तुम्ही चंगळ वादी आहात का?

तुम्ही चंगळ वादी आहात का?
ब्रांडेड कपडे...महागडे आफ्टर शेव्ह ..शूज व अक्सेअसरिज ..
उंची हॉटेल मध्ये पार्ट्या ..मोल मध्ये खरेदी ...इत्यादी..इत्यादी ..

हे चंगळवादाचे तुमचे तुम्हीच ठरवलेले निकष (कशावरून ठरवले तुम्हालाच माहिती)वापरायचे म्हटले तर हे सगळं आपण आनंदाने करतो बुवा. करत नाही असं म्हणणं म्हणजे खोटेपणा होईल आणि आम्ही एकवेळ चंगळवादी ठरणं पसंत करू पण भोंदू खोटारडेपणा आपल्याला आजाबात पसंत नाय!!!
:)

चंगळ वाद पूर्वी आमच्या लहान पणी पण होता पण स्वरूप निराळे होते ..
केळीचे शिकरण व मटार उसळीचा बेत म्हणजे चंगळ ..

आयायायायाया!!!!
केळीची शिक्रण आणि मटार उसळ हे चंगळीचं स्वरूप आमच्या लहानपणी कधीच नव्हतं...
(आणि त्याबद्दल आम्ही आमच्या आईबापांचे अत्यंत ऋणी आहोत!!!)
आमच्या लहानपणी चंगळ म्हणजे, भरलं पापलेट, सुकं मटण, मेट्रो-रीगल मध्ये आईवडिलांबरोबर पिक्चर, क्वचित बस न वापरता केलेली टॅक्सी...
:)

हो .

आम्हि चंगळवादी आहोत ....!

ह्यो खर्च बी मांडा कि कुनीतर....सगळ्यात जास्त 'दौलतजादा' तर हिकडं करावं लागतंय !

- चंगळवादी आणि खानदानी ऐय्याश मालोजी

चंगळवादाची व्याख्या, मिसळपाववरच्या "जिलबी" या शब्दाच्या व्याख्येइतकी लवचीक आहे...

तुम्ही चंगळ वादी आहात का?
हो.

ब्रांडेड कपडे...
काही ब्रँडेड तर काही आवडणारे पण साधे.

महागडे आफ्टर शेव्ह
नाईलाजाने मला वापरता येत नाही....स्त्री (आयडी) असल्याने.

शूज व अक्सेअसरिज
बर्फामुळे साध्या शूजपासून बूटस पर्यंतचे प्रकार (तसे उन्हाळ्यात स्यांडल, चपला) आवश्यक.
अ‍ॅक्सेसरीजची आवड कमी.....आळशीपणामुळे.

उंची हॉटेल मध्ये पार्ट्या ..मोल मध्ये खरेदी
एकूणच हाटेलात पार्ट्या देण्याची वेळ येत नाही कारण 'घरी स्वयंपाक करा जेवायला बोलवा' असे मित्रमंडळी म्हणतात. मॉलमध्ये खरेदी कर्ण्याशिवाय पर्याय नाही. तशीही खरेदीची आवड फारशी नाही.

चंगळ वाद पूर्वी आमच्या लहान पणी पण होता पण स्वरूप निराळे होते
वाद घालायला मिळणे हीच लहानपणी चंगळ वाटायची....अजूनही वाटते.
बाकी हौशी पालकांमुळे सुदैवी ठरल्यामुळे देवाचे आभार मानते. त्यांनी भरपूर वेळ दिला.

केळीचे शिकरण व मटार उसळीचा बेत म्हणजे चंगळ
शाळेतून घरी आल्यावर शिकरण पोळी हा आवडता बेत असल्याने तो बरेचदा असायचा.
मटार उसळ ही मटार सोलायला मदत केल्यास मिळत असे. इडली सांबार, दोसा म्हणजे चंगळ असे लहानपणी वाटत असे, आणि ती केली.
अश्यारितीने आमच्यामुळे चंगळवाद फोफावला आहे हे मान्य करते.
अकुकाका, तुमचा धागा यायची मी नेहमी वाट पहात असते. ;) जरा टारगटपणा करायला मिळतो.

वस्तूचे कार्य, वापरण्याची सुलभता आणि शेवटी सौंदर्य (functionality, usability, aesthetics) हे तीन निकष याच प्राधान्यक्रमाने लावून काय आणि कुठे खरेदी करायचे ते ठरवतो. मॉल त्यात बसतोच असे नाही.

उदाहरणार्थ म्युझिक सिस्टीम खरेदी करताना काहींची किंमत वाचून तसली सिस्टीम घेणे कदाचित काहि लोकान्ना चंगळ वाटेल पण तेव्हढी जास्त किंमत केवळ ब्रँड मुळे नसून सिस्टिम च्या निर्दोष ध्वनी निर्माण करण्याच्या क्षमते बद्दल आहे हे एकदा पटले की किंमत परवडत असेल तर चंगळ वाटत नाही.

बरेचदा मॉल मधे वस्तु बघुन ती आवडली तर जालावरून सगळ्यात वाजवी दरात जिथुन मिळेल तिथुन घेतो.

कधी कधी सौंदर्य हेच कार्य (फंक्षन) असते. केवळ चवी साठी (सौंदर्य) जाण्या येण्याचे श्रम आणि पैसा न मोजता कित्येक विषिश्ठ जागी जायला आवडते. खाण्या पिण्याची चंगळ मान्य आहे.

चंगळवादाची व्याख्या काय,
जिथे गरीब बाजरीची भाकरी खातो तिथे चंगळवादी पिझ्झा तत्सम आयटेम खातात,(घर का ढाबा मध्ये जाउन भाकरी खाने कारण घरी जमतच नाही ना)
जिथे गरीब किंवा सामान्य माणुस अनवाणी किंवा साध्या चपला वापरतो तिथे हे १०००/१०००० चे शुज वापरतात
जिथे सामान्य माणुस(गरीब तर आभाळाकडे बघुनच वेळ सांगतो)साधारन घड्याळ वापरतो तिथे हेअसे वापरतात.
कामापेक्षा(की अकलेपेक्षा ) जास्त पैका मिळु लागला की काय करु काय नाही असे होउन जाते बघा.

अ कू कडून अपेक्षित धागा

योग्य ठिकाणी मारलेले आहेच
असो

व्याख्या व्यक्तिसापेक्ष आहे.
१० पैश्याची लिम्लेट्ची गोळी ही अत्युच्च खरेदीची परमावधी असणार्‍या मुलाला कॅडबरी चॉकलेट ही चंगळ
खाटीकाकडुन हमेशा "पोटला" खरेदी करणार्‍याला वाहनाच्या धडकेने मेलेला बकरा/कोंबडी ही चंगळ
३००० रु. पगार असताना रस्त्यावर हातगाडीवर बर्गर खाणे व तोच बर्गर मॅक्डीमधे खाणे ही चंगळ
रोज घरी भांडी घासणार्‍याला बायकोने म्हणणे "राहु द्या आज...थंड पाण्याने नको, पाणी गरम करुन देते आज " ही चंगळ.
हॅच्बॅक वाल्याला सेडान, सेडान वाल्याला एस्युव्ही चंगळ....
आहे अजुन बरेच मग बघु

आपल्यासाठी तर बुवा अकुंचे धागे आणि त्यावरच्या प्रतिक्रिया वाचणे ही चंगळ आहे.

आम्ही चंगळवादी नसून मंगळवादी आहोत. उद्या मंगळावर वसाहती झाल्या तर जाऊन रहायचा बेत आहे.

अविनाशकाकांनी चक्क चक्क पाचोळी धागा काढला आहे.

चंगळ आहे बॉ मिपाकरांची.

चंगळवादाचे प्रतीक असलेली मॉल संस्कृती शहरांत फोफावल्यामुळे बर्‍याच अकुशल लोकांना तेथे कामे मिळत आहेत. उदाहरणार्थ मॉलमध्ये झाडू मारण्याचे दिवसाला २०० रु मिळतात असे ऐकले आहे. ही अतिशय चांगली गोष्ट झालेली आहे. (घरोघरी कामाला किंवा छोट्या कारखान्यांमध्ये काम करायला माणसे मिळत नाहीत* अशी ओरड ऐकू येत आहे त्या अर्थी तिथे चांगले पैसे मिळतात हे खरे असावे).

*माणसे मिळत नाहीत याचा अर्थ ५० रु रोजावर मिळत नाहीत असा आहे. कामगारांना चांगले पैसे मिळणे ही चांगलीच गोष्ट आहे.

चंगळवाद झिंदाबाद.

एखाद्याची गरज ही माझी चंगळ असु शकते. त्याच्या लेखी मी चंगळवादी.
तद्वत माझी गरज ही तिसर्‍या कुणाची चंगळ असु शकते. त्या दृष्टीनं मी गरजु.

सर्व चित्रे जालावरुन साभार.

अकु काका, कुठे गेला होतात इतके दिवस??

@तुम्ही चंगळ वादी आहात का?>>> नाय, आंम्ही चंबळवादि आहोत. :-b =))

शेजारच्या घरात नुकतीच डेथ झाली आहे हे माहीत असतानाही हॅपीवाल्या बड्डेचा इव्हेन्ट स्पीकर वरून चालू ठेवणे याला चंगळवाद म्हणता येईल का ?

हौ, हम है चंगलवादी.....तो??? का *&^ना है??

पण चंगळवादाविषयी इतकी चर्चा इतरांनी केली पण त्यावर चर्चा सुरू करणारे अकु यांचे मत काय हे कळलेच नाही :(

मी स्वतः लई चंगळ करते. पण दुसर्‍या कुणी तशीच चंगळ केली तर त्याला मोठ्ठे लेक्चर मारते! ;)
-समाजसुधारक माउ

आमी टंगळवादी+मंगळ्वादी हावोत.. फक्त मंगळावर जाऊन टंगळ करावी अशी मनिषा आहे..

आहे चंगळवादी.. काय कराल ? (नागपूरी वाक्ये मनातच ठेवतो.) बाकी गरीबांच्या गरीबीबद्दल न बोललेलेच बरे.. त्यासाठी स्वतः श्रीमंत, एसीधारी विचारजंत व्हावे लागते. अतएव, आमचा पास..