लॉकडाऊन : सातवा दिवस

कलिंगड ज्यूस आणि ब्रेड-पनीर रोल्स भारी. पाकृ टाकून ठेवा. कोणाला तरी त्याचा उपयोग होईल.

बाकी तुमचं ऑफिस सुरु असेलच अत्यावश्यक सेवा म्हणून. वीजदर पाच ते सात % कमी होणार ही एक चांगली बातमी वाटली.

खरं तर होईल तितका आपण प्रतिबंध करतोच आहे. पण दळन, गॅस, दूध, भाज्या या लागतात. अर्थात सोशियल डिस्टन्स जपले पाहिजे.

बाकी, स्टे @होमचा कंटाळा येतोच. ट्रेडमिलवर वीसेक मिनिट वॉक करतोय सकाळ संध्याकाळ. आहार कमी केलाय. वाटतंय या लॉकडाऊनने वजन कमी व्हावं. सटर-फटरला जे तोंड उघडायचं त्यावर कण्ट्रोल ठेवलंय इतकंच. काल मराठी सिनेमा हाफ तिकीट पाहिला, मस्तय. पोरांनी चांगलं काम केलंय.

-दिलीप बिरुटे

आम्ही उपवास कचोरी केली पण कलिंगड रस न काढताच खाल्ले.

बाकी रस्त्याला भाजी,फळ,, दूध, पाव यांचे ढीग लागले आहेत. लोक निश्चिंत झाले आहेत आणि उगाचच स्टॉक करत नाहीत.
केमिस्ट उघडे आहेत पण गर्दी नाही. मात्र एकाने नवीन जिनेरिक औषधे विक्री चार पाच महिन्यांपूर्वी काढले तिकडे दहा जण रांगेत उभे होते काल संध्याकाळी सहाला.

केमिस्ट उघडे नाहीत हो. कालच पाहिले दुकानातले सगळे जण शर्ट घालून वावरत होते.
( ह घ्या )
बाकी लोक आता थोडे स्थिरावले आहेत. काल आम्ही शाळेच्या मित्रांनी गूगल ड्युऑ वापरून एक गेट टुगेदर केले. गाण्याच्या भेंड्या खेळलो.
सगळे एकदम चेकाळल्यासारखे झालो होतो.

आकाशवाणी मुंबई ब केंद्रावर आठवड्यातून दोन वेळा 'आपली आवड' हा मराठी गीतांचा कार्यक्रम सादर केला जात असे. सध्या दुपारच्या वेळेत रोज गृह मंत्र्यांच्या आवडीचा एखादा चित्रपट अथवा नाटक 'होम थिएटर' मध्ये बघणे हा ठरीव कार्यक्रम आहे. कामवालीला रजा देलेली असल्याने भांडी घासण्याचे काम ओढवून घेतले आहे, ते मन लावून करतो. कढईवर चढलेला तेलाचा राप घालवून काढई चकचकीत केल्याने बाई पण नवीन रामावर खुश आहेत.

आज ऑफिसचं काम, लॅपटॉप अपग्रेड करणं वगैरे काम चालू आहेत. आता एखादा सिनेमा बघेन.

कलिंगड ज्यूस, ब्रेड-पनीर रोल्स फोटो भारी आहेत. तोंपासू !

टीव्ही, कायप्पा वर तेच ते कोरोना बातमीपत्रं, व्हिडो, लोकांचा गर्दी करण्याचा अडाणीपणा, लाठीमार, मजुरांचे लोंढे इ. बघून उबग आलाय.
कालच आमच्या कॉर्नर भाजीबाजाराचा पोलिसांनी बंदोबस्त केला, हातगाड्या पांगवून लोकांना "सामाजिक अंतर" ठेवायला भाग पाडताहेत.
बाकी सगळीकडे शुकशुकाट आहे.

कोटा फॅक्टरी पाठोपाठ क्युबिकल्स या वेबसिरिजचे सर्व ६ भाग पाहून टाकले. एकंदरीत चांगली सिरिज होती, पण कोटा फॅक्टरी इतकं धरून ठेवलं नाही.
"दिल धडकने दो" पाहिला. ख्यातनाम दिग्दर्शिका, दिग्गज अभिनेते, त्यांचा सुंदर अभिनय, श्रीमंत निर्मिती मुल्ये, कृझ जहाज, थोडी परदेश सफर तरीही शेवट गंडला ! तशी निराशाच झाली. बाकी रामायण, महाभारत मालिकेचे रतिब चालूच आहेत. भटकंती लेख पुर्ण होत आलाय, टाकेन लवकरच.

*parasite छान आहे. प्राईमवर. मूळ कोरिअन. ऑस्करप्राप्त.

* बदल म्हणून ‘नीवेवारो’ (तेलुगु) ची हिंदी आवृत्ती पण छान. आदी, तापसी मुख्य भू.

एका ग्रुपवर गप्पा मारताना "एका रानवेड्याची शोधयात्रा" चा उल्लेख झाला - काल दिवसभरात टप्प्याटप्प्याने ते पुस्तक आणखी एकदा वाचून संपवले.

******************************************

आजची पाककृती...

कच्च्या कांद्याची चटणी..

दोन कांदे
थोडासा गूळ
सुके खोबरे (हे सापडले नाही म्हणून कोकोनट पावडर वापरली)
अर्धा चमचा जिरे
कांदे लसूण तिखट
काळे मीठ.

वरील सर्व मिश्रण मिक्सर मध्ये बारीक केले. (कांदे सोलून घेऊन अर्थात)
गूळ थोडा जास्त झाला होता म्हणून फोडणीमध्ये थोडेसे तिखट घालून फोडणी केली व मिसळून घेतले.

ही चटणी ३ - ४ दिवसात संपवावी या हिशेबाने करावी.. उगाच रिसोर्सेस कमी असताना वाया जायला नकोत.

********************************

Coronavirus: मुख्यमंत्र्यांसह सर्व लोकप्रतिनिधी अन् शासकीय कर्मचाऱ्यांच्या वेतनात कपात; राज्य सरकारचा मोठा निर्णय https://www.lokmat.com/maharashtra/coronavirus-reduction-salaries-cm-mla...

धन्यवाद....!

-दिलीप बिरुटे
(बातमीने मूड गेलेला)

वर्क फ्रॉम होम आणि होम-वर्क (घरचं काम) असल्याने कर्फ्यू असूनही वेळ मोकळा वेळ फारसा मिळत नाही. सगळे झोपल्यावर रात्री १२-१२:३० पर्यंत निवांत एखादा चित्रपट बघत बसतो. त्यामुळे दुसऱ्या दिवशी सकाळी ८ ला उठतो. स्वयंपाकाचा आणि भांडी घासण्याचा वेळ वाचावा म्हणून सकाळचा ब्रेकफास्ट बंद केला आहे. सकाळी १२ ला कडकडून भूक लागते तेव्हा मस्तपैकी जेवतो. रात्रीचे जेवण साठेआठच्या आत शक्यतो उरकतो. अनेक महिन्यापासून इंटरमिटंट फास्टिंग करायचा विचार होता, त्यात बऱ्यापैकी यश येत आहे.

तुम्ही दिलेले तोडगे अवघड असले तरी सद्य परिस्थितीत करावे लागतील असे वाटत आहे.

छान

आणखिन पाकृ येऊ द्या...