संकेतस्थळांचे उपयोग - मिपा सदस्यांना विनंती

उत्तम उपक्रम. यात सक्रीय सहभागी व्हायला आवडेल.मात्र भौगोलिक मर्यादांमुळे प्रत्यक्ष अंगराबते न होता उपक्रमाची रूपरेषा,नियोजन आणि आर्थिक मदत या मार्गांनी सहभागी होता येईल.
(उपक्रमी)बेसनलाडू

दोन प्रकल्प मनात आकार घेत आहेत;त्याबद्दलची सविस्तर रूपरेषा सवडीने तयार करून येथे टाकतो.तूर्तास त्यांचे थोडक्यात स्वरूप येथे सांगतो -

1. अपत्य दत्तक योजनांबद्दल सामाजिक जागरूकता आणि उत्तेजन - उपवर/विवाहोत्सुक तरुण-तरुणींमध्ये तसेच नवविवाहित जोडप्यांमध्ये अपत्य दत्तक घेण्यासंबंधीं जागरुकता निर्माण करणे,माहिती पुरवणे - कायदेशीर प्रक्रिया,संबंधित संस्था आणि इतर आवश्यक माहिती ,आणि दत्तक प्रक्रियेला उत्तेजन देणे
2. कचरा व्यवस्थापन - ओल्या व सुक्या कचर्‍याची विभागणी,विल्हेवाट,पुनर्वापरयोग्य कचर्‍याचे व्यवस्थापन यांबद्दल जागरुकता,माहितीचे आदानप्रदान,उत्तेजन आणि सक्रीय पाठपुरावा

(कल्पक)बेसनलाडू

जशी जमेल तशी मदत करायला नक्कीच आवडेल.
सध्या, सामाजिक कार्यासाठी कार्यक्रम सादर करणार्‍या, एका म्युझिक गृपचा सदस्य आहेच.
अधिक माहितीसाठी पहा http://www.hidden-gems.com
----------
बेसनलाडू -- दत्तक घेण्यासंबधी योग्य सूचना.
नवीन जोडपी / विवाहोत्सुक जोडप्यांइतकेच आवश्यक आहे घरच्या मोठ्या लोकांना प्रोत्साहन देणे जेणेकरून एखाद्या जोडप्याने दत्तक घेतल्यास त्यांना योग्य ती सपोर्ट सिस्टीम उपलब्ध असेल.

--------------------------
www.atakmatak.blogspot.com
--------------------------

केवळ वेबपेजवर न राहता अंमलात येण्यासाठी अनेक शुभेच्छा!

विकासरावांनी मांडलेल्या प्रस्तावाशी पूर्ण सहमत आहे...

कोणी येथे येऊन गैरफायदा घेणार नाही ना अशी काळजी वाटू शकेल आणि त्यात काही चूक नाही. म्हणून च ट्रॅक रेकॉर्ड असलेल्या सेवाभावी संस्था आणि फोकस्ड प्रॉजेक्ट्सचा विचार व्हावा.

हेच म्हणतो..

विकासराव,

महत्वाचा अन् मला काळजी वाटणारा मुद्दा इतकाच की मिपाच्या नावाखाली यात कुठेही आर्थिक गैरव्यवहार होता कामा नये/होऊ नये याची मात्र काळजी घेतली पाहिजे. कारण 'पैसा आला की भल्याभल्यांची बुद्धी फिरते' हेच मला मुंबईने शिकवले आहे! आणि म्हणूनच एक मिपाकर उदय सप्रे यांनी नुकताच एक पुस्तक प्रकाशनाचा प्रस्ताव मांडला होता त्यावरही मला महाराजांबद्दल आत्यंतिक प्रेम व आदर असूनदेखील 'मिपाचा' यात काहीही संबंध असणार नाही असा सावध प्रतिसाद नाईलाजास्तव द्यावा लागला होता!

तरी प्रत्येकाने केलेली मदत ही त्याची/तिची वैयक्तिक मदत असावी/असेल व त्याचे संपूर्ण श्रेय त्या व्यक्तिचेच असेल. त्याचे श्रेय मिपाला न मिळता मिपा फक्त निमित्तमात्र ठरले तरी उत्तम! परंतु 'मिपाच्या नावाखाली अमूक अमूक रक्कम गोळा केली गेली अन् ती संबंधित संस्थेला पोहोचलीच नाही!' असं कधीही, केव्हाही होता कामा नये!!!

यात कुणावर अविश्वास आहे असं नाही, परंतु दुनिया पाहिल्यामुळे काही पाऊलं सुरवातीपासूनच फार सावधपणे टाकावी लागतात!

असो, स्पष्ट लिहिल्याबद्दल क्षमस्व, परंतु विकासराव, आपण माझा मुद्दा समजू शकता अशी आशा करतो..

बाकी प्रस्ताव नक्कीच चांगला आहे.

चला, लगे हाथ मी माझ्याकडून लगेच एक घोषणा करून टाकतो व या प्रस्तावास शुभारंभाचा होकार भरतो..! :)

घोषणा अशी की,

जेव्हा जेव्हा मिपाकर मंडळी कट्टा भरवतील तेव्हा तेव्हा माझ्याकडून १०१ रुपयांपासून ते 'अबक' रुपयांपर्यंत (माझ्या त्या त्या वेळच्या ऐपतीप्रमाणे!) मी माझं श्रद्धास्थान असलेल्या महर्षी कर्वे स्त्री शिक्षण संस्थेस मी देणगी देईन अन् त्याची पावती स्कॅन करून इथे प्रसिद्ध करीन.

ही पावती इथे प्रसिद्ध करण्यामागे आपण म्हणता त्याप्रमाणे जाहिरातीचा भाग नाही, तर इतरांनीही त्यापासून काही स्फूर्ती घ्यावी हाच विनम्र हेतू असेल...

असो....

आपला,
तात्या अभ्यंकर,
स्वयंसेवक, भाऊबीज निधी
महर्षी कर्वे स्त्रीशिक्षण संस्था, पुणे.

संपुर्ण अनुमोदन.

विचारमंथन सुरु झाले आहेच.

लवकरच मुर्त स्वरुप यावे.

प्रस्ताव चांगला आहे, काय करता येऊ शकते त्याची एकदा मनात बांधणी करतो आणि मग योगदान आणि सहभागाबद्दल ठरवतो.
मिसळपाव सदस्य सामाजिक जवाबदारीचे भान ठेवतात, किती आनंदाची गोष्ट !!!

मी विकासरावांनी मांडलेला प्रस्ताव व त्यामागची त्यांची भुमीका यांच्याशी संपुर्णपणे सहमत आहे.
बर्‍याच दिवस मी सुद्धा असाच विचार करत होतो की "ह्या व्यासपीठावरुन समाजासाठी" काही करता येईल का ?
च्यायला ह्या नोकरीमुळे इतर कामासाठी अजिबात वेळ भेटत नाही. पण सामाजीक अस्वस्थता स्वस्थही बसु देत नाही. मग त्याला नुसतेच "लेख" म्हणून काही खरडणे पुरेसे नाही ह्याची जाणीव होतीच. काहीतरी करणे जरुरीचे आहे.

"क्रियेवीण वाचाळता व्यर्थ आहे" हे म्हणतात तेच खरे. असो, विकासरावांनी सुरवात केली आहे त्याला माझा पाठिंबा !!!
तात्यांची "सावधपणाची" सुचना पटण्यासारखी आहे.
बाकी सर म्हटल्याप्रमाणे "मिसळपाव सदस्य सामाजिक जवाबदारीचे भान ठेवतात, किती आनंदाची गोष्ट !!! " असेच म्हणतो.

याबरोबरच अजुन एक गोष्ट मनात आहे ती म्हणजे "मिपाकरांचा एक मास्टर डेटाबेस" बनवणे. त्यात इच्छुकांचे "संपर्क, व्यवसाय, आवडी, समाजकार्य करण्याची इच्छा" याचा समावेश करणे शक्य आहे. त्याचा उपयोग खुप ठिकाणी होऊ शकतो.
सध्या आपले "मिपाकर" जगभर अनेक भागात पसरले आहेत, वेगवेगळ्या क्षेत्रात काम करतात, अनेक कौशल्य बाळगुन आहेत व अनेक ठिकाणी याची एकमेकांना मदत होऊ शकते.
कुणाला परदेशवारीच्या वेळी, देशांतर्गत प्रवास व तेथील हवी असल्यास व्यवस्था, शिक्षण, कला, संगीत, पाककला .... इ.इ. असा अनेक गोष्टीत आपण एकमेकांना मदत करु शकतो. असे म्हणतात की "एक मराठी माणुस दुसर्‍या मराठी माणसाला मदत करत नाही" हे कुठेतरी मनाला बोचते. पाहु, आपण त्यासाठी काही करु शकतो का ? आमच्या "बेंगलोर कट्ट्यावर" ह्या गोष्तीबद्दल सांगोपांग चर्चा झाली व त्यावेळीच मी हा धागा टाकणार होत पण तो कट्टा वेगळ्याच कारणाने गाजल्याने हा विषय विस्मॄतीत गेला.
याबद्दल आपली मते कळल्यास मला "थोडा अभ्यास" करुन "प्रपोजल " तयार करता येईल ...

छोटा डॉन
[ अपने अड्डे पे जरूर आना http://chhota-don.blogspot.com/ ]
बाकी अपनी किसी "गँग" के साथ सेटिंग नही है .....

नमस्कार मिपाकरहो...
आपला उपक्रम नक्किच स्तुत्य आहे .. पण आमचि जात विद्यार्थाचि त्यामुळे आर्थिक मदत आजुन दोन वर्ष तरि शक्य नाहि पण स्वयंसेवक म्हनुन महाराष्ट्रात कुठेहि उपस्थित राह्यला अम्हि तयार आहोत..(सुट्टित)
आपला मयुर

उपक्रम अगदि स्तुत्य आहे. यथाशक्ति मदत करायला नक्किच आवडेल. एक विचार मनात आला म्हनुन लिहिते आज काल आपण श्राध वगेरे करत नाहि म्हन्जे दर् वेळी रजा घेण शक्य नस्ते म्हनुन मनात असुन सुध्हआ आपण करु शकत नाहि तर त्या त्य्या दिवशि आपण पूर्वज्याच्या नावाने देणगि दिल्यास ति गरजु लोकनपर्यन्त पोचवु शकु. जसे वास्त्ल्य साथि कोनाला मदत कराय चि असेल तर मि ति मदत पोच्वु शकेन कारन ति सन्स्था मझ्या घरापासुन जवल आहे. क्रुपया माझा मुद्दा लक्शात घ्या लिहिताना चुका होत अस्ल्यामुले खुप स्पस्ट करता येत नाहिय. तुम्चे विचार ऐकाय्ला आवडतिल.

हे फार स्तुत्य सामाजिक कार्य हातात घेत आहोत. परदेशातून जर काही सहकार्य लागले तर सांगा. मदत करायला आवडेल.

आम्हाला पण "सलोनी लायब्ररी" तर्फे सामाजिक कार्यामध्ये खारीचा वाटा उचलण्याची इच्छा आहे.
"मिपाकरांचा एक मास्टर डेटाबेस" बनवणे. त्यात इच्छुकांचे "संपर्क, व्यवसाय, आवडी, समाजकार्य करण्याची इच्छा" याचा समावेश करणे शक्य आहे" छोटा डॉन यांच्याशी सहमत.
ज्याप्रमाणे श्रीयुत संदिप चित्रे हे जसे सामाजिक कार्यासाठी काही कार्यक्रम सादर करतात त्याचप्रमाणे आपणही काही कार्यक्रम करु शकतो का? मला माहीत आहे की या गोष्टी थोडया अवघड आहेत पण आपण यावर काही विचार करु शकतो का?

मी ऐका NGO (maimarathi.org) साठी काम करतो.
आपण ते ऐक माध्यम म्हणुण वापरु शकतो.
कारण त्याच्यांकडे सगळे पायाभुत सुविधा तयार आहेत.

सखाराम गटणे
(धमु, छोटा डॉन, आंद्या, पिवळा डांबिस, विजुभाउ इ. यांच्या वर्गातला :))

गैरसमज..
प्रेषक विसोबा खेचर ( शुक्र, 03/21/2008 - 13:58) .
जगामध्ये मराठी माणसाला काहितरी करताना (एखादी सणसणीत शिवी द्याविशी वाटते! ) खवी लागते.
गैरसमज होतो आहे. मी मराठी माणसाला काहीतरी करताना पाहून शिवी द्याविशी वाटते असे कुठेही लिहिलेले नाही. कृपया इकडचे अर्थ तिकडे चिकटवू नका!
आपण जर का मुबंई जवळचे असाला तर आपण माझ्या लेखातील खेरेपाना पाहान्यास आवश्क्य आमच्या संस्थेस भेट्द्या....
नक्की देईन!
व मराठी तून लेखलिहुन अनुदान मिळवून दाखवा हे आपणास विनम्र अह्वावन करीत आहे.
ते जमेलसं वाटत नाही कारण माझ्या सर्व श्रद्धा पुण्याच्या महर्षी कर्वे स्त्रीशिक्षण संस्थेस वाहिलेल्या आहेत त्यामुळे इतर अनेक सामाजिक संस्थांच्या कार्यात इच्छा असूनही भाग घेणे मला शक्य होत नाही. तरीही कधी सवड मिळाल्यास मी आपल्या संस्थेला अवश्य भेट देईन व माझ्या कुवतीप्रमाणे यथाशक्ति मदतही करीन. याहून अधिक, म्हणजे लेख लिहून अनुदान वगैरे मिळवणे मला शक्य होईलसे वाटत नाही.

असो, आपल्या कार्याला अनेक शुभेच्छा!
जाता जाता -
मराठी संस्थळांवर मराठीतच लिहिण्याचा आग्रह असणे आणि लोकांना तसा आग्रह करणे फारसे गैर नाही एवढा मुद्दा मात्र अवश्य लक्षात घ्या, ही विनंती!
आपल्या संस्थेस माझ्या अनेकोत्तम शुभेच्छा!
आपला नम्र,
तात्या अभ्यंकर,
स्वयंसेवक, भाऊबीज निधी,
महर्षी कर्वे स्त्रीशिक्षण संस्था, पुणे.

टाईम्स ऑफ इन्डियाने टीच इन्डिया उपक्रम चालू केला आहे.
संबंधित बातमी येथे वाचा. हा प्रत्यक्ष सहभागातून आणि आयुष्यातल्या थोड्या वेळाच्या समर्पणातून साकार होणारा उपक्रम आहे.
उपक्रमाबाबत अधिक माहिती येथे मिळेल.
या उपक्रमाशी संबंधित,उपक्रमाच्या सुरुवातीची प्रेरणा ठरलेली शिक्षणहक्क विधेयकाबाबतची बातमी येथे वाचा. शिक्षणहक्क विधेयक येथे वाचता येईल.
ज्यांना या उपक्रमात प्रत्यक्ष सहभागी होऊन स्वेच्छासेवा (वॉलन्टिअरिंग) स्वरूपाचे काम करणे शक्य असेल,त्या मिपाकरांनी या स्तुत्य उपक्रमात निश्चित सहभागी व्हावे आणि मिसळपाव या संकेतस्थळाचा या उपक्रमासाठी पूरक म्हणून कसा फायदा होईल,याचा विचार करावा,ही नम्र विनंती.
(उपक्रमी)बेसनलाडू

मि नविन सभासद आहे. रोज येथिल लेखन वाचते. आधि वाटल होते कि फक्त चहाट्ळ्पणा चालतो. :) :) पण वरिल विचार वाचुन मिपा चि फॅन झाले.
खुप खुप शुभेच्छा

मि चहाटळ लोकांबद्ल नव्हते बोलत. त्यामुळे तो तुम्हाला दिसायचा प्रशनच नाहि...