प्रवाशांचा रिक्शा टॅक्सी वर बहिष्कार

कशाने जाणार मग? बशी तर ओसंडून वाहतील.

कुणी अडवलय? आत्तापासुनच घाला. किमान एकदा पिंपरी-चिंचवड मधे सामान्य नागरीक आहेत अशी बातमी तरी छापुन येईल.

असा बहिष्कार ग्राहकांनी ( प्रवाश्यांनी) केलाच पाहिजे. माजलेत हे लोक...मिटर मधे झोल्,वाहन सीएनजी असेल तरी काही प्रवाश्या़कडुन पेट्रोलचे दर आकारणे (रिक्षावाले हे सर्रास करतात्),बॅच न बाळगता वाहन चालवणे, जवळ भाडेपत्रक न ठेवणे इं गैर प्रकार ही मंडळी करतात पण त्यांच्यावर कोणाचाही अंकुश नाही.
मी या बहिष्काराचे समर्थन करतो...

१ दिवस बहिष्कार टाकून फार काही फरक पडेल असं काही वाटत नाही. झाला तर त्रासच होईल असे वाटते. विशेषतः शाळेतली मुले, वयस्कर लोक यांची गैरसोय होईल. We need to hit them where it hurts.

माझा १ अनुभव सांगतो. मी पुर्वी ठाण्याला मानपाड्याला राहात असे. शनिवारी अर्धा दिवस ऑफिसला जाऊन १-१:३० च्या सुमारास ठाणे स्टेशनला येऊन बसने २-२:३० ला घरी पोचून मग जेवत असे. एकदा मी असाच ठाणे स्टेशनला आलो, ऊन खूप होते म्हणून विचार केला की आज रिक्शाने घरी जाऊन मस्तपैकी झोप काढू. स्टेशनसमोर रिक्शा स्टँडवर रिक्शात बसलो. रिक्शावाल्याला सांगितले की मानपाड्याला घे, तर लगेच म्हणाला, इतक्या दूर येणार नाही. मी म्हणालो, मग स्टँडवर गाडी का लावलीस? तर तो म्हणाला, की गाडीत पेट्रोल नाही. तुम्ही दुसऱ्या रिक्शाने जा. तर मी म्हणालो की गाडी पेट्रोल पंपावर घे, पेट्रोल भर मग पुढे चल. तर तो तयार होईना. इतक्यात २-३ रिक्शावाले आजूबाजूला भांडायला आले. म्हणाले की स्टेशनवर पोलिसकडे जा. मला माहीत होते की मी पोलिस शोधायला गेलो की तो रिक्शावाला फरार होणार. तर मी म्हणालो, पोलिसलाच इथे बोलवा आणि तुम्हीपण सोबत विटनेस म्हणून थांबा. लगेच त्याचे ते चेले जाऊ दे करत परत फिरले. पण मी रिक्शातच बसून राहिलो. तो काही रिक्शा चालू करेना, आणि मी काही रिक्शातून उतरेना. २-४ मिनिटे चुळबूळ झाल्यावर मला म्हणाला, अहो साहेब, जाऊ द्या ना, पाहिजे तर २ री रिक्शा पकडून देतो. तेव्हा मी शांतपणे म्हणालो, "बघ, घरी जाऊन बसणार त्याऐवजी इथे बसतो आरामात. मी तर काही खाली उतरणार नाही. त्यामुळे तुला धंदा करायला मिळणार नाही. मानपाड्याला येत असलास तर चल. पण वाटेत क्लच सोडून गाडी बंद पाडलीस, तरी मी उतरणार नाही, मात्र त्यावेळी तुला पोलिस स्टेशनवर यावे लागेल, तिथे अजून १-२ तास जातील, याचापण विचार कर." तो काहीएक न बोलता मला घरपोच घेऊन आला. (रिक्शा बंद न पडता किंवा पेट्रोल न भरता). गंमत म्हणजे हा रिक्शावाला मराठी होता.

आपल्याला रिक्शाची गरज नाही किंवा त्याला आपली जास्त गरज आहे, हे त्याला कळले पाहिजे. शिवाय आपल्याकडे भरपूर मोकळा वेळ आहे, ते पण कळले पाहिजे, मग सहसा अडचण येत नाही. अर्थात दरवेळी आपल्याला ते शक्य नसते, त्याचाच फायदा रिक्शावाले घेतात.

मिटर जॅम

बहिष्काराबाबत सगळीकडे आनंदी आनंद आहे

(मुंबईहून ) अमोल केळकर

१. हा हा हा. रिक्षावाले, गरीब, सामान्य माणूस वगैरे वाचून हसू आले.
२. वरती पुणे आणि इतर उल्लेख वाचून परत हसू आले. पुण्यात टॅक्सी वापरात नाही. टॅक्सी फक्त पुणे-मुम्बई जायला किंवा एयर पोर्टला जायला वापरतात किंवा तिथेही मोटारसायकलने जातात. असो. त्यामुले सदर आंदोलनाचा पुण्याशी संबंध असेल असे वाटत नाही.
३. ज्यांना रीक्षा किंवा बस दोन्हीने प्रवास नको असेल त्यांनी सरळ मोटारसायकल किंवा सायकलने जावे. :)
४. बाकी कोण PHd करायला पुण्यात येणार असेल तर स्वतःचे वाहन घेऊन यावे अन्यथा पुण्याच्या रीक्षावाल्यांकडून पदोपदी अपमानित व्हावे लागेल.
५. चालूद्या. गंमत बघतो आहे.

काही फरक पडणार नाही हो हे असले स्टंट्स करून.. कुणीतरी 'मीटर जॅम' साईट तयार करतयं काय, त्याला प्रसिद्धि मिळते काय, सगळा आनंदी-आनंद!! ह्याने ऊगाच सामान्य माणसांचे हाल होणार..

आपल्याला कळत नसेल तर गप रहावं माणसाने :)

पुन्यात काहि ठिकाणि रिक्शावाले तोडाला येइल ते भाड सागतात. २ कि.मि. ला ४० रु काय म्हणुन द्यायचे. जर कोणि जॉब साठि कल्याणिनगर मधे येत असेल तर त्याचि वाटच लागते. कारण पिमटि च्या फेर्या पन जास्त नाहित इकडे.....

धागाकर्ते आप्पा यांनी मुंबईच्या बंदबद्दल लिहिताना मध्येच चिंचवड का आणलय?
याचा अर्थ रिक्षावाल्यांचे असे अनुभव सगळीकडे (थोड्या फार फरकाने ) येताना दिसतात.
रिक्षावाल्यांशी भांडण करून मला इतका कंटाळा आलाय कि आता जी फसवणूक वाट्याला येते ती सहन करण्याशिवाय काही करत नाही.

ज्यांना रिक्षा वाल्यांचा अनुभव नाही त्यांना त्यांचा पुळका येतो असा माझाही अनुभव आहे ...जर सकाळी ८ / ८.३० च्या दरम्यान तुम्ही घाटकोपरहून अंधेरी करता रिक्षा पकडण्या साठी रिक्षा वाल्यान विचाराल तर ' राजांची स्वारी या वेळेस अंधेरी संस्थाना कडे प्रस्थान करणार नाही'... अशा अर्थाची छ्या, च्च, क्लेअक , अशी उत्तरे तुम्हाला १/२ नाही तर १५/२० रिक्षावाल्यान कडून मिळतील , आणि त्यात तुमचा अर्धा तास आरामात जाईल , नंतर ट्राफिक वाढेल ...मीटर जास्त होईल ...लेट मार्क मिळेल... त्याचा भुर्दंड सोसावा लागेल तो आपल्याला ..
माझ्या ऑफिस मधले एक सहकारी जे पुढच्या वर्षी रिटायर होतील ते रोज अर्धा तास लवकर निघतात व १ तास उशिरा घरी पोहचतात कारण -रिक्षा मिळत नाही, या साठी एकच उपाय हा कि सरळ रिक्षात बसायचे व उतरायचे तिथेच जिथे आपल्याला उतरायचे आहे' जरी त्याने दुसरी रिक्षा पकडून दिली तरी कारण - म्हातारी मेल्याचे दुख नाही पण काळ सोकावतो शिवाय या 1800-22-0110 टोल फ्री. नं. वर फोन करून कम्प्लेंट द्यावी किंवा http://www.trafficpolicemumbai.org/Complaint_Auto_taxi_form.htm इथे तुम्ही कम्प्लेंट नोंदाऊ शकता..
मी तर रोज सकाळ एन्जोय करतो जरा लवकर तर येतोच कारण मला काही प्रोब्लेम नाही येत कारण वर दिलंय..तो आपल 'धंदे कि टाइम खोटी ' नाही करत व किक मारून चालू पडतो

बहिष्कार यशस्वी झाला की नाही याबद्दल वर्तमानपत्रांतून फार काही आलेले नाही.
अयशस्वी झाला असेल तर दु:खद आहे.
यशस्वी झाला असेल (>६०% रिक्षा टॅक्सी गिर्‍हाइकाशिवाय राहिल्या) तर पुढे रिक्षा टॅक्सीच्या मुजोरीत काही फरक पडतो का ते पहायचे.

माझा सध्याचा अनुभव असा:
विमानतळावरून ठाण्याला मेरू किंवा तत्सम वातानुकूलित टॅक्सीने आल्यास मीटरने सुमारे ३६० रु + टोल ३० रु असे एकूण ३९० रु होतात. तेथूनच प्रीपेड साध्या काळ्या पिवळ्या टॅक्सीचे ४६० रु घेतात. दोनेक वर्षांपूर्वी मी साध्या टॅक्सीने (प्रीपेड नाही) विमानतळ ते ठाणे येत असे तेव्हा ४०० रु होत असत. म्हणजे साध्या टॅक्सीचे भाडे वातानुकूलित रेडिओ टॅक्सीपेक्षा जास्त होते.

हाच अनुभव कोठूनही कोठेही गेले तरी येतो. काळी-पिवळीचे भाडे रेडिओटॅक्सीपेक्षा जास्त होते. टॅक्सीच्या कंडिशनबाबत तर बोलायलाच नको.

म्हणजे एकतर सर्वांचे मीटर भयंकर टॅम्पर्ड आहेत किंवा आर टी ओ ने भयंकर जास्त भाडी मंजूर केली आहेत.