या वर्षी गणपतीची प्लॅस्टिक सजावट नकोच ?

बरोबर आहे.

जून महिन्यात तेरड्याचे बी पेरावे कुंड्यांत. झेंडूचे बीसुद्धा पेरायचे दोन चार मोठ्या कुंड्यांमध्ये. गणपती नवरात्रात फुललेल्या कुंड्या समोर ठेवायच्या. लाल माठ लावल्यास ती झाडेही गौरी साठी लागतील. एकदा का सवय झाली की पुढल्या वर्षी सोपे.
काही जण यांचा व्यवसायही करू शकतील. तयार फुलझाडे.
(ख्रिसमसच्या सणात ती क्रिसमस ट्री आणि पोनसेटीया हे शोभेचे झाड खूप खपतात.)

शंभर टक्के सहमत. याच बरोबर गणेशोत्सव म्हणजे मोठमोठे लाऊडस्पीकर, डीजे चा धिंगाणा वगैरे सगळे बंद होऊन उत्सवाला मूळचे शालीन रूप येईल तो सुदिन.

मलाही नैसर्गिक फुलांचे डेकोरेशन आवडत.एकदा रोज वेगवेगळ्या फुलांचे हार बनवले होते.मागच्या वर्षी रोज वेगवेगळे मोदक केले होते.यंदा वेगवेगळ्या फुलांची आरास/रोज एक एक कुंडी आणते हे जमतेय का पाहते.

घरच्या गणपतीसाठी हौसेने सजावट करतो
प्लास्टीक आणि थर्माकोलचा वापर न करता बरेच पर्याय आहेत.
एकदा क्राफ्ट पेपरने किल्ला केला होता, एकदा फुले, एकदा (लॉकडाऊन मधे) लाकडी पट्ट्या आणि नविन लॅपटॉप बरोबर आले खोके वापरुन मखर
वर म्हटल्याप्रमाणे साधी फुले पण सुंदर दिसतात, नुसत्या हिरव्यागार दूर्वांची जुडी करुन त्याचा हार केला तरी बाप्पा सुंदरच दिसतो.
त्यामुळे शीर्षक पटले नाही. धाग्यामधे खूपदा 'प्लॅस्टीक' शब्द आला आहे तो शीर्षकात पण पाहिजे होता.

शीर्षक पटले नाही. धाग्यामधे खूपदा 'प्लॅस्टीक' शब्द आला आहे तो शीर्षकात पण पाहिजे होता.
-- सहमत.

आमच्याकडे एक लाकडी चौकट आहे, दरवर्षी ती फुलवाल्याकडे देतो आणि तो जरबेरा , गुलाब वगैरे वापरुन मस्त सजवुन देतो. जरा महाग पडते पण ३-४ दिवस टिकते.

गणपती सजावट. प्लॅस्टिक नकोच.जरी छान दिसते‌ रंग छान असतात फुलापानांचे तरी. त्यापेक्षा. खरी अष्टर व शेवंतीची फुले स्वस्त व मस्त कल्पकतेने मांडणे , त्यांची रांगोळी ,सजावट मांडणयानेही बाप्पा कसाही छानच दिसतो.फकत रंगीत ,पांढरी रांगोळी नेही. सजावट होते व सर्व रंगांची एकत्र रांगोळी नंतर ती डब्यात भरून व. परत वापरूनही. त्याबरोबर नवे रंग नवी रांगोळी कल्पकतेने केल्यासही सजावट होते , घरोघरी सुंदर छोट्या मोठ्या रांगोळ्या काढणारे कोणीतरी असतेच.

या वर्षी गणपती प्लॅस्टिक सजावट नकोच पेक्षाही दरवर्षी गणपतीत प्लॅस्टिक सजावट नकोच असे शिर्षक हवे.जरी प्लॅस्टिक सुंदर दिसत असले तरी.

फुलबाजारात फुलांचा भाव वाढत गेला तसे भाविक इतर वस्तूंचे वळले. आता ते परत तिकडे जाणार नाहीत. मल्याळी लोक समारंभांत केवड्याच्या पानांचे तोरण लावतात किंवा माडांच्या झावळीच्या पानांचे करतात. गणपतीच्या वेळी केवडा सर्वांना परवडणार नाही. त्यामुळे पिवळ्या कागदाच्या पट्ट्या वापरून त्यावर केवडा अत्तर मारावे लागेल.

एक जास्वंद, एक दूर्वांची जुडी, एक फुलांचा नाजूक हार...
गणपतीची मूर्ती मुळातच इतकी मोहक आणि मनोहर असते, की कसल्याही कृत्रिम सजावटीची गरज वाटत नाही.
घरातीलच हिरवीगार छोटी रोपे किंवा फुलझाडे आजूबाजूला .

तुम्ही चांगला मुद्दा उपस्थित केलाय.
प्लास्टर ऑफ पॅरिस, थर्माकोल, प्लास्टिकने खूपच धुमा़कूळ घातलाय. पर्यावरणाची आपण किती वाट लावतोय याचे हल्ली भान नाही.
कुणी सुधारणा करावे म्हटले तर काही लोकांचा विरोध. मागे पुणे मनपाने मुर्ती नदीत न करता हौदात विसर्जन करण्याचे आवाहन केले तर नदीकाठी गणेश मुर्तीचे विसर्जन नदीतच करा, हौदात करणे शास्त्रसंमत नाही असे बोर्ड घेऊन एका संस्थेचे कार्यकर्ते उभे होते, आता बोला.

आज काल लहान पोरा टोरांनी हट्ट केला म्हणून गणपती बसविण्याचे फॅड फार जोरात आहे. घरात एकालाही आरत्या येत नाही. नुसताच देखावा. असो ! मी दुसर्‍याच्या घरातला गणपती बाप्पा बघूनच खूश होतो .(शिवाजी जन्मावा पण तो दुसर्‍याच्या घरात या चालीवर वाचावे !)
त्यामुळे खर्च, श्रम, प्रदुषण सगळेव वाचते. शिवाय भक्तीभावात कमतरता येत नाही.

ताजा कलम : आमच्या पप्पांनी गणपती हानला या गाण्याचा आस्वाद घ्या.

साधी

पानांची सजावट करू शकता

खरे तर सध्याचा गणपती उत्सवात गणपतीच्या मुर्तीची किती गरज आहे ह्यावर चर्चा होण्याची होणे आवश्यक आहे.

सार्वजनीक गणेशोत्सव हा हवाच कशाला?
आता तुम्ही म्हणाल की मग दही हंडी, ईद , ख्रिसमस , पर्युषण वगैरे तरी कशाला हवे. तेही खरेच आहे.
ज्याने त्याने आपापला धर्म घरात ठेवला तर बरेच प्रश्न कमी होतील.
रस्त्यावर नमाज आणि आरत्या करून , डीजे च्या तालावर नाचून , देव प्रसन्न होत असेल असे वाटत नाही.

सजावटीसाठी फुलझाडांच्या कुंड्याची कल्पना आवडली.