[कविता' २०२०] - चंद्र माझ्या कुशित आहे

चंद्र माझ्या कुशित आहे

आरश्याला तू सखे
बिंदी तुझी लावू नको
असु दे केस मोकळेच
सारखे सावरू नको

सांग त्या पावसाआता
उगा असा बरसू नको
चुंबनांचा वर्षाव मजवर
तू असा जळू नको

वार्‍याला कोण सांगे ?
उगा पाचोळा उडवू नको
स्पर्शातल्या वादळात या
आणखी मला चेतवू नको

चांदण्यांनी वैर सारे
पाळणे सोडून द्यावे
चंद्र माझ्या कुशीत आहे
सांग नभास कळवू नको

सोड गजरा मोगर्‍याचा
आता पुन्हा माळू नको
पदर ढळला अलगद सखे
त्यास ही सावरू नको

body {
background: url(https://i.postimg.cc/3JFS7g8f/IMG-20200503-162101.jpg);

background-size: 4500px;
}