सौदी मध्ये मशिदींवरील स्पिकरला बंदी यावर

ईग्लिंश वाचताना त्रास होतोय.

काय फरक पडत नाही.पण माझे मत असे आहे कि ज्यावेळी मशीदीत नमाज पढत असतात त्यावेळी मंदीरावर स्पिकर बंद करावेत व नमाज झालेवर आपली भजने सुरु करावीत.
सकाळी मशीदीत अजान देतानाचा आवाज कधी कधी चांगला असतो. एकायला बरे वाटते.

सौदी हे मुस्लिम देश आहे; अर्थातच तेथे मशिदि जास्त असतीलच मह्न्जे आवाज हि जास्त असेल ... लाउड स्पिकर खर तर वापरण्याचि गरजच नाही .. गली गली मशिद अस्ल्यामुळे आजान चा आवाज सर्वापरयन्त पोहचेलच ...

वेताळशी सहमत

तिथे कदचित हे शक्य असेल कारण, तिथे त्यांच्या मतांमुळे कोणी निवडून येत नसेल ना ?
पण इथे भारतात सरकार अक्षरशः कोसळते, त्यामुळे इथली परिस्थिती जरा वेगळी आहे.

हो हिंदू किव्वा त्यांची मंदिरे ह्यामुळे सरकारला काही फरक पडत नाही,
त्यामुळे त्यांना काही सवलती दिल्या नाही तरी चालते, उलट कर लावला जातो, आणि
त्यांना मात्र त्यांच्या धर्म क्षेत्रांसाठी सवलती जाहीर केल्या जातात,

AIR INDIA तोट्यात उगाचच नाय का ?

सौदी सरकार "भगवे" असावे असे वाटते.

गांधीवादी यांच्या (आणि इतर भगव्यांच्या) माहिती साठी -

हज यात्रेसाठी दिली जाणारी सबसिडी रद्द करण्याची प्रक्रिया सरकारने सुरू केली आहे आणि मुस्लिम नेत्यांनी यास पाठिंबा दिला आहे.

मुस्लिम नेत्यांच्या पाठिंब्याचे कारण म्हणजे ही सबसिडी एअर इंडियाला ८२५ कोटी रुपये मिळवून देते. मुसलमानांचा त्यातून काही फायदा होत नाही आणि टीकेचे धनी मात्र व्हावे लागते हा आहे. थोड्या सर्चनुसार मुंबई जेद्दाह विमान प्रवासाचे बाजारातील रिटर्न तिकीट २०० पौन्ड = १५००० रु होते. (वर दिलेल्या दुव्यात १८००० हजार म्हटले आहे). हज यात्रेकरूंना १२००० रु भरावे लागतात. एअर इंडियाला ५५००० रु सबसिडी मिळते (कशाबद्दल?)

कुठल्याश्या जुन्या कराराननुसार एअर इंडियानेच जाणे सक्तीचे आहे.

सबसिडी नाही दिली तर एअर इंडिया आणखी तोट्यात जाईल अशी परिस्थिती दिसते आहे.

आपल्या येथे नियमीत पणे लाऊड स्पिकर वर आपण बांग ऐकतो. गल्ली गल्ली तुन मशिदी असतात (मी महाराष्ट्र सोडुनची वास्तवता सांगत आहे) आणि त्यामुळे आपल्या मुलांना अगदी जन्मापासुन ठराविक वेळा बांग ऐकण्याची आता सवय होत चालली आहे. सकाळी विष्णुसहस्त्रनाम ऐकायच्या ऐवजी त्यांचा शिस्तीत ब्रेन वॉश चालला आहे कारण लाऊड स्पिकर मुळे स्पष्ट व मोठ्यांदी ऐकायला मिळते व ते ह्यात काही वावग नाही म्हणुन स्वीकारायला लागले आहेत. अजुन एक पिढी जाऊ द्यात मग त्यांना विष्णुसहस्त्रनाम काय आहे ते माहीत नसेल पण बांग गुणगुणायला लागतील.

हे राम हे राम

मी महाराष्ट्रा बाहेरील वास्तवता सांगीतली. मराठी माणुस शिवाजी महाराजांचा भक्त असल्या कारणाने तो जास्त जागरुक आहे. पण युपी, बिहार, केरळ मध्ये परिस्थीती वगळी आहे

हिंदु बहुसंख्य म्हणुन रस्त्याने ठणठणाट करत असतील तर ते मान्य पण मुस्लिम फक्त तीन वेळ उणेपुरे ३ मिनीटे बांग देत असतील तर ते अन्यायकारक हे काही पटले नाही.दिवाळीत तर इतर धार्मियांपेक्षा हिंदु लोक वातावरणाची अ़क्षरशः वाट लावतात,त्याबद्दल काही तर लिहा.
चितळेसाहेब शिवाजी महारांजाचा मधीच मुस्लिम धर्मियांना विरोध नव्हता. उलट त्यानी मशीदी व दर्गे ह्याना वर्षाला ठराविक देणग्या मिळतील अशी व्यवस्था केली होती. ह्या उलट मंदीरातुन करोडो रुपयाचा भ्रष्टाचार होत आला आहे. आताच गाजत असलेले तिरुपती मंदीरातील जवळ जवळ करोडो किंमतीचे दागिने त्याच्याच पुजार्‍याने लुटले आहेत. याबद्दल हिंदु का मुळ गिळुन गप्प आहेत?

"खरे धर्मनिरपेक्ष शासन आपण कधी अनुभवणार की नाही ?"

श्री.शेलार मामांचा मुख्य प्रश्न हा आहे. अन् त्याला उत्तर आहे "कधीही नाही". अठरापगड जातीच्या घटकांनी पूरेपुर भरलेला हा एक अब्ज+ लोकसंख्येचा देश कदापिही धर्मनिरपेक्ष राजकारणाने जगाला सामोरे जाऊ शकणार नाही. त्यामुळे या प्रश्नातील उत्तराचे जे स्वप्न प्रश्नकर्त्याच्या मनात आहे ते प्रत्यक्षात कालत्रयीही येऊ शकणार नाही ही वस्तुस्थिती आहे. अहो, मूठभर लोकसंख्या असलेल्या पारशांसाठी जे सरकार देशभर 'पारसी डे' ची सार्वजनिक सुट्टी जाहीर करते, ते सरकार "मशिदीवरील लाऊडस्पीकर बांग" थांबवेल हे दिवास्वप्न आहे. शिवाय या बांगेमुळे वा त्याद्वारे होत असलेल्या "अल्ला"च्या प्रार्थनेमुळे हिंदुतील कुणी राम हा रहीम होण्यासाठी मशिदीत जाऊन पाळीत उभा राहिला आहे हे चित्र नाहीच नाही.

कोल्हापुरात पहाटे पाच वाजता महालक्ष्मी मंदिरात सनई चौघड्याचे मंजुळ स्वर सुरू होतात तर त्याचवेळी हाकेच्या अंतरावर असलेल्या बाबुजमाल पीरातून बांग ऐकू येते. या दोन्ही स्वराची सवय (दोन्हीही सौम्य आवाजात असतात) या परिसरातील रहिवाश्यांना इतकी झाली आहे की, एखादा दिवस यातील एक आवाज ऐकू आला नाही तर त्याना चुकल्यासारखे होईल. माझे एक नातेवाईक गेली ५०-५५ वर्षे या दोन्ही ठिकाणाच्या दाट मध्यवस्तीत राहतात (शेकडो राहतात), पण आज या तारखेपर्यंत त्या घरातील एकाही मुलाला वा मुलीला (तसेच त्या ज्येष्ठ नातेवाईकाला) त्या दोन-अडीच मिनिटे चालणार्‍या बांगेतील "अल्ला हू अकबर" या व्यतिरिक्त एकही शब्द वा पुकार कळालेला नाही आणि कुणाला समजून घेण्याची इच्छाही नाही. जो कुणी मुल्ला-मौलवी असतो, तो येतो, बांग देतो, निघून जातो. बस्स. फार किरकोळ आणि रूटीनची बाब आहे. शिवाय आमचा हिंदु धर्म इतका का तकलादू पायाचा आहे की, लाऊडस्पीकरवरून "अल्ला" ला पुकारले म्हणून धर्मावर आक्रमण झाले वा त्याला तडा गेला?

सौदीमध्ये ज्या कारणासाठी 'लाऊडस्पीकर बंदी' कायदा करण्यात येणार आहे किंवा केला गेला आहे, त्यातील प्रदुषणाचा मुद्दा त्यांना महत्वाचा वाटला म्हणून. शिवाय तेथील 'राजेशाही' पद्धती इथे कदापिही अवतरणार नाही. लोकशाहीच्या चौकटीतच कायदेकानू करावे लागतात. आज कॉन्ग्रेसचे जे सरकार आहे त्यांच्या पूर्वजांनी स्वातंत्र्यप्राप्तीनंतर सर्वधर्मसमभाव हे धोरण राबविले आणि कुणाच्याही धर्मभावना दुखावल्या जाणार नाही हे पाहिले. 'हिंदुत्वा'चा मुद्दा घेऊन केन्द्रात एक फुल्ल टर्म सत्ताधारी झालेल्या भाजपप्रणित आघाडी सरकारलादेखील 'मशिदी' च्या बाबतीत असले निर्णय घेता आले नाहीत, ते आता आवळ्याभोपळ्याची मोट असलेल्या सरकारला घेता येईल असे मानणे दूधखुळेपणा ठरेल.

इन्द्रा

"केंद्र सरकारने हा दिवस ऑप्शनल हॉलिडेच्या यादीत टाकला असावा."

इल्ला ! वर्षानुवर्षे १९ ऑगस्ट या दिवशी "पारशी न्यू इयर" (फरवर्दिन) म्हणून केन्द्र सरकार, राज्य सरकार, मान्यताप्राप्त संस्था, शाळा-महाविद्यालये, विद्यापिठे, जि.प., बॅन्का, विमा इ. यांना 'सार्वजनिक सुट्टी' असतेच. हिंदु धर्मांच्या ज्या सुट्ट्या सार्वजनिक म्हणुन शासनाने मान्य केल्या आहेत त्याशिवाय त्याच अनुषंगाने 'ईद-ए-मिलाद, महावीर जयंती, गुड फ्रायडे, रमजान ईद, बकरी ईद, गुरू नानक जयंती आणि नाताळ' ह्या देशातील इतरधर्मियांसाठी सार्वजनिक स्वरूप म्हणून जाहीर केलेल्या आहेत, ज्या सर्वच धर्मीयांना मिळत असतात. इथे वैकल्पाचा प्रश्न येत नाही.

(थोडेसे अवांतर : वेतन आयोगाने नवीन वेतनश्रेणी जाहीर करताना देशभर केवळ "तीनच सार्वजनिक सुट्ट्या" (२६ जाने., १५ ऑगस्ट, म.गांधी जयंती) असाव्यात आणि राज्य पातळीवर तीन वैकल्पिक सुट्ट्या असाव्यात अशी शिफारस केली होती, जिला नेहमीप्रमाणे कामगार युनियन्सनी वाटाण्याच्या अक्षता लावल्या आणि सुट्ट्याची खिरापत मागील अंकावरून पुढे सुरूच राहिली आहे.)

आपल्या ज्या गॅझेटेड सुट्टया असतात त्यात मुस्लीम बांधवांखातर किती व बाकीच्यां करता किती ह्या कोणी मोजल्या आहेत का.

तसेही आपल्याकडे शहरांत व गावांत पण आवाज हे धर्मश्रद्धेचे मोठे परिमाण आहे.ज्याचा आवाज जास्त मोठा ते मंडळ किंवा प्रभाग जास्त श्रद्धाळू.आपले धर्म रस्त्यावर जास्त आणि देवळात किवा मशिदीत कमी पाळले जातात.अर्थात, काही सन्माननीय अपवाद आहेत.निदान या बाबतीत तरी ख्रिस्चन धर्माकडून काही शिकण्यासारखे आहे,ते त्यांचा धर्म चर्च मध्येच पाळतात.

एक तर मुसलमानांची बांग म्हणा, त्यांचे दर शुक्रवारचे भाषण म्हणा किंवा हिंदूंच्या सणाच्या आणि उत्सवाच्या दिवशींचे म्हणा ध्वनी प्रदूषण होतेच...काय कारण आहे एवढ्या मोठ मोठ्याने देवाच्या नावाने ओरडायची? देव (असलाच तर ) काय बहिरा आहे? अन बहिरा असेल तर तो तुमचे दुखः ऐकू न आल्याने दूर करू शकणार नाही...सगळं जगच असं ओरडून त्याची भक्ती करायला लागलं तर नसला तरी देव बहिरा होऊन जाईल..
दखल घ्यावी..

आणि हो उगाच शिवाजी महाराजांना यात ओढू नका...त्यांच्या दारातल पायपुसणं होण्याची लायकी नसलेले लोक सत्तेवर आहेत.

सगळे सण आणि उत्सव ह्यातच वाया घालवतात.
वर मामा ने दिलेल्या
पैगंबर जयंती ७ दिवस,
रमजान इफ्तार ३० गुणीले ८
मोहरम ताजिय रोज रात्री ३ तास गुणिले १० दिवस
ऊरुस ईस्तेक्बाल जो प्रत्येक मशिदीत असतो ७ दिवस

दिवशी माझ्या बघण्यात तर कोणतेच मुस्लिम स्पिकर लावुन ओरडताना दिसले नाहीत. आजकाल सर्वधर्मियाना दंगा करुन,दारु पिउन,पत्ते खेळायला एकमेव हक्काचा सण म्हणजे गणेश चतुर्थी हा झाला आहे.मुस्लिम पोरे देखिल उत्साहाने पहिल्या दिवसा पासुन शेवटच्या दिवसा पर्यंत मंडपात नाचताना दिसताहेत्. क्रिस्ती धर्मियाच्यात दारु पिणे वर्ज्य नसलेमुळे त्याना काही अडचण येत नाही.त्याना नाचायला व पियायला कोणत्या सणाची वाट बघावी लागत नाही.

मामा मला तरी आर एस एस चा छुपा कार्यकर्ता वाटतोय.

भारतात जेव्हढी आजपर्यत सरकारे आली तेव्हढी सगळी मुलतत्ववाद्यामा खाद्य पुरवत आली आहेत. त्यामुळे दिवसा गणिक मुलतत्ववादी वाढत आहेत. प्रत्येक सामान्य गोष्टीत काहीतरी काळेबेरे आहे हे, हे लोक जाणिवपुर्वक समाजात पसरत आहेत्.त्यामुळे प्रत्येकाची नजर इतर धर्मियांकडे बघण्याची बदलत आहे.
मी कोल्हापुर मध्ये असु दे अथवा मुंबई मध्ये त्याचा काही फरक पडत नाही. एक सरळ साधे उदाहरण देतो. आजकाल हिंदु धर्मिंयांमध्ये किती एकी आहे? एक मराठा, एक ब्राम्हण,एक लिंगायत तर एक दलित असे एक ना हजार प्रकार आहेत्. यातला प्रत्येक जण दुसर्‍याला संशयीत नजरेने बघत असतो.मागच्या एका धाग्यात दादोजीचा पुतळा काढण्यावरुन जी चर्चा झाली त्यात किती लोक खालच्या पातळीला जावुन एकमेकांवर टिका करत होते ते तुम्ही पाहिले आहेच. मग कशाला तुम्ही इतर धर्मियाना नावे ठेवता?तुमच्या धर्माततच इतका पराकोटीचा द्वेष एकमेकां विरुध्द भरला असताना इतर लोकांची काळजी कशाला करता?
निदान तथाकथित धर्म निर्पेक्षपणा मुळे अजुन आपल्या देशात यादवी झाली नाही हे आपले भाग्यच मी समजतो.

मी गॅझेटेड म्हणजे केंन्द्रसरकार गॅझेट बद्दल लिहीत होतो. १८ सुट्ट्यांमधे मुस्लीम बांधवांकरता किती असतात ते.
आणि एका प्रसिद्ध मासिका नुसार आपल्या देशात रेल्वेकडे सगळ्यात जास्त जागेची मालकी आहे, त्या खालोखाल वक्फ बोर्डा कडे व त्या नंतर सैन्याकडे रिअल इस्टेट आहे.

मशीदीतून निघणारी बांग कानाला फार सुखावह नसते. पण ती त्यामानाने अगदीच अल्पकाळ चालते. आणि वाद्ये वगैरेचा ठणठणाट नसल्यामुळे तितकी वाईट वाटत नाही. अर्थात तीही कमी आवाजात करता आली तर आनंदच आहे. मशीदीत अनेक वाईट गोष्टी घडू शकतात, घडल्या आहेत जसे डोकी भडकवणारी भाषणे, लोकांना कडव्या इस्लामची आठवण करून देणे, जिहादला उद्युक्त करणे, अतिरेक्यांना आसरा देणे, शस्त्रे साठवणे इत्यादी. पण ध्वनीप्रदूषणाचा क्रम बराच खालती आहे असे माझे मत.

पण गणेशोत्सव, नवरात्र, गरबा, दांडिया, लग्ने, मुंजी, सत्यनारायण, सत्कार असल्या कार्यक्रमांच्या निमित्ताने जो काही ध्वनीप्रदूषणाचा धिंगाणा चालतो तो भयावह आहे. एखादे वाईट दृश्य असेल तर डोळे मिटणे, इतरत्र बघणे असे पर्याय असतात. पण ह्या उच्चरवात चालणार्‍या गोंगाटाकडे दुर्लक्ष करणे केवळ अशक्य आहे. तिथून दूर जाणे एवढाच पर्याय उरतो. ज्यांची घरे त्या तथाकथित उत्सवाच्या जवळ आहेत त्यांना हाही पर्याय व्यवहार्य नाही.

लोकांकडून वर्गणी गोळा करून, महागडे कर्णे भाड्याने घेऊन त्यांच्यावरच अत्याचार करायचे हे प्रकार थांबवायला युद्ध पातळीवरून काहीतरी केले पाहिजे. असल्या आवाजाने लहान बाळांच्या कानाचे जन्माचे नुकसान होऊ शकते, वृद्ध लोकांचे स्वास्थ्य हरवते पण तरूण लोकांनाही झोप नीट न लागल्यामुळे विविध व्याधी जडू शकतात.
माझ्या मते भारतीय लोकांच्या दोन अत्यंत घाणेरड्या सवयी आहेत. एक म्हणजे सार्वजनिक ठिकाणी थुंकणे आणि दुसरे सार्वजनिक शांतताहरण करणारे ध्वनिप्रदूषण. याविरुद्ध काहीतरी केलेच पाहिजे असे मला वाटते. दोन्ही गोष्टी भारतीय लोकांचेच नुकसान करणार्‍या आहेत. आणि सहज टाळण्याजोग्या आहेत. ज्यांना हे करायची खाज असेल त्यांना अकूस्टिकली आयसोलेटेड चेंबर अर्थात ध्वनीकक्ष बनवायची सक्ती करावी. ते जमत नसेल तर बंदी. निसर्ग सौदर्य जसे जपण्याची गोष्ट आहे तशीच सार्वजनिक शांतताही आहे हे लक्षात घेतले पाहिजे.