कलचाचणी

शहरी पालकांनी आधीच ठरवून टाकलेले असते, की आपल्या मुलाला/ मुलीला काय करायचे.
आणि त्याप्रमाणे त्यांचे कोचिंग क्लासेस वय ५ ते १० या वर्षांमध्येच सुरु झालेले असतात.

"या चाचणीचे मला विशेष अप्रूप वाटले कारण आजही शहरातील शाळांतही कलचाचणीची सोय नसल्याचे ऐकीवात आहे"
अश्या चाचण्या शहरातही उपलब्ध असतात.
"ज्या प्रांतात आपण अभ्यास वाढवून कौशल्य मिळवू शकतो त्यात आज जरी काही न्यूनता असली तरी उद्या त्यात निश्चित प्रगती करु शकतो"
हे जवळजवळ सगळ्याच क्षेत्रांना थोड्याफार प्रमाणात लागू होते. अगदी कला क्षेत्रात सुद्धा आपण प्रगती करु शकतो. कदाचित अपेक्षित उंची गाठली जाणार नाही. माझ्या अनुभवानुसार कलचाचणीची ही फक्त "कल" दाखवते. तुमची शक्तीस्थळे (स्ट्राँग पॉईंटस) निदर्शनास आणून देते. त्यानुसार तुम्ही तुमचा मार्ग ठरवू शकता. अर्थात आवड वेगळी असेल तर त्या प्रांतात अभ्यास करून कौशल्य मिळवू शकता. ही चाचणी मार्गदर्शक नव्हे तर फक्त तुमच्यातील गुणांचा ती तुलनात्मक अभ्यास करते.

मलाही हा प्रकार मी शाळेत असताना माहित नव्हता. पण पुण्यातल्या मुक्तांगण शाळेत जाणार्‍या माझ्या अतेबहिणींची अशी टेस्ट झाल्याचे नक्की माहित आहे. या गोष्टीला बरीच वर्षे झालीत. सगळ्या शाळंमध्ये नसू शकेल पण काही शाळांमध्येतरी नक्कीच आहे.

माझी कधी कलचाचणी वगैरे झाली नाही.

शाळेत मला भाषा विषय आणि विज्ञानाची आवड होती. अकरावी नंतर विज्ञान शाखेत प्रवेश धेतला पण उनाडक्या करून आपटी खाल्ली. नंतर नोकरी करता करता वाणिज्य शाखेची पदवी घेतली. (आवडी विरुद्ध पण काळाची गरज म्हणून). पुढे संगणक प्रणाली शिकलो. शाळेत असताना हा विषयच माहित नव्हता. त्यामुळे तिकडे कल असण्याचा संबंध नव्हता. पण नोकरी निमित्ताने इडिपी खात्यास भेटी दिल्याने मनात संगणक प्रेम उद्भवले. पुढे अरबस्थानात एका कंपनीत लेखाविभागात नोकरी केली. तिथल्या व्यावसायिक राजकारणांना कंटाळलो, वैफल्यावस्था आली. त्याच काळात, आपल्याला पाककलेत गती असल्याचे जाणवले. झाले. त्याच्या मागेच पडलो. महाराष्ट्र मंडळाच्या कार्यक्रमांना फुटकळ स्टॉल लावता लावता नोकरी सोडून उपहारगृह सुरू केले. नशिबाने साथ दिली आणि बाकी सर्व मागे पडले.

परीस्थिती नुसार कल बदलत गेले आणि सर्वस्वी वेगळ्याच व्यवसायात स्थिरावलो.

खरंच, कलचाचणीचा उपयोग व्यवसाय निवडीसाठी होतो?

रेवतीताइशी पूर्णपणे सहमत मी पण. लिहाच तुम्ही अशी मालिका!

वयाने काहीश्या मोठ्या लोकांची कलचाचणी कुठे होते का?

म्हणजे शिक्षण वगैरे संपून आणि बेनसन जानसनमधे चिकटून दहापंधरा वर्षे झालेल्या धोंडो भिकाजी जोशींची?

मला करुन घ्यायची आहे. मला कालापव्यय अन श्वासोच्छवासाखेरीज कशातच फार रस नाही त्यामुळे पहिला कलहीन व्यक्ती म्हणून माझा रिपोर्ट येईल असं वाटतं.

हा प्रतिसाद उपरोधात्मक नाही..

मलादेखील माझी अशी कल चाचणी करून घ्यावयाची आहे.
मी आपण नक्की काय करावे अशा संभ्रमात आहे.
एस ए पी /नाटक /काउन्सेलिंग /मास्तरकी / सॉफ्ट स्कील ट्रेनिंग की अन्य काही