प्र.१ ) अर्धवट राहिलेले लेखन कसे आणि कुठे दिसेल?
उ. - अर्धवट राहिलेले लेखन मिपावर साठवता येत नाही. यासाठी कृपया जीमेल किंवा अन्य सोईंचा वापर करावा.
प्र.२) त्रास देणार्‍या सदस्यांची तक्रार कुठे करावी?
उ. - मिपावर सदस्यांना तक्रार करायची असल्यास सरपंच किंवा संपादक मंडळ या आयडीला किंवा नीलकांत यांना व्यक्तिगत निरोप पाठवावा.
प्र.३) प्रवेश करण्यासाठी जशी जागा आहे तसे आपल्या खात्यातुन बाहेर (logout)जाण्यासाठी काय करावे ?
उ. - खात्यातून बाहेर जाण्यासाठी गमन नावाचा दूवा आपल्या उजव्या समासात दिलेला आहे त्याचा वापर करावा.
प्र.४) काही पानांवर "प्रवेश प्रतिबंधीत " असा संदेश दिसतो.
उ.- बरेचदा काही वादग्रस्त किंवा त्रासदायक लेखन उडवायच्या आधी मिसळपावचे संपादक ते लेखन अप्रकाशित करतात व त्यानंतर एकत्रीत चर्चा करून तो उडवावा किंवा काय असा निर्णय होतो. तोपर्यंत तुम्ही त्या पानावर गेलात तर असा संदेश दिसतो.
प्र.५)खरडफळा आणि खरडवही - या दोन्हींत फरक काय?
उ. - खरडफळा हा सार्वजनीक आहे. तेथे सर्वांशी गप्पा मारता येतील. येथील खरडी तुम्ही काढून टाकू शकत नाही.
खरडवही ही तुमची आहे. तुमच्याशी संपर्क साधण्यासाठी त्याचा उपयोग लोक करतील. तुम्ही तुमच्या खरडवहीतील खरडी तुम्ही काढून टाकू शकता.
प्रतिक्रिया
11 Nov 2017 - 6:36 am | Duishen
धन्यवाद एस. जी.
8 Nov 2017 - 9:01 pm | Duishen
माझा प्रश्न सार्वजनिक झाला की काय? असे झाल्यास क्षमस्व.
मी मिपा अधिकाऱ्यांना कुठल्या लिंकवर प्रश्न विचारू?
9 Nov 2017 - 12:57 am | एमी
तुम्ही तुमच्या खरडवहीतील खरडी तुम्ही काढून टाकू शकता. >> कशा??
9 Nov 2017 - 1:08 am | एस
आता नाही काढता येत स्वतःला. पूर्वी खरड डिलीट करता येत असे.
11 Nov 2017 - 6:40 am | एमी
खरडवही बंदपण करता येत नाहीय :-|
20 Mar 2018 - 1:07 am | चुकार
चुकून दोन वेळा लेखन पोस्ट झाल्यास काय करावे?
एक लेखन काढून कसे टाकायचे?
20 Mar 2018 - 1:38 am | डॉ सुहास म्हात्रे
तेच लेखन चुकून दोनदा प्रसिद्ध केले गेल्यास संपादकांना त्यातील एक काढून टाकण्याची विनंती करता येते. हे व्यनीने किंवा लेखाला दिलेल्या एका प्रतिसादात केले तरी चालते.
26 Jun 2019 - 2:28 pm | Rajesh188
Post var दिली जाणारी नवीन कमेंट ही सर्वात शेवटी दिसायला हवी म्हणजे जास्त शोध घ्यावा लागणार नाही
19 Aug 2019 - 4:53 pm | स्मिता दत्ता
मी ब्लॉग ची व अन्य लिंक जोडू शकते का ?
22 Sep 2019 - 9:06 am | रिकामटेकडा
फोटो अपलोड करण्यासाठी फ्लिकर पेक्षा कोणती सोपी वेबसाइट आहे का? फ्लिकर वरून शेअर लिंक करून इकडे टाकताना प्रत्येक वेळी एडिट करावी लागते.
12 Oct 2019 - 5:24 pm | सुमो
पोस्ट इमेज आणि Imgbb हे पर्याय आहेत.
तसंच एम्बेड फोटोज इथं तुमच्या फ्लिकर फोटोची लिंक दिल्यास त्या फोटोची एम्बेड लिंक आणि फोटोचा डायरेक्ट url मिळतो .
उदा. फ्लिकरची ही शेयर लिंक https://flic.kr/p/hx4W8K आणि त्यावरुन घेतलेला हा फोटो.
14 Oct 2019 - 11:55 am | अनिंद्य
नमस्कार,
मी मिपावर बऱ्यापैकी लिखाण केलेले आहे. माझे प्रोफाईल उघडल्यावर 'यांचे सर्व लेखन' ह्या शीर्षकाखाली मात्र माझे लेखन दिसत नाही, अन्य कुणी लिहिलेले ३ लेख दिसतात.
हे कसे दुरुस्त करता येईल ?
14 Oct 2019 - 6:52 pm | सुमो
नीलकांत किंवा प्रशांत हेच करु शकतात..
मी एकही लेख लिहिला नसताना माझ्या प्रोफाईल मधे हे तीन लेख दिसताहेत.
तुमचं लेखन मात्र मला व्यवस्थीत बघता येतंय.
15 Oct 2019 - 10:07 pm | जॉनविक्क
अगदी असेच माझ्या नावाखाली, गवी, मूवी, प्रचेतस, जव्हेरगन्ज , शिवकन्या, मृणालिनी, खिलजी यांचे काही लिखाण जोडता येईल का ;)
बाकी मला माहित आहे काय टेक्निकल झोल असावा ते ;)
16 Oct 2019 - 11:31 am | कंजूस
'माझे लेखन' आणि 'यांचे सर्व लेखन' वेगळे आहे.
--------
याचे उत्तर मी तुम्हाला व्यक्तिगत संदेशात देईन. कारण तुमचा युजर आईडी नंबर मी सभासद नसलेल्यांसाठी उघड करू शकणार नाही. उघड करायला परवानगी नाही.
----------
माझा एखादा लेख कुणी सभासद नसलेल्याने वाचला आणि त्यास मी लिहिलेले इतर लेख वाचायचे असल्यास ते सापडणार नाहीत कारण माझा युजर आईडी त्यांना पाहता येत नाही. पण मी स्वत:च माझ्या लेखात मी लिहिलेल्या लेखाची लिंक देऊ शकतो. तशी काही लेखांत मी दिली आहे.
ती सामान्य लिंक = http_misalpav_dot_com/user/युजरनंबर/authored
या वरील लिंकमध्ये तुमचा यजरनंबर टाका.
16 Oct 2019 - 12:35 pm | जॉनविक्क
असे काही नाही. हवे तर माझा युजर नंबर जाहीर करून बघा जर तुम्ही लॉगिन नसाल तर तसेही त्या युआरएल वर acces denied असेच उत्तर येते. युजर नंबर माहीत असूनही :)
कारण जर तसे घडत नसेल तर मी 0 पासून सुरू करून मिपाच्या सर्व युजर्सना crawl करू शकेन :).
16 Oct 2019 - 12:54 pm | सुमो
इथे असहमत...
लेखकाचे युजरनेम दिसतेच सभासद नसलेल्यांना.
गूगलबाबाला असं विचारलं
तर आलेल्या सर्च रिझल्ट मधील पहिली लिंक तात्या अभ्यंकरांचे सर्व लेखन दाखवते.
गूगल सर्च मधे युजरनेम टाकले की सर्व लेखन दिसते सभासद नसलेल्यांना सुद्धा.
16 Oct 2019 - 1:12 pm | कंजूस
@जॉनविक्क, ब्राऊजरमध्ये तुम्ही लॉगाउट करून खालील लिंक्स चालतात का पाहा.
तुमची लिंक उघडेल पण तुमचे लेखच नसावेत.
कंजूस यांचे लेखन इथे पाहा
------------------------
जॉनविक्क यांचे लेखन इथे पाहा
--------------------------
अनिंदंय यांचे लेखन इथे पाहा
7 Jan 2024 - 10:32 pm | स्वस्तिक
नवे लेखन कसे सुरु करत येइल याबददल मार्ग्दर्शन कसे मिळॅल?
8 Jan 2024 - 9:37 am | प्रा.डॉ.दिलीप बिरुटे
उजव्या बाजूला मिसळपाववर स्वागत असे दिसत असेल. मग माऊली आणि संत तुकाराम दिसतात. मग त्याखाली मिपा दिवाली अंक २०२३ दिसेल. एक तरुण तरुणी हातात हात घेतलेले दिसती. मिसळपाव दिवाळी अंक २०२३ दिसेल. अनुक्रमणिका दिसेल. नंतर आवागमन दिसेल. नंतर, त्या खाली तुमचं लॉगीन केल्यामुळे नाव दिसेल. पुढे खरडवही, व्यक्तिगत संदेश, नवे लेखन, खरडायचा फळा आणि लेखन करा असे दिसेल. त्यावर क्लिक केलं की लेखनाचे पर्याय उघडतील. तिथे चौकटीत लेखन करुन लेखाचे शीर्षक टाकून सर्व टॅगचे पर्याय भरुन लेखन प्रकाशित करा.
लेख कच्चे बच्चे प्रकाशित झाले तरी घाबरु नका. संपादक करतील अप्रकाशित. लेखन प्रकाशित करण्यापूर्वी पूर्वप्रकाशनाचीही सोय आहे. आपलं लेखन प्रकाशित होण्यापूर्वी कसे दिसते ते बघायचे आणि लेखन प्रकाशित करायचे. मदत लागली तर, नक्की सांगा आपण मिपावर कधी कधी पडिक असतो.
-दिलीप बिरुटे
14 Jan 2024 - 10:32 pm | सुजित जाधव
14 Jan 2024 - 10:42 pm | टर्मीनेटर
???
14 Jan 2024 - 10:51 pm | सुजित जाधव
फोटो अपलोड करताना अडचणी येत आहेत. याआधी मी flicker किंवा imgbb.com यावरून लिंक मिळवून वापरायचो. पण तिकडून लिंक इथे कॉपी पेस्ट करुन फोटो अपलोड करण्याचा प्रयत्न केला पण अपलोड होत नाहीये..
हे अस काहीसं दिसतंय
हे अपलोड करत असताना width ८०% व height चा box रिकामा ठेवला होता.
14 Jan 2024 - 11:08 pm | टर्मीनेटर
फोटो गुगल फोटोज वरुन (शेअर्ड अल्बम मधुन) शेअर करा, ते सोपे पडेल. आणि width व height चे रकाने रिकामे ठेवा म्हणजे मोबाइल आणि मोठ्या स्क्रीन अशा दोन्हीवर व्यवस्थीत दिसतील.
2 Jun 2024 - 7:20 am | अनिता ठाकूर
अनाहिता ह्या सदरात मी कोड मंत्र ह्या नाटकाबद्दल लिहिले होते. ती पोस्ट पुन्हा पहाता येईल का?
2 Jun 2024 - 5:41 pm | चौथा कोनाडा
मी "अनाहिता अनिता ठाकूर मिसळपाव.कॉम" असा गुगल शोध घेतला, पण या प्रतिसादा व्यतिरिक्त काही सापडले नाही.
एरवी सुद्धा अनाहिता सदर / विभाग कसा बघायचा ? का तो पुरूष मिपाकरांना बघायची अनुमती नाही ? अनाहिता निवडक लेखन सर्वांसाठी खुलं करायला हरकत नाही.
की अनाहिता सदर / विभाग मिपावरून काढून टाकला आहे ?