क्रियेटिव रायटिंग या क्षेत्रातील संधी

शुभेच्छा!

मिपाकर माधुरी विनायक यांच्याशी संपर्क साधा. त्यांची 'जडणघडण' ही लेखमाला वाचनीय आहे. तसेच कमर्शिअल आर्टस् या क्षेत्रात बहुधा संदीप डांगे काम करतात. तेही सांगू शकतील.

कॉपिराईट सुध्धा यातच येते का? तसे असेल तर कॉल्लिंग आदि जोशी :)

क्रिएटिव्ह रायटिंग किंवा सृजनात्मक लेखन हे खूप मोठं क्षेत्र आहे. कथा-नाट्य-पटकथा लेखनापासून ते काॅपीरायटिंग, वेब कंटेंट डेव्हलपमेंटपर्यंत अनेक पैलू त्यात समाविष्ट होतात. त्यातला नक्की कोणता भाग तुम्हाला करायचा आहे ते आधी ठरवा.

जेवढा माझा अनुभव आहे त्यावरुन हे सांगू शकतो की या क्षेत्रात कोर्स केलाय म्हणून संधी मिळेलच असं नाही पण तुमचा पोर्टफोलिअो म्हणजे आधी काही काम केलेलं असेल तर त्याची उदाहरणं - हा सर्वात महत्वाचा मुद्दा आहे. भाषा हाही एक मुद्दा आहे. तुम्ही कुठल्या भाषेत हे काम करणार आहात त्या भाषेतल्या लिखाणाचा तुमचा पूर्वानुभव ही एक जमेची बाजू होऊ शकते.

तुम्ही ज्या शहरात राहत असाल त्या शहरातले असे स्टुडिओ शोधा जे छोटे मोठे कौर्पोरेट प्रोजेक्ट किंवा जाहीराती करतात्/बनवतात, (जस्ट डायल उपयोगी पडेल)त्यांना संपर्क करा. त्यांना देखील सतत राईटर्स लागत असतात. सरळ सांगायचं फ्रेशर आहे. दहातल्या एकाने ही काम दिलं की झालं. दरम्यान कोर्स ची शोधाशोध चालु ठेवा. मी माझ्या मित्राला सुरुवातीला एका स्टुडीओचे दोन प्रोजेक्ट्स दिलेले. नंतर त्याला त्याचा उचीत मोबद्ला देखील मिळु लागला व माझ्या ओळखीची ही गरज नाही पडली. सध्या तो त्याच्या याच (लाडक्या) फिल्ड्ला कंटाळलाय हा मुद्दा वेगळा पण एक काम भेटलं की तुमची गाडी पुढे जाईल असे मला वाटतं.