डोक्यात घाणेरड्या कल्पना/विचार कुठून येतात ? त्यांचा मूळ स्रोत नक्की काय आहे ?

तुमच्या डोक्यात जे काही येतंय ते सगळं रोज लिहून काढा.
आणि पंधरा दिवसांनी किंवा महिन्याने ते सगळं नेऊन मानसोपचार तज्ञाला दाखवा.
ते प्रोफेशनली योग्य मदत करू शकतील.

स्तोत्र पठण रामरक्षा,मनाचे श्लोक ह्यावर भर देऊन काही फरक पडतो का बघावास रे खिलजी.

घाणेरडे म्हणजे नेमके काय ? ते 'घाणेरडे' आहेत, हे तुम्ही कश्यावरून ठरवता ? सामान्यपणे कामवासना, हिंसा, छळ करणे, कुरूपता, समाजात रूढ असलेल्या समजूती-श्रद्धा यांचे विरुद्ध असलेल्या कल्पना/विचार ... वगैरेंना 'घाणेरडे' समजले जाते. तुमचे विचार कोणत्या प्रकारचे असतात ? तुम्ही त्यांच्याशी जेवढे झगडाल, तेवढे ते आणखी प्रबळ होऊ शकतात. त्यांचा निचरा कोणत्यातरी कलेद्वारे करत राहिले पाहिजे. तुमची कल्पनाशक्ती अफाट आहे, त्यामुळे तुम्ही ज्या प्रकारच्या कविता करता ते चांगले माध्यम आहे. ते तुमचे वैगुण्य नसून ताकद आहे. आपले लिहीलेले फाडून टाकू नका. चित्रकलाही अजमवा.
माझ्यापुरते म्हणाल, तर मला तुमचे तसले लिखाण वाचायला आवडेल, आणि असे अनेक असतील, शोध घ्या.
Hieronymus Bosch (१४५०-१५१६) याची दोन चित्रे देतो आहे, भीषण कल्पना चित्रात मांडून तो विख्यात चित्रकार बनला. याची आणखी चित्रे बघा.

पाडगावकरांची एक कविता:

सुंदर आहे माझी वासना
सुंदर जशी आषाढघनांची उन्मत्त गर्जना !
सुंदर जसें तलम आकाश...
पांढरा प्रकाश...
उडते पक्षी...
चांदण्यावरील छायांची नक्षी...
बेफाम नदीचें मत्त समुद्राशीं गाढ आलिंगन
रातराणीनें वार्‍याला दिलेलें मादक चुंबन
सुंदर जसा रात्रीच्या गडद काजळीमधून
लखलखणारा विजेचा तराणा
सुंदर आहे माझी वासना

करून आपुला सुतकी चेहरा म्हणाले कोणी :
वासना म्हणजे पापाची खाणी !
वासना म्हणजे अनीति अनीति
वासना म्हणजे मृत्यूची दूती
हवा ना ईश्वर ? हवी ना मुक्ती ?
पळा रे पळा रे हिचियापासून
अवघें पुण्यच जाईल नासून !
क्षितिजावरतीं केशरी अंजिरी रंगांत न्हाऊन
हीच मायाविणी घाली भुलावण,
नकोच नकोच हिचें तें दर्शन !
सौदर्यवतींचें प्रमत्त यौवन हिचें इंद्रजाल
अवघें सौदर्य इथूनतिथून समजा खुशाल
हिचें हलाहल !
मिटून लोचन
तपस्या करून
मिळवा विजय हिचियावरतीं
वासना म्हणजे मृत्यूची दूती
शांतं पापम्‌ !

आठवतो ना ऋषि पराशर ?
केवढें सामर्थ्य ! प्रत्यक्ष ईश्वर !
लोचनामध्यें तपाची दीप्ती
पुण्याचें गाठोडें पाठीवरतीं !
भर दुपारीं
नाचर्‍या पाण्याला ऒढच भारी
पार्‍याच्या रंगाची एखादी मासळी
लकाके...उसळे...घेऊन उसळी
चंचल पाण्याच्या नाचर्‍या लयींत होडी खालींवर
धीवरकन्यका सत्यवतीचें तसेंच ऊर
कृष्ण भुवयांचें ताणलें धनुष्य
फुलानें विंधिला पाषाण प्रत्यक्ष !
मदनविव्हल म्हणे पराशर :
’ये ना सत्यवती, जवळ सत्वर ! ’
लाजे सत्यवती : ’ काय हें भलतें..असता दुपार !’
हसला धुंदींत ऋषि पराशर
केवढें सामर्थ्य, प्रत्यक्ष ईश्वर !...
क्षणांत मालवे जळती दुपार
पसरे भोवतीं चंचल...कापरा...सुगंधी अंधार !

होय मत्स्यगंधा योजनसुगंधा...
...वार्‍याच्या मनांत नाचलीं गाणीं
...भिजे चांदण्यांत लाजरें पाणी !
आणिक पुढतीं--
व्यासाचें गाठोडें झाडाच्या मुळाशीं
पुण्याचें गाठोडें घेऊन पाठीशीं निघे पराशर

सुंदर आहे माझी वासना
सुंदर जशी आषाढघनांची उन्मत्त गर्जना !
दिसावें कसें आंधळ्या डोळ्यांस
हिचें हें लावण्य,सौदर्यविलास ?
दांभिक दुबळे :
कोठून तयांस हिचिया शक्तींची विराट प्रतीति ?
मरण्यापूर्वीच पावलोपावलीं भेकड मरती !

समर्थ सुंदर आहे वासना
हिचियाभोवतीं सहाही ऋतु हे धरिती फेर
उघडा लोचन; पहा चौफेर !
हीच वसंतांत,फुलांत पानांत
मातीच्या मनांत
प्रेरित पेरीत सौंदर्य जाते
लावण्यवतींच्या धुंद कटाक्षांत
हिच्याच खड्‍गाचें अमोघ पातें !
हिचेंच यौवन वर्षेच्या सहस्त्र धारांत धुंद
चंचल झर्‍यांत हिचाच छंद,
दीर्घ चुंबनांत , मादक मिठींत
सुगंधी उत्सव हिचिया गानाचा
हिच्याच स्पर्शे मातींत संचार हिरव्या प्राणाचा

हिचीच प्रेरणा भूमींत रुजते , जळांत न्हाते ,
वरतीं सरते तृणाचें हिरवें होऊनि पातें
हीच निर्मितीच्या करींची सतार
पांच इंद्रियांच्या तारांवरतीं
मोहरे अमर जीवनश्रृंगार !

सुंदर आहे माझी वासना
सुंदर जशी आषाढघनांची उन्मत्त गर्जना :
जिच्यांत लपली नव्या सृजनाची अद्‍भुत प्रेरणा !

-मंगेश पाडगावकर
( जिप्सी )

Define first, What is "घाणेरड्या कल्पना" for you ?

ओके जे घाणेरड्या म्हणजे ओंगळ असे तुम्हाला म्हणायचे आहे काही हरकत नाही
तुमचे प्रयत्न चालू ठेवा समाज ठरवेल ते ऑनगळ आहे की नाही ते

रामदास स्वामी दासबोधात काय लिहीतात ते वाचा

नर्काचें कोठार भरलें । आंतबाहेरी लिडीबिडिलें । मूत्रपोतडें जमलें । दुर्गंधीचें ॥
जंत किडे आणी आंतडी । नाना दुर्गंधीची पोतडी । अमुप लवथविती कातडी । कांटाळवाणी ॥
सर्वांगास सिर प्रमाण । तेथें बळसें वाहे घ्राण । उठे घाणी फुटतां श्रवण । ते दुर्गंधी नेघवे ॥
डोळां निघती चिपडें । नाकीं दाटतीं मेकडें । प्रातःकाळीं घाणी पडे । मुखीं मळासारिखी ॥
लाळ थुंका आणी मळ । पीत श्लेष्मा प्रबळ । तयास म्हणती मुखकमळ । चंद्रासारिखें ॥
मुख ऐसें कुश्चीळ दिसे । पोटीं विष्ठा भरली असे । प्रत्यक्षास प्रमाण नसे । भूमंडळीं ॥
पोटीं घालितां दिव्यान्न । कांहीं विष्ठा कांहीं वमन । भागीरथीचें घेतां जीवन । त्याची कोये लघुशंका ॥
एवं मळ मूत्र आणी वमन । हेंचि देहाचें जीवन । येणेंचि देह वाढे जाण । यदर्थीं संशय नाहीं ॥
पोटीं नस्तां मळ मूत्र वोक । मरोन जाती सकळ लोक । जाला राव अथवा रंक । पोटीं विष्ठा चुकेना ॥
निर्मळपणें काढूं जातां । तरी देह पडेल तत्वतां । एवं देहाची वेवस्था । ऐसी असे ॥

हे देखिल घाणेरडे आहे का? तर नक्कीच नाही. कारण समर्थांचा हे लिहिण्यापाठीमागे काहीतरी चांगला उद्देश होता.

असे काहिसे धेय्य ठेउन लिहिले तर कदाचित आपले लिहिणे घाणेरडे वाटणार नाही.

पैजारबुवा,

काही शिकायचे ,करायचे,गाठायचे यासाठी जिद्द नसली की डोके रिकामे राहाते. ते कशानेही भरले जाते.
तरुण मुलांममध्ये खेळ , मैदानी खेळ याची आवड असली की आपोआपच इतर गोष्टी दूर राहतात.
रेझिझ्टन्स नसला की शॅार्ट सर्किट तसे शरीर आणि बुद्धिला विरोधक नसला की सडतात.

एक सद्गृहस्थ मनोविकार तज्ज्ञाकडे गेले आणि म्हणाले कि डॉक्टर मला रात्री फार "घाणेरडी" स्वप्नं पडतात.
माझ्या स्वप्नात अर्धनग्न आणि नग्न सुंदर स्त्रिया येतात आणि मग जाग आली कि मला फार शरमल्यासारखं होतं

डॉक्टरनी त्यांना औषधे दिली आणि १५ दिवसांनी यायला सांगितले

१५ दिवसांनी आल्यावर डॉक्टरांनी विचारले "काय, किती सुधारणा आहे?"

सद्गृहस्थ म्हणाले -- हो, भरपूर सुधारणा आहे

डॉक्टर -- मग ता आता "तशा" स्त्रिया स्वप्नात येणे बंद झालं का?

सद्गृहस्थ (जरासं लाजत)-- नाही, "तशा" स्त्रिया अजून स्वप्नात येतात. पण आता मला लाज शरम वाटणं बंद झालंय

))=(( , ))=((

Reddit वर चक्कर मारून या एकदा.

:)

असेल हिम्मत तर याचे विडंबन करून दाखवा

https://misalpav.com/node/44384

घाण म्हणजे नक्की काय?

१. तांब्या, भांडे, पडणारं पीठ इ.इ.
२. झ**पणा
३. सांस्कृतिक प्रतीकांबद्दल काही अशिष्ट विचार

यांपैकी

१ असेल तर मिपावर कविता पाडा
२ असेल तर मचाकवर कथा पाडा
३ असेल तर लोकांना सांगू नका कारण लोक मारतील.

चला तुमच्या घाणेरड्या कल्पनेच्या उत्तरासाठी तरी बॅट्या आला मिपा वर परत

जय हो बॅटमॅन की ।!

काय म्हणावे ह्या लेखाला शी'वरचा लेख! =))

सॉ, हिल्स हॅव आईज , राँग टर्न असे चित्रपट सलग बघा !

आॕनलाईन खरेदी करणाऱ्या लोकांना जसं डेटा अॕनालिटिक्स वापरून सूचक जाहिराती दिसतात तसंच आहे हे ! आता घाणेरडं वाटणारं कधीतरी तुम्हाला बेहद्द आवडलेलं असणार...आठवून पहा !