गाढवदादा गाढवदादा -
माणूस म्हणू का ?
माणूस म्हणताच चिडून
लाथा झाडाल का ? |१|
मासेभाऊ मासेभाऊ -
नापास झाला का हो ?
रडून रडून सगळा
टँक भरला की हो ! |२|
पोपटराव पोपटराव -
शीळ छान घालता राव !
मैनाताईला वाटतं का हो
एकदा तरी वळून बघाव ? |३|
कासवपंत कासवपंत -
लढायला किती हळू जाता ?
ढाल पाठीवरती घेता
तलवार कुठे विसरता ? |४|
भोलानाथ भोलानाथ -
गुब्बू गुब्बू गुब्बू
पैशाचं मी पेरलं झाड
पैसे येतिल का रे ढब्बू ? |५|
प्रतिक्रिया
26 Jun 2011 - 3:49 pm | पियुशा
@ विदेश जी रोज तुम्हाला नविन नविन कविता कश्या काय सुचतात बर !
मानायला पाहीजे यार तुला :)
28 Jun 2011 - 3:23 pm | परिकथेतील राजकुमार
पियुशाला हे बालगीत आवडणार ह्याची खात्रीच होती.
27 Jun 2011 - 6:34 am | आत्मशून्य
मूक्त कल्पनेचा अत्यंत लोभस, मनमोहक, आर्द्रतापूर्ण असा तरल व अभूतपूर्व आविश्कार ही कवीता वाचताना अनूभवाला आला... असचं लिहीत रहा. पूलेशू.
27 Jun 2011 - 7:53 pm | llपुण्याचे पेशवेll
मस्तं कविता आहे. :)
27 Jun 2011 - 9:15 pm | गणेशा
आवडली कविता
28 Jun 2011 - 9:38 pm | इंटरनेटस्नेही
कविता आवडली!