उन्हाच्या झळा, झळया या पासून बचाव कसा करावा?

थंडगार बीअर...

सर्व ऋतू परवडले पण उन्हाळा नको. काही सूचना शिफारशी चांगल्या आहेत. पण, काही धोकादायक आहेत. पैकी.

- घराच्या खिडक्या उघड्या ठेवाव्यात, शक्य असल्यास खिडक्यांना जाळी बसवावी.

च्यायला, दोन दिवसापूर्वी उन्हाळ्याच्या कटकटीपायी खिडक्या उघड्या ठेवणे अंगलट आले होते. खिडक्या उघड्या ठेवून आम्ही रुम बदलून झोपलो. पहाटे तीनच्या सुमारास आमच्या खिडक्यांच्या जाळ्या उचकायचं काम चोरांनी सुरु केलं होतं. कटवणी ( लोखंडी पहारीला पुढे खिळे उचकण्यासाठी फट ठेवतात ते साधन) ने खिडकी वाकवायचं काम सुरु होतं. बरं झालं आम्ही जागे झाल्यामुळे चोरांच्या कामात अडथळा आला. नै घरात तसं नेण्यासारखं कै नव्हतं. दोन महिन्यापासून पगार नव्हते त्यामुळे त्यांना काही सापडलं नसतं. पण, दोन दोन लोखंडी फटके दिले असते तर काय भावात पडले असते. तेव्हा खिडक्या उघड्या ठेवू नये, असं माझं स्पष्ट मत आहे.

-दिलीप बिरुटे

|| ६. जमल्यास गच्चीवर अथवा अंगणात झोपावे.
व सोबत ओडोमास लावायला विसरू नये. :-)

उन्हाळ्यात बरेचदा नाक फुटणे, घेरी येणे हे प्रकार घडतात म्हणून सदैव सोबत १ छोटा कांदा बाळगावा व असे काही झाल्यास कांदा ठेचुन नाकपुडीत त्याचा रस टाकाव लगेच आराम मिळतो.
बाहेर जाताना पुरेशे पाणी सोबत घ्यावे.
उन्हातून आल्या आल्या लगेच पाणी पिऊ नये.... इत्यादी, इत्यादी.......

अमृत

फळांच्या यादीतील आंबा हे फळ उष्ण आहे. उन्हाळ्यात, त्याचे अतिरिक्त सेवन टाळावे. त्यापेक्षा शहाळ्याचे पाणी पोटभर प्यावे.

शीतली म्हणून एक योगक्रिया आहे. तिचा वापर केला तर अतिशय उत्तम..

- पिंगू

उन्हातून आल्या आल्या गुळ आणी माठातील थंड पाणी प्यावे.
शक्य असल्यास पन्हे घ्यावे.
मुबलक प्रमाणात कलिंगड खावे.
लिंबू पाणी घ्यावे.
वाळ्याचा वापर करावा.
खिडक्यांवर जुन्या चादरी/ गोधडी ओली करुन टांगावी (जुना उपाय)

महत्वाचे म्हणजे दिवसातून २/३ वेळा आंघोळ करावी. :D ;)

हिल स्टेशन गाठावे
बजेट प्रमाणे
माथेरान ते पार स्विझर्लंड
मला माहीत असलेले काही उपाय
भरपूर पाणी प्यावे म्हणजे नियमित पणे दिवसातून २ लिटर तरी पाणी पिणे.
मदिरा पान माफक करणे आणि चमचमीत पदार्थ कमी खाणे. बाहेरील उष्णता जास्त असतांना शरीरात उष्णता वाढेल असे काही करू नये.
सब्जा चे सेवन करावे.
रसदार फळे खावीत उदा कलिंगड
सर्वात प्रबावी उपाय म्हणजे उन्हातून आल्यावर लिंबू सरबत प्यावे. डीहायड्रेशन होऊ नये म्हणून ग्लुकोन्सी घेण्यात हरकत नाही.
ताक व थंड दुध सर्वोत्तम

उन्हाळ्यात सुट्टी अजिबात घेऊ नये. हपिसात गारवा, आंतरजाल सेवा, दूरध्वनी सेवा, चहा-कॉफी (मिटिंग लावल्यास नाश्तापाणी) हे सगळ फुकट असतं. उगाच घरची बिले का वाढवा? रात्र झाली, उकाडा कमी झाला की घरी परतायचं.

वा ! उन्हाच्या झळा बर्‍याच वाढलेल्या दिसत आहेत.

(नेहमीचेच किर्तन आणि पुराण) चालू द्या.

सालाबादप्रमाणे गरमी आली की हा धागा वर आणणे हे प्रत्येक मिपाकराचे आद्य कर्तव्य असताना, कलंत्री काकांनी नवीन धागा काढलाच कसा ? आता मी दोन तास नैष्ठीक मौन पाळून ह्याचा निषेध करणार आहे.

शोधेपर्यंत लिंक हजर !! ;)

माठातल्या पाण्यात वाळा घालावा, व ते पाणी प्यावे. :)