माहिती हवी आहे - भाड्याच्या घराबाबत

नाही.

हा शेतीच्या टेनन्सीचा कायदा आहे. (कूळकायदा)

एका चांगल्या वकिलाला (जो कन्व्हेयन्सची, प्रॉपर्टीची, त्यातल्या करारांची कामे करण्यातला स्पेशालिस्ट आहे असा) तातडीने भेटा. ऑनलाईन सल्ल्यांपेक्षा अशा व्यक्तीचा जास्त वास्तव फायदा आणि मदत होते असा माझ्या केसमधे (वरील पैसा यांनी दिलेल्या लिंकमधील कायद्याबाबत+ राहत्या फ्लॅटबाबत आलेल्या कायदेशीर भानगडीमधे) अनुभव आहे आणि तो चांगलाच तीव्र आहे.

तेव्हा तातडीने वकील गाठा. ठाण्यातला हवा तर मी देतो संपर्क. नपेक्षा तुमच्या इथला पहा. पण प्रॉपर्टी स्पेशालिस्ट पहा.

पण मी असे आईक्ले होते, कि

तेच सांगतो. ऐकण्यावर अवलंबून राहून लफडी होतात. मी ही हेच केले होते. प्रत्यक्ष कारवाई लगेच चालू केलेली बरी असते. वकील केवळ फर्स्ट हँड खात्रीची माहितीच नव्हे तर प्रत्यक्ष नोटीस, शोध अशी कामेही तातडीने करतात. फी असते ती वर्थ असते.

चौकशांत (या बाबतीत तरी- गैरसमज नसावा) ..वेळ घालवू नका. रजा टाका हवे तर.

सहमत आहे.

भाडेकरूंचे हितरक्षण करणारे काही कायदे असतात. ते काही उगीच कोणा एका उच्चभ्रू गटाच्या समाधानासाठी बनवलेले नाहीत. त्यामागे "मासेस"चा विचार आहे.

मला यांचा अनुभव (फटका) बसला आहे कारण दोन वडिलोपार्जित जागांच्या बाबतीत वडिलांच्या निधनानंतर मी घरमालकाच्या भूमिकेत होतो आणि भाडेकरूंनी वर्षानुवर्षे जागा न सोडून अत्यंत कष्टदायक स्थिती आणून ठेवली. मग एक जागा मातीमोलाने विकावी लागली. (कारण घेणारी व्यक्ती भाडेकरूंची "काळजी" घेण्यास समर्थ अशी होती.)

दुसर्‍या जागी मला व्यक्तिगतरित्या ठाण मांडून बसावे लागले, आणि त्यांनी संपूर्ण घरावर केलेला कब्जा निस्तरण्यासाठी फार कष्ट घ्यावे लागले. आता जागा सील करुन आलो आहे.

तरीही मी स्पा यांना वकिलांचा सल्ला घ्या असे सुचवले कारण कायद्याने जे काही त्यांना मिळायचे ते मिळावे ही इच्छा. मालकाच्या घरातला / मिळकतीतला भाग डल्ला मारून हडपण्यातला प्रकारच असायला हवा असे नाही. पण निदान त्यांच्या बाबतीत मालक-भाडेकरु यांनी आपापली कर्तव्ये बजावली आहेत का? त्यांना योग्य ती नोटीस मिळते आहे का? नवीन होणार्‍या जागेत, मालकाच्या मिळकतीपेक्षा पुष्कळ सरप्लस उत्त्पन्न आणि राहती जागा तयार होत असते. मूळ राहणार्‍या भाडेकरूने काही अटी पूर्ण केल्या असतील तर त्याला अशा जागेत प्राधान्य / सवलत मिळते.

मालकाने नुसती मालकी उपभोगली का?
तोच कायदेशीर मालक आहे का?
त्याने मेंटेनन्स केला आहे का? की भाडेकरूंनीच वर्षानुवर्षे जागा मेन्टेन केली आहे.

असंख्य कायदेशीर बाबींवर यातले निर्णय अवलंबून असतात. आणि ते वकीलातर्फेच स्पष्ट होऊ शकते.

मालकाने म्हटले की खाडकन जागा सोडणे हे वाटते तितके सोपे नाही. ज्याच्यावर येते त्यालाच कळते. मी घरमालक या पार्टीत असूनही हे समजू शकतो.

म्हणून इथे मजसह अनेकांनी स्पावड्याला फक्त वकील गाठायचा सल्ला दिला आहे. कोणी जर त्या मालकाची बेकायदेशीर लूट कर आणि जास्तीतजास्त त्रास दे असा सल्ला दिला असेल तर त्याचा मीही विरोधच करतो.