साहित्यः दोन वाट्या आंबट द्राक्षं, दोन वाट्या साखर, दोन लिंबांचा रस, दोन-तीन लवंगा, वेलची दाणे, पाणी.
कृती: द्राक्षं स्वच्छ धुवावीत. दोन वाट्या साखरेत साखर बुडेल एवढे पाणी घालून पाक करण्यास ठेवावा. पाकाचा थेंब डीशमध्ये टाकल्यावर पसरणार नाही, इतपत पाक घट्ट झाला की त्यात धुतलेली द्राक्षं, लवंगा, वेलची दाणे घालावेत.
पाक परत शिजत ठेवावा. द्राक्षांच्या रसामुळे पाक थोडा पातळ होतो. तो पुन्हा डीशमध्ये पसरणार नाही, इतपत घट्ट करावा. पुरेसा घट्ट झाल्यावर गॅस बंद करून दोन लिंबांचा रस त्यात मिसळावा.
गार झाल्यावर तयार मुरांबा काचेच्या बरणीत भरावा.
प्रतिक्रिया
25 Mar 2014 - 5:07 pm | llपुण्याचे पेशवेll
करून बघायला पायजेल. काळ्या द्राक्षांचाही छान लागेल असे वाटते.
25 Mar 2014 - 5:15 pm | इशा१२३
द्राक्षांचा मुरांबा नविनच प्रकार कळला..फोटोतले द्राक्ष आणी मुरांबा दोन्हीही छान!
27 Jan 2022 - 6:52 am | nutanm
सहमत
25 Mar 2014 - 5:18 pm | रेवती
वेगळाच प्रकार समजला. पहिल्या फोटोत सगळे रंग मस्त आलेत की लगेच हात लावावासा वाट्टोय. एक शंका आहे. जर द्राक्षे आंबट घ्यायची आहेत तर पाकात पुन्हा लिंबू कशाला पिळायचे?
25 Mar 2014 - 8:09 pm | अनन्न्या
लिंबामुळे पाकाला चांगली चव येते. द्राक्षांच्या आंबट्पणावर लिंबाचे प्रमाण बदलायचे.
25 Mar 2014 - 11:42 pm | रेवती
अच्छा!
25 Mar 2014 - 5:23 pm | सानिकास्वप्निल
द्राक्षांचा मुरांबा आवडतोच :)
पाकृ व फोटो छान आहेत...तोंपासू
25 Mar 2014 - 5:23 pm | यशोधरा
आंबटच हवीत का द्राक्षे? हल्ली द्राक्षांचा सीझन आहे पण आता आंबट द्राक्षे शोधणे आले.
29 Mar 2014 - 1:32 pm | चिगो
कोल्ह्याला विचारा.. ;-)
29 Mar 2014 - 5:30 pm | यशोधरा
सांगून टाका की मग! :D
29 Mar 2014 - 7:13 pm | चिगो
=)) =))
25 Mar 2014 - 6:12 pm | विजुभाऊ
.
इंडिया स्टोअर्स मधे बघ ना यशो. नक्की मिळतील तिथे.
मला गेल्या वेळेस ऑर्डर करावी लागली होती. पण्या वेळेस नक्की मिळतील
25 Mar 2014 - 6:17 pm | यशोधरा
विजूभौ, पाहते.
25 Mar 2014 - 6:59 pm | गणपा
पहिला फोटो कसला सुरेख दिसतोय.
द्राक्षाचा मुरंबा हा प्रकारही पहिल्यांदाच पाहीला/ऐकला.
25 Mar 2014 - 7:01 pm | यशोधरा
अनन्या, अजून एक सुचलेय की पाकात घालण्याअगोदर द्राक्षांना काट्याने टोचे मारावेत का? म्हणजे त्यांचा रस पाकात मिसळायला मदत होईलं?
25 Mar 2014 - 7:30 pm | पिंगू
एक प्रश्न आहे.. हा मुरांबा किती दिवस टिकेल? द्राक्षांचा मुरांबा जास्त दिवस टिकत नाही म्हणून विचारतोय..
25 Mar 2014 - 8:07 pm | अनन्न्या
@यशोधरा, अगं टोचे मारायला नाही लागत, अक्षरशः बेदाणे होतात त्या द्राक्षांचे, देठाकडून पाक शिरतो त्यात.
@ पिंगू, मी तयार मुरंब्याचा फोटो टाकलाय तसा रंग आला की मुरांबा चांगला टिकतो, कमी कढला तर मात्र नाही टिकत!
द्राक्षं गोड मिळाली तर मात्र लिंबाच्या रसाच्रे प्रमाण वाढवा, पाकाला आंबटपणाची चव चांगली वाटते.
25 Mar 2014 - 8:16 pm | यशोधरा
ओके.
26 Mar 2014 - 12:19 pm | पिंगू
बरोबर आहे. कधी कधी कमी कढवले जाते आणि मग काही दिवसांनी मुरांब्याला बुरशी येते.
25 Mar 2014 - 8:10 pm | आदूबाळ
थोडा जास्त दिवस टिकवला तर वाईन होईल!
25 Mar 2014 - 8:39 pm | अत्रुप्त आत्मा
कॉलिंग सोत्रीबाबा! :D
25 Mar 2014 - 8:35 pm | मधुरा देशपांडे
नवीनच प्रकार कळला. आवडला.
25 Mar 2014 - 8:44 pm | अत्रुप्त आत्मा
पैला फोटु देख के दिल द्राक्ष द्राक्ष हो गया!
बाकि ही मुरंद्राक्ष लै भारी लागत असणार.
25 Mar 2014 - 10:14 pm | अजया
तों.पा.सु!
25 Mar 2014 - 10:18 pm | सुहास झेले
पहिल्यांदा ऐकला हा प्रकार... पण अफलातून दिसतोय.
विशेष म्हणजे पहिला फोटो अल्टीमेट आलाय. त्यातली रंगसंगती आणि रिफ्लेक्शन मस्तच.... :)
26 Mar 2014 - 12:08 am | सखी
सुरेख फोटो आलेत, नविनच प्रकार कळला.
26 Mar 2014 - 3:34 am | स्पंदना
कसली सुरेख दिसताहेत द्राक्ष पहिल्या फोटोत. व्वा!
आजवर कधीही न ऐकलेली,न चाखलेली, न पाह्यलेली पाकृ.
धन्यवाद अनन्न्या.
26 Mar 2014 - 5:02 pm | अनन्न्या
@आदूबाळ, प्रयोग करून पहा. आणि इथे शेअर करा.
26 Mar 2014 - 6:51 pm | प्यारे१
आयला, मागच्या वेळचा पायनॅपलाम्बा होता ना? आता द्राक्षांबा?
मस्तच!
26 Mar 2014 - 10:11 pm | सूड
द्राक्षं आवडत नाहीत त्यामुळे पास. बाकी पाकृ हटके आहे.
26 Mar 2014 - 10:33 pm | यशोधरा
आंबट लागतात की कॉय? :P
27 Mar 2014 - 9:46 pm | सूड
>>आंबट लागतात की कॉय?
शी बै!! हे काय विचारणं झालं. ;)
27 Mar 2014 - 1:14 pm | मनीषा
काळी द्राक्षे वापरून केला तरी चालेल ना?
29 Mar 2014 - 5:12 pm | अनन्न्या
पण करून पाहायला हरकत नाही!
28 Mar 2014 - 11:12 am | कॅप्टन जॅक स्पॅरो
पहिला फोटो जब्राड आवडलाय.
28 Mar 2014 - 11:27 am | पैसा
डिट्टेल पाकृ आणि सुरेख फोटो! चव तर छान असणारच!
28 Mar 2014 - 7:14 pm | मदनबाण
आयला ! पहिल्यांदाच असा मोरांबा पाहिला !
(छुंदा प्रेमी) :)
29 Mar 2014 - 4:47 pm | त्रिवेणी
पहिला फोटु कसला जबराट आहे.
29 Mar 2014 - 4:47 pm | त्रिवेणी
पहिला फोटु कसला जबराट आहे.
29 Mar 2014 - 7:56 pm | निवेदित
पहिल्यांदा ऐकला हा प्रकार... पण छान दिसतोय.
25 Jan 2022 - 10:19 pm | nemake_va_mojake
मुर्द्राक्षास...
मुरवि मनोहर द्राक्षालागी
सुधा मधुर अन् गंध केशरी
मुर्द्राक्षाची द्राक्षरसाशी
अशी चालली मधुरा-मधुरी
द्राक्षम् मधुरम् पाकम् मधुरम्
पाकामधले केशर मधुरम्
द्राक्षरसासह मधुमद मधुरम्
द्राक्षाधिपतेरखिलं मधुरम्
- कौस्तुभ आजगांवकर
27 Jan 2022 - 6:57 am | nutanm
प्रकार पहिल्यांदाच वाचला, फोटौज् दिसत नाहीत एकही.