जीवघेणी खळी

Primary tabs

किरणकुमार's picture
किरणकुमार in दिवाळी अंक
14 Nov 2020 - 10:00 am



जीवघेणी खळी

नसे गुलाबाचे ओठ कुठे नाक चाफेकळी
तुझ्या सावळ्या गालात सखे जीवघेणी खळी .....

नाही नाजूक साजूक दोन हात राबणारे
कसे चंचल म्हणावे, नैन रात जागणारे
असे भाळावरी तेज की चांदण्याचा सडा
किती मधाळ बोलणे, जणू साखरेचा खडा

रानातल्या फुलामध्ये तू ग हासणारी कळी
तुझ्या सावळ्या गालात सखे जीवघेणी खळी ........

तुझे पाऊल बघोनी शेती शिवार फुलते
जशी चाहूल लागता, रातराणी ग फुलते
चार मण्यांचा दागिना पुरे गळ्यात डोरले
तुझ्या हाताची ही चव गोड लागते कारले

तप्त उन्हातली गोडी तू ग करवंदी जाळी
तुझ्या सावळ्या गालात सखे जीवघेणी खळी ........

किती जिभेला ग धार जशी तलवारी पाती
तुझ्या शब्दाचाही मार घट्ट रोवतात नाती
कधी मनाचा रुसवा शेंडी नाकातून झुरे
उरे गालावर हसू , तूला शृंगार तो पुरे

तू बेभान ग वारा फिरे डोंगराचे घळी
तुझ्या सावळ्या गालात सखे जीवघेणी खळी .......


- किरण कुमार


कविता

प्रतिक्रिया

तू बेभान ग वारा फिरे डोंगराचे घळी
तुझ्या सावळ्या गालात सखे जीवघेणी खळी .......

वाह... सखीचे वर्णन निसर्ग अप्रतिम सांगड...

मिसळलेला काव्यप्रेमी's picture

15 Nov 2020 - 3:41 pm | मिसळलेला काव्यप्रेमी

अहाहा

मिसळलेला काव्यप्रेमी's picture

15 Nov 2020 - 3:41 pm | मिसळलेला काव्यप्रेमी

अहाहा

अभिजीत अवलिया's picture

15 Nov 2020 - 7:00 pm | अभिजीत अवलिया

सुंदर कविता.

टर्मीनेटर's picture

15 Nov 2020 - 10:31 pm | टर्मीनेटर

@किरणकुमार

'जीवघेणी खळी'

ही कविता आवडली  👍

पुढील लेखनासाठी शुभेच्छा!

✨ शुभ दीपावली ✨

टर्मीनेटर

प्राची अश्विनी's picture

19 Nov 2020 - 6:32 pm | प्राची अश्विनी

वाह! किती सुंदर उपमा आहेत. आवडली कविता.

किरण कुमार's picture

24 Nov 2020 - 2:22 pm | किरण कुमार

आभार .........//\\...........

ज्ञानोबाचे पैजार's picture

24 Nov 2020 - 3:02 pm | ज्ञानोबाचे पैजार

अतिशय आवडली
लिहित रहा
पैजारबुवा,

चौथा कोनाडा's picture

25 Nov 2020 - 5:30 pm | चौथा कोनाडा

क्या बात हैं !
सुंदर कविता !