ठाणे पोपट कट्टा - न पाहिलेले पक्षी

डॉ नी पुढाकार घेतला आणि मिपाकरांचे पाय रविवारी घराला लागले. सुरुवातीला बाणाने आणि डॉ नी कॅमेरे सरसावले व थोडे फोटो काढले, पण मग नकळ गप्पांचा फड रंगला आणि सगळे आसनस्थ झाली, आखाड्यात आले. खरेतर आधी घरातून दिसणारे पक्षी पाहायचे, मग खाली उतरुन मागच्या पिंपळावरचे, पलिकडच्या झाडीतले व बागेतल्या दाट झाडांमधले पक्षी पाहायचे असा बेत होता. पण मैफल अशी जमली की लोकांची निघायची वेळ झाली. पुढचा कट्टा कधी जमतोय ते पाहु. तोपर्यंत मी घरुन टिपलेली पक्षांची ही काही चित्रे

बी ईटर - मराठी नाव शोधले पण प्रचलित मराठी नाव समजले नाही, माहितगारांनी सांगावे. हा पक्षी तारेवर आला तो नेमका प्रकाश विरुद्ध बाजुने येत असताना. मळभ आले होते, थेट सूर्य नव्हता पण प्रकाश लक्ष्याच्या पलिकडुन असल्याने मनासारखा टिपता आला नाही. दुसर्‍यांदा आला तेव्हा कॅमेरा सरसावेपर्यंत महाशय गायब. सबब फोटो केवळ पक्षी ओळखण्या इअतपतच आले आहेत.

मात्र पक्षी भक्ष्य खाताना टिपायला मिळाला, मजा आली. गेल्या चार पाच महिन्यात याचे दर्शन नाही.