कमरेखालचे वार

राजे,
आपण म्हणताय ते बरोबर आहे. मी स्वतः आप्लिकेशन ऍन्ड नेटवर्क सेक्युरिटीमध्ये गेली दीड वर्षे काम करतो आहे, आणि सध्या या क्षेत्रात केवळ 'आयडेन्टिटी थेफ्ट' नाही, तर असा प्रयत्न करणारे नक्की कोण, याचाही शोध धेण्यासंबंधी काम चालू आहे. आणि मला येथे नेमके हेच हवे आहे. तसा प्रयत्न कोणी केला त्यापर्यंत पोचायचे आहे. विकासरावांच्या बाबतीतही हाच प्रकार झाला आहे, अशी माझी खात्री आहे.
त्यामुळे प्रस्तुत चर्चाविषयात तांत्रिक बाजूंवरील स्पष्टीकरणांपेक्षा यासारख्या फाजीलपणास, खर्‍या नावाने न लिहिता दुसर्‍याच नावाने 'टार्गेटेड' कविता वगैरे लिहिण्याच्या हिजडेपणास (आयडेन्टिटी फाल्सिफिकेशन) आळा घालता येण्यासाठी मिसळपावची काय धोरणे (असली तर!) आहेत, अशा मुद्द्यांवर चर्चा अपेक्षित आहे. आणि मी या संकेतस्थळावरील पासवर्ड चोरीच्या प्रयत्नाची कायदेशीर तक्रार करायचे ठरवले, तर त्यासाठी काय करावे लागेल, त्याचे मिसळपाव या संकेतस्थळाच्या दृष्टीने सभासदांवर, मालक व प्रशासनावर काय परिणाम होतीलम हे जाणून घ्यायचे आहे; जेणेकरून मला माझा निर्णय घेता येईल.

माहितीबद्दल धन्यवाद. केसचा निकाल लागणे वगैरे वेगळा मुद्दा आहे. त्याचा येथे संबंध अपेक्षितच नाही.
मुद्दा हा आहे की या प्रकाराबद्दलची प्रथम तक्रार १. कोणाकडे २. कुठे (भारतात/अमेरिकेत (कारण मी वास्तव्याने अमेरिकेत आहे म्हणून) ३. कशी करावी.
मिसळपावच्या पंचायत समितीच्या अखत्यारीत अशा स्वरूपाच्या तक्रारी असाव्यात असे वाटत नाही. कारण तसे असते, समितीवरच्याच एका सदस्याच्या बाबतीत असा दुर्दैवी प्रकार मग घडला नसता; आणि घडला असता, तर त्याचा आतापर्यंत योग्य तो निकालही लागला असता. मालकांकडे तक्रार करण्यात हशील नाही कारण माझ्या मते मालक या बाबतीत तरी तद्दन यूसलेस आहे. त्यामुळे मग तक्रार कोठे करावी आणि दाद कोठे मागावी, याबाबत काही सांगता येईल का? की स्वतःहून शक्य आहे तितके येथे मांडून सभासदांनी आपली सक्रीयता दाखवून या प्रकाराच तपास करून निष्कर्ष जाहीर करण्याचा धोशा लावावा?
(प्रश्नांकित)बेसनलाडू

लहानशी पण महत्त्वाची सुधारणा - व्यक्तिगत निरोपांची देवाणघेवाण, परवलीचा शब्द बदलणे अगर तसा प्रयत्न करणे या प्रकारातून येणारे विरोप हे misavcom या यूजरकडून ड्रुपलचा वापर करून 'ऑटोजनरेट' होतात, असे पुढील तपासात आढळून आले. सबब, माझा परवलीचा शब्द बदलण्याचा प्रयत्न कोणी केला किंवा misavcom हा यूजर आय डी कोणाचा, याबाबत माझ्या गेसवर्कचे एरर मार्जिन वाढले आहे, असे खेदाने स्पष्ट करावेसे लागते आहे. त्यामुळे आधीच्या प्रतिसादात मी म्हटल्याप्रमाणे कोणी कोणावर संशय घेत असेल, तर त्यांनी योग्य तसा पुनर्विचार करावा.
नीलकांताने या प्रकरणात लक्ष घालायला सुरुवात केल्यावर ड्रुपलच्या लॉग्सची तपासणी करून 'त्या' वेळेत 'बेसनलाडू' या यूजर आय डी च्या वतीने किंवा अन्य कोणाकडून याच यूजरसाठीची आलेली परवलीचा शब्द बदलायची विनंती कोणत्या आय पी पत्त्यावरून केली गेली, हे मिसळपावच्या सदस्यांसमोर जाहीर करावे, अशी नम्र विनंती.
धन्यवाद.
(सुधारीत)बेसनलाडू

मी केलेले तर्क हवेतले नाहीत, त्याला संदर्भ आणि तांत्रिक माहितीचा भक्कम आधार आहे. हे आतापर्यंत पुरेसे स्पष्ट झालेलेच आहे. ड्रुपलकडून असे विरोप ऑटोजनरेट होणे, ही हलकट मनोवृत्तीच्या कोणा एका न्यूसन्स निर्माण करणार्‍यासाठी देणगी, हेच केवळ आमचे दुर्दैव. आणि टु ऍड टु दॅट, मालक व संकेतस्थळाची तांत्रिक बाजू सांभाळणार्‍यांची प्रकरण तडीस नेण्यातली उदासीनता किंवा कातडीबचावूपणे सोईस्कर दुर्लक्ष.
(सुस्पष्ट)बेसनलाडू