दृष्टी...समाज...

देसी बॉईज ?

"बाईला तिच्या सगल्या इच्छ्यांसाठी एक बुवा पुरेसा अस्तु , पण बुवाला तेच्या एका इच्छेसाटी सगल्या बाया पायजेल असत्यात."

हित बुवा म्हंजी पुरुष .

आता पडणारा प्रश्न हा की आकर्षक स्त्री जाहिरातीत का हवी?

कारण त्याने माल खपण्याची शक्यता वाढते. निदान त्या उत्पादनाकडे अनेकांच्या नजरा वळू शकतात. ज्या जाहिरातींमध्ये आकर्षक स्त्री दिसते त्या जाहिराती मुख्यत्वे consumer items/luxury items च्या असतात. ह्यांना माल खपवण्यासाठी युक्त्या कराव्या लागतात. शेविंग क्रीम जिलेट बरे की ओल्ड स्पाईस? गुणवत्तेत दोन्ही सारकेच असावेत्.मग ज्याची जाहिरात जास्त नजरा खेचणारी असेल त्याचा माल जास्त खपणार. महाग उत्पादनांमध्ये तसे नसावे. गाड्यांच्या/लॅपटॉपच्या जाहिरातीत पुरुषही दिसतात.

उद्या लिपस्टीकच्या जाहिरातीत जॉन अब्राहम (कमी कपड्यातला) दाखवला तर खप वाढेलही! :)

एका सिमेंट च्या जाहिरातीत समुद्रातून पोहून निघताना एक बिकिनी कन्या दाखवली होती . त्याचा अर्थ अजुन कळलेला नाही.

सगळ्या मॅगझिन्सच्या कव्हर्सवर स्त्रीच का असते ?
बहुतांश रिसेप्शनिस्ट स्त्रियाच का असतात ?
टेलिफोन ऑपरेटर्स स्त्रियाच का असतात ?
पराक्रम गाजवून आलेल्या माणसाला ओवाळायला सुवासिनी (म्हणजे पुन्हा स्त्री)च का लागतात ?
शाळेच्या गॅदरिंगमधे येणार्‍या प्रमुख पाहुण्यांचे स्वागत करायला पुष्पगुच्छ हातात घेतलेल्या मुलींनाच का उभे करतात ?
बहुसंख्य रेडिओ जॉकी स्त्रियाच का असतात ?
असे अनेक प्रश्न या धाग्याच्या निमित्ताने डोक्यात घुमले.

आपली भारतीय संस्कृतीच पुरुषप्रधान आहे. आणि बर्‍याच वेळा वस्तू विकत घ्यायचे निर्णय पुरुषच घेतात. आपल्या मुलीचे/बायकोचे कपडे आणून देणारे "पुरुषोत्तम" मला माहिती आहेत. सगळ्या जाहिराती या निर्णयाचा अधिकार प्रामुख्याने ज्याला असतो, त्याला म्हणजे पुरुषाला केंद्रस्थानी ठेवून केलेल्या असतात. त्यामुळे त्याला म्हणजेच पुरुषाला सगळ्यात जास्त आकर्षित करणारी 'वस्तू' म्हणजे आकर्षक बाई, ती बहुतेक जाहिरातीत असलीच पाहिजे. (हे वाक्य १००% पुरुषांना लागू नाही, काही 'सरळ नसलेल्यांना' वगळून आहे)सगळ्या पुरुषांनो, आपल्या आजूबाजूला आणि घरातही असणार्‍या अतिविशाल महिलांची कल्पना एखाद्या जाहिरातीत केवळ उदाहरण म्हणून करून बघा, आणि मग ते उत्पादन घ्यावंसं वाटतं का ते प्रामाणिकपणे सांगा!!

माझ्या मते स्त्रीचा 'आकर्षकपणा' हे एक त्याचे मुख्य कारण असावे, त्यामुळेच सगळ्या जाहिराती अधिक आकर्षक होण्यासाठी स्त्रीयान्चा वापर केला जात असावा, जेणेकरुन समाजातील सर्व पुरुषान्चे व स्त्रीयान्चे लक्ष वेधुन त्या वस्तूची जाहिरात अधिक परिणामकारक व्हावी असे मला वाटते. जर नुसते पुरुषच दाखविले तर तिकडे कोण बघणार ???

माझ्या मते ' कमी कपड्यातल्या पुरुषान्पेक्षा जास्त कपड्यातल्या स्त्रीयासुध्धा अधिक आकर्षक असतात व दिसतात ' हे कोणीही नाकारु शकते काय ??

बरे हा प्रश्न मान्डणारे मन१ काय किवा त्यावर प्रतिसाद देणारे मिपाकर काय सगलेच 'बाप्येच' आहेत. अजुन तरी कोणा स्त्रीने ह्याची दखल घेतली असे दिसत नाही.

विनोद१८

अंतिम उपभोक्ता आणि खरेदीदारांमध्ये पुरुषांचे प्रमाण जास्त असते. त्यामुळे त्यांच्या नैसर्गिक आकर्षणाचा, स्त्री सौंदर्याचा, विषय हा जाहिरातीच्या केंद्रस्थानी असतो असे एक निरीक्षण आहे.

लहान मुलांची उत्पादने खरीदणारी, खरेदीवर प्रभाव पाडणारी (भले पुरूष आर्थिक झळ सोसणारा असला तरी) स्त्री, एक आई, असते. आयांची त्यांच्या बाळांप्रती असणारी भावना अत्यंत तिव्र असते. ह्याच भावनांचा उपयोग लहान मुलांची उत्पादने निर्मिणारे, विकणारे करून घेतात. एखाद्या कल्पित धोक्यापासून वाचवण्यासाठी, बाळाच्या स्वास्थासाठी, शारीरिक वाढीसाठी, तल्लख बुद्धीसाठी एखादे उत्पादन कसे प्रभावी आहे हे पटवताना एखादे आरोग्यदायी, चटकन उचलून घ्यावेसे वाटणारे बाळ किंवा चुणचुणीत मुलगा जहिरातींच्या केंद्रस्थानी असतो.

स्त्रियांची सौंदर्य प्रसाधने निर्मिणार्‍या कंपन्या आपल्या प्रसाधनांचा सुयोग्य परिणाम होऊन पुरुष कसे आकर्षित होतात हे दाखविण्यासाठी पुरुषांचा वापर करून घेतात.

म्हातारवयातील व्याधींवरील औषधे विकणार्‍या आस्थापना वयाने वृद्ध पण शरीराने तरूण अशा मॉडेल्सचा उपयोग करतात.

तात्पर्य, आपल्या उत्पादनांचे अंतिम उपभोक्ता कोण आहे आणि त्यांना आकर्षण कसले आहे ह्यावर विचार करून जाहिराती बनविल्या जातात.

कदाचीत हे कारण असावं. ;)