गपगार

आ
आतिवास यांनी
 ·  लेख
लेख
बामनाची ईदद्या ग्येली. म्हंजे म्येली. शेताला गेल्ती सक्काळी. हा-या धावत आला सांगाया. मोटी माणसं ग्येली पळत. म्याबी चाल्ली व्हती. आयनं पायलं, म्हन्ली, “मुकाट्याने निमीकडं जा. तिथं दिसलीस तर लाथ घालीन.” आमच्या घरातली मान्सं सूद्द बोल्तेत. म्या येकलीच खेडवळ. ईदद्या माज्याशी चांगली व्हती. बोलायची न्हाई जास्ती, पण कायबाय द्यायची मला. गजगं; फुटकी काकणं; चिचोके; गूळश्यांगदाणं; आवळं; जांभळं; – समदं फुकाट. म्याबी तिला मोराचं पीस दिल्त येकडाव. हसली व्हती. “आता ईदद्याचं भूत व्हनार,” जग्या म्हन्ला. “हाडळ”, भान्या म्हन्ला. “हाडळ कशापायी? तिला कुटं लेकरू व्हतं?” अंक्याने इचारलं. “पोटुशी व्हती म्हनं ती,” निम्मी म्हन्ली. “ह्या! लगीन कुटं झालतं तिचं?” म्या इचारलं. समदी गपगार बसली. मेल्यागत. (शतशब्दकथा)* * हा शब्द सुचवल्याबद्दल चिगो यांचे आभार.
वर्गीकरण
लेखनविषय (Tags)
कथा
समाज
लेखनप्रकार (Writing Type)
आस्वाद
अनुभव
14449 वाचन
💬 प्रतिसाद (38)

प्रतिक्रिया

बिपिन कार्यकर्ते
Fri, 03/22/2013 - 10:45 नवीन
!

भीडस्त
Fri, 03/22/2013 - 11:10 नवीन
नेटक्या,अल्प शब्दात दाहक वस्तुस्थिती उभी केलीत

सस्नेह
Wed, 03/27/2013 - 05:34 नवीन
+१
↩ प्रतिसाद: भीडस्त

श्रावण मोडक
Fri, 03/22/2013 - 11:37 नवीन
म्या गपगार झालूय!

अत्रुप्त आत्मा
Fri, 03/22/2013 - 13:39 नवीन
गपगार

चिगो
Fri, 03/22/2013 - 16:33 नवीन
स्साला... कमाल आहात राव! जबराट. मानलं तुम्हाला. आम्हाला सालं हातभर लिहून प्रभाव पाडायला येत नाही, तुम्ही शब्द मोजून झटका देता.. :-) सह्ही जमतोय हा प्रकार तुम्हाला..

प्यारे१
Fri, 03/22/2013 - 16:40 नवीन
दोन मिन्टं गप हुबारतो. सरदांजली इद्द्याला. वर्सा दोन वर्सानं आशीच त्येल्याची नायतं न्हाव्याची सुलबा मरंन. तवाबी समद्ये आशेच आस्त्याल.... गपगार!

मिहिर
Sat, 03/23/2013 - 00:20 नवीन
तुमच्या ह्या शतशब्दकथा आवडताहेत.

सुवर्णमयी
Sat, 03/23/2013 - 05:42 नवीन
एकदम मस्त संकल्पना आहे. अंगावर काटा आला मात्र वाचून

स्वाती दिनेश
Sat, 03/23/2013 - 12:55 नवीन
शतशब्दकथा! एकदम मस्त संकल्पना आहे. अंगावर काटा आला मात्र वाचून सुवर्णमयीसारखेच, स्वाती

अभ्या..
Sat, 03/23/2013 - 13:22 नवीन
अप्रतिम लिहिता तुम्ही. ही शतशब्दकथेची कन्सेप्ट तर लै अपील झाली. अशी एक सेपरेट कॅटेगरी पण करायला हरकत नाही मिपावर. अर्थात या कथाप्रकारातील तुमचे प्रभुत्व वादातीत आहे. :)

पैसा
Sat, 03/23/2013 - 21:01 नवीन
शंभर शब्दात हजारों शब्दांचं सार सांगितलंत. आणि तेही लहान मुलीच्या नजरेतून. वाचून आम्ही गपगार.

आतिवास
Sun, 03/24/2013 - 09:06 नवीन
आभार बिपिन कार्यकर्ते, भीडस्त, नगरी निरंजन, इनिगोय, श्रावण मोडक, आदूबाळ, वल्ली, मन१, अत्रुप्त आत्मा, बॅटमॅन, ५० फक्त, गणपा, किसन शिंदे, चिगो, प्यारे१, इन्दुसुता, मिहिर, अपर्णा अक्षय, सुवर्णमयी, स्वाती दिनेश, अभ्या, पैसा, लीमाउजेट. सर्व वाचकांचेही आभार.

धमाल मुलगा
Sun, 03/24/2013 - 09:34 नवीन
इच्चिभनं! डेंजरफुल लिहिलंय राव, गाप्पकन हालवण्याची ताकद है तुमच्या लेखनात.

तुमचा अभिषेक
Sun, 03/24/2013 - 18:48 नवीन
एकूण एक कथा शंभर नंबरी आतिवासताई... यावर तुमचे पुस्तक निघालेले बघायला आवडेल.. :)

आतिवास
Mon, 03/25/2013 - 14:48 नवीन
तुमचा अभिषेक, :-)
↩ प्रतिसाद: तुमचा अभिषेक

पिलीयन रायडर
गुरुवार, 03/28/2013 - 13:30 नवीन
ताई? बायकांना कधी एवढं टू द पॉईंट बोलताना पाहिलच नाहिये हो!! मी स्वतः नमनाला घडाभर तेल घालुनच बोलते. हलके घ्यालच...!!
↩ प्रतिसाद: तुमचा अभिषेक

आतिवास
गुरुवार, 03/28/2013 - 19:14 नवीन
:-)
↩ प्रतिसाद: पिलीयन रायडर

ऋषिकेश
Wed, 03/27/2013 - 14:27 नवीन
!

नाना चेंगट
Wed, 03/27/2013 - 14:30 नवीन
बामनाची हे विशेषण न लावता सुद्धा कथा उभी करता आली असती. बामनाची हा शब्द प्रयोग वापरण्याचे काही खास कारण?

नक्शत्त्रा
Wed, 03/27/2013 - 14:36 नवीन
आतिवास........."शंभर शब्दात हजारों शब्दांचं सार सांगितलंत. आणि तेही लहान मुलीच्या नजरेतून. वाचून आम्ही गपगार". पैसा यांच्याशी एकदम सहमत!!!!!!!! पकड जबर्दस्त आहे!!!

आतिवास
गुरुवार, 03/28/2013 - 09:08 नवीन
आभार स्नेहांकिता, धमाल मुलगा, पिलीयन रायडर, ऋषिकेश, नाना चेंगट, नक्शत्त्रा.

वामन देशमुख
गुरुवार, 03/28/2013 - 16:13 नवीन
बामनाची हे विशेषण न लावता सुद्धा कथा उभी करता आली असती. बामनाची हा शब्द प्रयोग वापरण्याचे काही खास कारण?
मलाही हेच विचारायचं होतं.

उपास
गुरुवार, 03/28/2013 - 19:17 नवीन
मोजक्या शब्दात बरंच काही..

दादा कोंडके
गुरुवार, 03/28/2013 - 19:48 नवीन
प्रभावी कथा.