लोहगड, भाजे लेणी--फोटोवारी

सुंदर भटकंती !!

अप्रतिम फोटो. माझ्या भाजे आणि विसापूर भटकंतीच्या आठवणी ताज्या झाल्या.

फोटोही मस्त. वाचताना गप्पा मारतोय असेच वाटले.

लक्ष्मी कोठार बंद केलं आहे का? तिथे मी राहिलो होतो.

तो दर्गा खूप जुना आहे. नवीन उद्योग नाहीत.

वरून म्हणजे वरून तुंग चार पोटात काढलात तिकडे खाली दुधिवरे गाव आणि सातारकर महाराजांनी(किर्तनकारांनी) एक देऊळ बांधलेले दिसते. ते आता दिसते का? तिकडून मागच्या बाजूने शिवखिंडमार्गे(?) लोणावळा गाठता येतो. काही सायकलवाले तिकडून जातात.
___________
एक विनंती - जुन्नर लेण्याद्री (२६ लेणी आणि लेख) अधिक शिवनेरी करून फोटो काढून आणा. पावसाळ्यात अगोदर!!

१)लक्ष्मी कोठार बंद केलं आहे का? तिथे मी राहिलो होतो. प्रवेशद्वारानंतर उजवीकडे , खाली लोहगडवाडी दिसते तिकडे आहे.

२)तो दर्गा खूप जुना आहे. नवीन उद्योग नाहीत.

३) वरून तुंग'चा फोटो काढलात तिकडे खाली दुधिवरे गाव आणि सातारकर महाराजांनी(किर्तनकारांनी) एक देऊळ बांधलेले दिसते. ते आता दिसते का? तिकडून मागच्या बाजूने शिवखिंडमार्गे(?) लोणावळा गाठता येतो. काही सायकलवाले तिकडून जातात.
___________
एक विनंती - जुन्नर लेण्याद्री (२६ लेणी आणि लेख) अधिक शिवनेरी करून फोटो काढून आणा. पावसाळ्याच्या अगोदर!!

पुढील पिढीसोबत वेळ काढून फिरायला जाण्याची कल्पना छान! फोटोही छान आलेत. एवढ्या सुस्थितीतला एखादा किल्ला पाहून आश्चर्य वाटलं.

भटकंती एकदम मस्त झालेली दिसते. गर्दीमुळे हल्ली घोरावडेश्वरला जाणं नको वाटतं.

भाजे चैत्यगृहातील स्तूप तिथल्या मौर्यकालीन झिलईच्या तंत्राने एकदम गुळगुळीत झाला असल्या कारणाने प्रेक्षणीय आहे. २० नंबरची सूर्यगुंफा उत्कृष्ट. तबल्याचे प्राचिन शिल्प, पॅगेसस, सेंटॉर इत्यादी ग्रीक मिथिकल शिल्पांमुळे आणि ग्रीक शैलीतल्या योद्ध्यांमुळे विषेश प्रेक्षणीय आहे. तिकिट खिडकीवर त्या लेणीची चावी मागितल्यास सुरक्षारक्षक किल्ली देतात. आतमध्ये योद्ध्यांची शिल्पे तसेच शयनकक्ष आहेत. आवर्जून बघावेत.

लोहगडला किती वेळा गेलो गणतीच नाही. अत्यंत आवडता किल्ला. आता मात्र कधीही गेल्यास खूपच गर्दी असते. लोहगड किल्ला जरी प्राचीन असला तरी त्यावरील काही दरवाजांचे बांधकाम हे उत्तरकालीन आहे. नाना फडवणीसांच्या कारकिर्दित हे झालेले आहे. तसा एक शिलालेखच गणेश दरवाजाच्या ओसरीत आहे त्याचे वाचन असे-
श्री गणेशाय नम: गणेश दरवाजा बांधला बा
ळाजी जनार्दन फडणीस वीद्यमान धों
डो बलाळ नीजसुरे प्रारंभ शक १७१२
साधारणनाम संवत्सरे अस्वीन शु
ध नवमी रवीवार समाप्त शके
१७१६ आनंदनाम संवत्स
रे ज्येष्ठ सुध -----त्रयोदशी बु
धवार कता -----------व्य जयाजी
धनराम गवंडी ------------- त्रिंब
कजी सुतार

अर्थ-
शालिवाहन शकाच्या १७१२ रोजी साधारणनाम संवत्सरातील अश्विन शुद्ध नवमी रोजी रविवारी बाळाजी जनार्दन (नाना) फडणीस यांच्या तर्फे काम पाहणाऱ्या धोंडो बल्लाळ निजसुरे यांनी गणेश दरवाजा बांधायला सुरुवात केली आणि शालिवाहन शकाच्या १७१६ व्या वर्षी आनंदनाम संवत्सरातील ज्येष्ठ शुद्ध त्रयोदशी या दिवशी बुधवारी हे बांधकाम पूर्ण झाले. हे बांधणारे होते जयाजी धनराम गवंडी आणि त्रिंबकजी सुतार

किल्ल्यावरील सर्वात मोठा अष्टकोनी तलाव आहे तोही नानांच्याच देखरेखीखाली बांधला गेलाय. तसा शिलालेखच तलावाच्या पायर्‍यांच्या वरील बाजूस आहे.
शके १७११ मध्ये बाळाजी जनार्दन भानू नाना फडणवीस यांनी ही बाव धोंडो बल्लाळ नीजसुरे यांच्या देखरेखीखाली बाजीचट याचेकडून बांधिवली

बाकी किल्ल्यावर पाणी विपुल असले तरी पिण्याजोगे पाणी मात्र एकाच ठिकाणी शिवमंदिराच्या बाजूस असलेल्या एका भूमिगत सातवाहनकालीन टाकीत आहे, हल्ली तेही दूषित झाले आहे.

मस्तच भटकंती!भाजे पाहायचं आहे कधीचं,एकाच रुटवर लोहगड आहे का?

झकास भटकंती 👍
सर्व फोटोज आवडले पण "एका सुंदर अँगलने दिसलेला तिकोना किल्ला" वाला फोटो विशेष आवडला!

मस्त गड लेणी भटकंती