे भाजून पूड करावी)
>> आमच्या कडे धने-जिरे पुड असतेच. तेव्हा शहाजिरे भाजुन त्यांची पुड करुन घेतली. बाकी प्रमाण तेच.
मीठ चवीप्रमाणे
>> बरोबर. ते पण खाली दिल्याप्रमाणे मटण शिजल्यावरच घातले.
कोथिंबीर चिरून
>> नुसती चिरुन नाहि तर बारीक चिरुन टाकली :)
खडा मसाला --
४ लवंगा, ६-७ मिरें, दालचिनी (१"), २ मसाल्याची वेलची, ३-४ हिरवे वेलदोडे, पाव चमचा जायपत्री, २ तमालपत्रं
>> ५ लवंगा, ६ मिरे, १" दालचिनी,३ हिरवे वेलदोडे, पाव चमचा जायपत्री, १ तमालपत्र (मसाला वेलेची राहिली हे आत्ता लक्षात येतयं :( )
पध्द्त --
एका पसरट कढईत -कढई नसेल तर पसरट भांड्यात- तेल गरम करावे. तेलात खडा मसाला टाकून किंचित तळावा. त्यावर चिरलेला कांदा लाल होईपर्यंत परतून घ्यावा.
त्यात आल्यालसणाची पेस्ट घालून दोन मिनिटे परतावे. नंतर मटण व धने+जिरें+शहाजिर्याची पूड एकत्र घालून मटणाचे तुकडे गुलाबी होईपर्यंत परतून घ्यावे. मटण जितके जास्त परतले जाईल तितकी चव खुलत जाते (स्वानुभव).
दही व टोमॅटो घालून मटण मंद आचेवर भांड्यावर झाकण ठेवून शिजू द्यावे, अर्थात् मध्ये मध्ये ढवळत रहावे. गरज वाटली तरच अगदी थोडे गरम पाणी घालावे, शक्यतो टोमॅटो व दहयावरच शिजवावे. मटण पूर्ण शिजले की मीठ घालून झाकण ठेवून एक वाफ येऊ द्यावी.
वाढताना वरुन कोथिंबीर पेरावी व लिंबाच्या फोडी बाजुला लावून सजावट करावी.
टीपः उत्तम प्रतीचे मटण साधारण पाऊण ते एक तासामध्ये मऊ शिजलं पाहिजे.
>> आणि नाहि शिजलं तर मोठे लोक सांगुनच गेलेत - "शेळी जाते जीवानीशी आणि खाणारा म्हणतो वातड कशी" :)
कूकरमध्ये शिटी काढून मटण कधीच शिजवू नये, लज्जत निधून जाते. मटण शिजल्यानंतर मीठ घातलं तर वातड होत नाही.
>> हे मात्र पटलं.
अवांतरः मटणाला धुरी दिली तर एकदम पंचतारांकित हॉटेल-शेफच्या हातचं मटण तयार! एक ज्वलंत कोळसा पाकृप्रमाणे तयार केलेल्या मटणात खळगा करून त्यात ठेवा, वर थोडा लिंबाचा रस व तूपाचे थेंब सोडा... धूर निघेल, लगेच बाजूचे मटण कोळशावर पसरून भांड्याला झाकण गच्च लावून १० मिनिटे ठेवून द्या. मटणाला सौम्य व लज्जतदार धुराचा वास लागतो.
>> कोसळा आणि वेळे अभावी हे मात्र जमलं नाहि....
करून पहा आणि रिपोर्ट द्या!
>> एकदम झकास पा.कृ.! आत्मा तृप्त!! धन्यवाद!!!
(आपला पा.कृ.भिलाषि) पांथस्थ...
प्रतिक्रिया
21 Nov 2008 - 8:05 pm | सुनील
मूळात पाकृ छान होतीच आता फोटोमुळे रंगत वाढली.
Doing what you like is freedom. Liking what you do is happiness.
21 Nov 2008 - 8:23 pm | ललिता
या पाकृला धन्य केल्याबद्दल! :)
21 Nov 2008 - 8:49 pm | पांथस्थ
धन्य तर आम्ही झालो सुके मटण खाउन....
- पांथस्थ
माझी अनुदिनी: रानातला प्रकाश...
21 Nov 2008 - 8:44 pm | वेताळ
हा पदार्थ आता नक्कीच करुन खायला हवा.फोटो बद्दल काय लिहावे ? शेवटच्या फोटोला हात लावुन बघितला.पण तुकडा पकडता आला नाही. =))
पांथस्था धन्यवाद
वेताळ
21 Nov 2008 - 8:56 pm | सहज
तुम्ही एक नवा मापदंड घालून दिला आहे, इथे पाककृती देण्यात.
धन्यवाद.
21 Nov 2008 - 9:12 pm | चित्रा
असेच म्हणते. करीत असतानाचीही छायचित्रे घेणे म्हणजे खूपच काम झाले.
21 Nov 2008 - 10:43 pm | बिसोबा खेचर
पांथस्था..... गड्या पोटात खड्डा पडला रे चित्रे बघुन..... आता करुन बघितल्याशिवाय आत्मा थंड होणार नाहि.
सुंदर!!!
और भी आने दो!
22 Nov 2008 - 3:54 pm | खादाड
वा! मी आज शनिवरी हे पहिल ! उद्या रविवार मग काय होउन जाउ द्या ! फारच छान विवरण आहे !
23 Nov 2008 - 12:34 pm | विसोबा खेचर
ज ब रा....!
24 Nov 2008 - 1:36 pm | जयवी
आई गं....... भूक चाळवली रे पांथस्था :)
24 Nov 2008 - 2:19 pm | मनस्वी
अरे काय खेळ लावलाय??
अप्रतिम फोटो. लगेचच्या लगेच पाकृ करून खावीशी वाटतीये.
27 Oct 2016 - 4:50 pm | कैलास अंकुश सोनावणे
खुपच छन